أيث-روما 16:25 - ثريفيث 2020

²⁵ ئِتْوَابَرَاك أَربِّـي! نتَّا ذ ونِّي يزمَّرن اَذَاوم يُوْش جّْهذ س لْإِنْجِيل-أَ إِي تْبشَّارغ أُو عَاوذ س ؤُحدّث ن عِيْسَى لْمَسِيح عْلَاحْسَاب مِين د يبَانن تُوْغَاث مَانَاينِّي زِي زْمَان ينُوْفَّر.

أيث-روما 16:25 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:17

أَقَا تسْڒَام ڒْحَقّ: أَطَّاس ن لْأَنْبِيَا ذ ڒْمُوْمِنِين رْزُوْن اَذ ࢲرن مِين تْوَاڒَام، وَلَكِن وَار ث ࢲْرِين شَا. رْزُوْن اَذ سْڒن مِين تسْڒَام، وَلَكِن وَار ث سْڒِين شَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 13:35

حمَا اَذ يكمّڒ وَاوَاڒ إِي ينَّا سِيذِي أَربِّـي إِ نَّبي إِشَعْيَا ذݣ يِجّن ن زْمَان: <أَكِسن سِّيوْڒغ س ڒمْعَانِي، أَذ سخْبَرغ مِين ينُّوْفَّرن زݣ وَامِي ثدْجَا دُّنشْت.>"

أَسڒْمذ ن سِيذِيثْنغ عِيْسَى لْكِتَاب ن مَتَّى 20:7

نَّان-اَس: وَالُو، وَار ذَانغ يسخْذم حَدّ. ينَّا-ٱسن: رُوْحم ؤُڒَا ذ كنِّيو غَار ومَرْجع ينُو.

ڒخذايم 20:32

آي اَيثْمَا، ڒخُّو اَخَاوم ودِّيغ، إِڒِيث اَݣ أَربِّـي ذ وَاوَاڒن ن أَرْضَا نّس. أَوَاڒن-أَ ذَايْسن ثِزمَّار اَذَاوم ؤُشن جّْهذ اَذَاوم ؤُشن ڒْوَاڒث اَك مَارَّا ڒْمُوْمِنِين صَّالِحِين.

ڒخذايم 9:20

ڒخْدّنِّي يبْذَا يتْحدَّاث ذِي ثمْزِيذَاوِين ن أَيث-إِسْرَائِيل يقَّار-اَسن قَا عِيْسَى ذ مِّيس ن أَربِّـي.

أيث-روما 11:25

آي اَيثْمَا، حمَا وَار ذَاوم يتِيڒِي شَا تَّكبُّر رزُّوْغ اَذ تْفهْمم ثَمسْڒَايْث-أَ ثَانِيتَا ينُوْفَّرن، يعْنِي أَيث-إِسْرَائِيل ذَايْسن يجّن ن ثْغنَّانْت وَار تْغِيمِي شَا إِ ڒبْدَا. أَذ تقِّيم اَڒ غَا يكمّڒ لْعَدَد نِّي ن ڒْمُوْمِنِين إِي غَا ينجْمن زݣ يِنِّي وَار يدْجِين شَا زِي أَيث-إِسْرَائِيل.

أيث-روما 14:4

شك مِين ثعْنِيذ بَاش اَذ تْعيّْبذ اَخدَّام ن مِيدّن؟ ئِنْجح نِغ وَار ينْجِيح، وَانِيتَا ذ شّْغڒ ن سِيذس. أُو ذ صَّح نتَّا اَذ ينْجح لِأَنَّا سِيذِي أَربِّـي يزمَّر اَث يسنْجح.

أيث-روما 16:24

{أَخَاوم يِيڒِي مَارَّا إِذْوم اَرْضَا ن سِيذِيثْنغ عِيْسَى لْمَسِيح. آمِين.}

أيث-روما 2:16

ئِقَّار لْإِنْجِيل إِي زِي تْحدَّاثغ: مَانَايَا اَذ يِيڒِي ذِي نْهَار نِّي خْمِي غَا يحَاسب أَربِّـي خ وفُوْس ن عِيْسَى لْمَسِيح مَارَّا مِين ينُوْفَّرن ذݣ وُوْڒَاون ن يِوذَان.

1 أيث-كورينث 1:23

وَلَكِن نشِّين نتْبشَّار س لْمَسِيح يتْوَاصلّْبن. ئِسْرَائِيلِيْين تْنقْڒَاضن ذِي مَانَايَا، ذ يِنِّي وَار يدْجِين شَا زِي أَيث-إِسْرَائِيل قَّارن قَا مَانَايَا ذ ثُوْبُّوْهْڒِيَا وَاهَا.

1 أيث-كورينث 2:7

لَّا، نشِّين نسَّاوَاض يجّن ن ڒفْهَامث ذَايس ڒْمَعْنَا ينُوْفَّرن ن أَربِّـي ذ مِين يتْوَاسْنُوْفَّرن. ئِزمّم-يت أَربِّـي قْبڒ مَا ٱذ د ثخْڒق ڒْوقْث قَاع حمَا نشِّين أَ نتْوَاسمْغَار.

1 أيث-كورينث 4:1

شُوْف، أَمُّو يتْخصَّا اَذَانغ ࢲرن يِوْذَان يعْنِي نشِّين ذ يخدَّامن ن لْمَسِيح، نشِّين نتْكلَّاف خ ثْمسْڒَايِين ينُوْفَّرن ن أَربِّـي.

22 أيث-كورينث 4:3

لْإِنْجِيل نّغ مڒَا يغمّس س يِجّن ن لْتَام، ئِغمّس غِير إِ يِنِّي يفنَّان.

22 أيث-كورينث 4:5

وَار نتْبشِّير شَا س يِيخف نّغ، نتْبشَّار س عِيْسَى لْمَسِيح يعْنِي نتَّا ذ سِيذِيثْنغ. أُو نشِّين ذ يخدَّامن نْوم عْلَاحْسَاب عِيْسَى.

أيث-ݣلاطيا 2:2

عْلَاحْسَاب مِين زِي ذَايِي يوصَّا أَربِّـي ذݣ يِجّن ن لْوَاحِي إِي ݣَعّْذغ ذِنِّي سخْبَارغ-ثن خ لْإِنْجِيل إِي زِي تْبشَّارغ جَار ڒݣْنُوْس. وَلَكِن ݣِّيغ مَانَاينِّي غِير إِ يِنِّي يدْجَان ذ يمقّْرَانن ن جْمَاعث حمَا اَذ سّْنغ مِين خذْمغ ذ مِين تُوْغَا خدّْمغ وَار يدْجِي شَا ذ ڒْبَاطڒ.

أيث-ؤفسوس 1:9

أُو عْلَاحْسَاب لْغَرَض نّس إِݣ يݣَّا ذِي لْمَسِيح يسْبيّن-اَنغ-د ڒْمَعْنَا ينُوْفَّرن ن ڒْخَاضَر نّس.

أيث-ؤفسوس 3:11

مَانَايَا يدْجَا عْلَاحْسَاب لْغَرَض ن أَربِّـي زِي ڒبْدَا، أُو لْغَرَض-أَ يكمّڒ-يث س عِيْسَى لْمَسِيح سِيذِيثْنغ.

أيث-ؤفسوس 3:9

عَاوذ بَاش اَذ سظْهَارغ مْلِيح إِ مَارَّا يوْذَان مِين يخطّط أَربِّـي ذِي ڒْمَعْنَا نِّي ينُوْفَّرن إِݣ يجَّا نتَّا ذݣ يِخف نّس ذِي زْمَانَاث يعْذُوْن أُو ذ نتَّا ذ لْخَالِق ن مَارَّا مِين يدْجَان ذ ثِمسْڒَايِين.

أيث-ؤفسوس 6:19

تَّارم خَافِي نش عَاوذ مڒْمِي مَا رزْمغ اَقمُّوْم ينُو اَذَايِي مُوْشّن وَاوَاڒن إِي زِي غَا بشَّرغ س ڒْمَعْنَا ينُوْفَّرن ن لْإِنْجِيل.

أيث-كولوس 2:2

رزُّوْغ ؤُڒَاون نْوم اَذ تْوَاشجّْعن خْمِي غَا مُوْنن اَك وَايَاوْيَا س ڒمْحِبّث بَاش اَذ تَاوْضم غَار مَارَّا ڒْخِير نِّي إِݣ يدْجَان ذݣ يِجّن ن ڒفْهَامث ثكْمَاڒ ذ يِجّن ن ثُوْسْنَا خ ڒْمَعْنَا ينُوْفَّرن ن أَربِّـي يدْجَان ذِي لْمَسِيح.

أيث-كولوس 4:3

ذِي نّفْس ن ڒْوقْث تَّارم-اَس إِ أَربِّـي خَانغ بَاش اَذ يرْزم ثَوَّارْث إِ وَاوَاڒ نّغ أَ نْبشَّر س ڒْمَعْنَا ينُوْفَّرن ن لْمَسِيح إِي خف إِي دْجِيغ نش ذِي ڒحْبس.

1 أيث-سلونيك 3:13

أَذَاوم يسجْهذ ؤُڒَاون نْوم بَاش اَذ تِيڒِيم بْڒَا ڒْعِيب اَذ تِيڒِيم مُقدّْسِين زَّاث إِ أَربِّـي بَابَاثْنغ خْمِي د غَا يَاس سِيذِيثْنغ عِيْسَى اَك مَارَّا صَّالِحِين نّس.

2 أيث-سلونيك 2:14

أَقَا يڒَاغَا-د خَاوم عْلَاحْسَاب إِ مَانَايَا س لْإِنْجِيل إِي نتْبشَّار بَاش اَذ تْشَرْشم ذِي لْعَظَمَا ن سِيذِيثْنغ عِيْسَى لْمَسِيح.

2 أيث-سلونيك 3:3

وَلَكِن سِيذِيثْنغ ذَايس تِّقث، أَكنِّيو يسجْهذ اَكنِّيو يحْضَا زِي شَّرّْ.

2 تيموتاوس 1:9

ئِسنْجم-اَنغ يڒَاغَا-يَانغ-د س يِجّن ن ؤُڒَاغِي مُقدّس. وَار ذَانغ د يڒَاغِي شَا عْلَاحْسَاب لْحَسَانَاث نّغ؛ لَّا، ئِڒَاغَا-يَانغ-د عْلَاحْسَاب لْغَرَض نّس نتَّا ذ اَرْضَا نّس إِي ذَانغ د يُوْشَا ذِي عِيْسَى لْمَسِيح قْبڒ مَا ٱذ تبْذَا ڒْوقْث ن دُّنشْت-أَ قَاع.

2 تيموتاوس 2:8

فكَّر ذِي عِيْسَى لْمَسِيح ونِّي إِي د يسكَّر أَربِّـي زِي ڒْموْث، نتَّا لْأَصل نّس زِي دَاود. ذ مَانَايَا إِݣ يدْجَان ذِي لْإِنْجِيل إِي تْبشَّارغ نش.

ثبرات غار تيتوس 1:2

لْإِيمَان-أَ ذ ثُوْسْنَا-يَا ثْبدَّا خ لْأَمَال ن ثُوْذَارْث نِّي وَار يفنِّين عمَّارْص، ثنِّي إِي زِي يوْعذ أَربِّـي يعْنِي ونِّي وَار يسْخرِّيقن شَا. ئِوْعذ س ثُوْذَارْث نِّي قْبڒ مَا ٱذ بْذَان زْمَانَاث قَاع.

يعيبرانيين 7:25

خ مَانَايَا يِنِّي زَّايس يتْقَارَّابن غَار أَربِّـي يزمَّر عِيْسَى اَثن يسنْجم إِ ڒبْدَا. مَايمِّي؟ لِأَنَّا نتَّا يدَّر إِ ڒبْدَا اَذَايْسن يتْشَفَاع.

1 بطرس 1:20

أُو نتَّا يتْوَاخْضَر قْبڒ مَا د تْوَاخْڒق دُّنشْت-أَ، وَلَكِن يسْمظْهَار-يث-يذ أَربِّـي ذِي زْمَان-أَ اَنݣَّارُو خ سَّبَاب نْوم.

1 بطرس 5:10

أَتَاف اَذ تْوَاعدّْبم شْوَايْت ن ڒْوقْث ڒخْدّنِّي اَكنِّيو يسْريّح أَربِّـي نّغ إِي ذِي يدْجَا مَارَّا اَرْضَا ذ نتَّا إِي ذَاوم د يڒَاغَان غَار لْعَظَمَا نّس وَار يفنِّين شَا ذِي لْمَسِيح. أَكنِّيو يسْبدّ، أَكنِّيو يسجْهذ، أَكنِّيو يݣّ خ دْسَاس.

لواحي ن يوحنا 10:7

أَقَا ذِي نْهُوْرَاث نِّي خْمِي غَا ثْصُوْض لْمَلَائِكَا وِيس سبْعَا ذِي زَّمَّار نّس قَا صَافِي سِّرّ ن أَربِّـي يكمّڒ مَامّش ذَاسن ث يعَوذ إِ لْعِبَاد نّس لأَنْبِيَا."