أيث-روما 16:21 - ثريفيث 2020

²¹ ئِسِّيوض-اَوم-د سْڒَام تِيْمُوْتَاوُس ونِّي يخدّْمن اَكِذِي، ذ ڒحْبَاب ينُو يعْنِي لُوْقْيُوْس ذ يَاسِين ذ سِبَاتْرُو.

أيث-روما 16:21 ပူးပေါင်းရင်းမြစ်များ

ڒخذايم 13:1

ذِي جْمَاعث ن ڒْمُوْمِنِين ذِي ثنْدِينْت ن وَانْطَاكْيَا ذِنِّي لْأَنْبِيَا ذ يمْسڒْمَاذن. نِثْنِي ذ بَرْنَابَا، ذ سِمْعَان ونِّي ؤُمِي قَّارن أَبرْشَان، ذ لُوْقْيُوْس زِي لْقُرِينَا، ذ مَنَاهن ونِّي إِݣ يربَّان اَك وزدْجِيذ هِيرُدُوْس زِي ثمْزِي نّس، ذ شَاوُل.

ڒخذايم 17:14

ڒخْدّنِّي اَيثْمَاثْنغ سّكّن بُوْلُس غَار ڒبْحَر، ئِقِّيم سِيلَاس ذ تِيْمُوْتَاوُس ذِي ثنْدِينْت ن بِيرْيَا.

ڒخذايم 17:5

وَلَكِن يسْرَائِيلِيْين نّغْنِي حسْذن-ثن، رُوْحن سْمُوْنن-د زِي سُّوْق يجّن ن لْمجْمُوْع ن يكْرُوْشَّارن يعفَّانن بَاش اَذ ݣّن سّْدَع، سْنكَّرن ڒْفَوْضَا ذِي ثنْدِينْت. هجْمن خ ثدَّارْث ن يِجّن قَّارن-اَس يَاسِين رزُّوْن خ بُوْلُس ذ سِيلَاس حمَا اَثن سلّْمن إِ ڒْغَاشِي.

ڒخذايم 18:5

وَامِي د يخْضڒ سِيلَاس ذ تِيْمُوْتَاوُس زِي لْإِقْلِيم ن مَاسِدُوْنْيَا، ئِبْذَا بُوْلُس يخدّم غِير س تّبْشِير أُو صَافِي، ئِشهّذ إِ أَيث-إِسْرَائِيل بلِّي عِيْسَى نتَّا ذ لْمَسِيح.

ڒخذايم 19:22

ئِسّكّ غَار مَاسِدُوْنْيَا ثْنَاين زݣ يِنِّي إِي ث يتْعَاوَانن يجّن قَّارن-اَس تِيْمُوْتَاوُس يجّن قَّارن-اَس أَرِيسْطُوْس، نتَّا بُوْلُس يقِّيم يجّن ن ڒْوقْث ذِي لْإِقْلِيم ن آسْيَا.

ڒخذايم 20:4

ئِسَفَر اَكِذس سُوْپَـاتْرُوْس مِّيس ن پِـيْرُو زِي ثنْدِينْت ن بِيْرْيَا، ذ أَرِيسْتَارْخُوْس ذ سَاكُوْنْدُوْس نِثْنِي زِي ثنْدِينْت ن سَالُوْنِيك، ذ غَايُوْس زِي ثنْدِينْت ن دِرْبَا، ذ تِيْمُوْتَاوُس ذ تُوْشِيق ذ تْرِيْفُوْمُو نِثْنِي زِي لْإِقْلِيم ن آسْيَا.

أيث-روما 16:11

سِيوْضم-اَس سْڒَام إ حَرُوْدِي ونِّي يدْجَان زِي ڒحْبَاب ينُو. سِيوْضم-اَسن سْڒَام إِ لْعَئِلَا ن نَرْقِيس يِنِّي يتَامْنن س سِيذِيثْنغ.

أيث-روما 16:7

سِيوْضم-اَسن سْڒَام إ أَنْدْرُوْنِي ذ يُوْنْيَاس ڒحْبَاب ينُو، يِنِّي تُوْغَا اَكِذِي ذِي ڒحْبس. نِثْنِي مَعْرُوْفِين جَار اَرُّسُل، ؤُمْنن زِي لْمَسِيح قْبڒ مَا ٱذ اَمْنغ نش.

22 أيث-كورينث 1:1

ثَبْرَات-أَ زَّايِي نش بُوْلُس إِݣ يدْجَان ذ اَرَّسُوْل ن عِيْسَى لْمَسِيح س ڒْخَاضَر ن أَربِّـي، أَكِذِي ؤُمَاثْنغ تِيْمُوْتَاوُس. تَارِيغ إِ جْمَاعث ن ڒْمُوْمِنِين ن أَربِّـي يِنِّي يدْجَان ذِي ثنْدِينْت ن كُوْرِينْث ذ مَارَّا ڒْمُوْمِنِين صَّالِحِين عَاوذ إِݣ يدْجَان ذِي لْإِقْلِيم ن ؤُخَايَا اَمن-ثكْمَاڒ.

22 أيث-كورينث 1:19

لِأَنَّا مِّيس ن أَربِّـي يعْنِي عِيْسَى لْمَسِيح نْبشَّر-يث جَارَاوم نش ؤُڒَا ذ سِيلَاس ؤُڒَا ذ تِيْمُوْتَاوُس. لْمَسِيح وَار يدْجِي بُو ذ وَاه اَكذ لَّا، نتَّا يدْجَا ڒبْدَا ذ <وَاه> أُو صَافِي.

أيث-فيليـپـي 1:1

نش ذ بُوْلُس اَكِذِي تِيْمُوْتَاوُس نشِّين ذ يخدَّامن ن عِيْسَى لْمَسِيح. نْتَارِي ثَبْرَات-أَ إِ صَّالِحِين ن عِيْسَى لْمَسِيح إِي يدْجَان ذِي ثنْذِينْت ن فِيلِيـپِّـي ذ اَرُّوْيَاس نْسن ذ نُّيَاب نْسن.

أيث-كولوس 1:1

نش ذ بُوْلُس ذ اَرَّسُوْل ن عِيْسَى لْمَسِيح س ڒْخَاضَر ن أَربِّـي، أَكِذِي ؤُمَاثْنغ تِيْمُوْتَاوُس.

1 أيث-سلونيك 1:1

نش ذ بُوْلُس، أَكِذِي سِيلَاس ذ تِيْمُوْتَاوُس. نْتَارِي ثَبْرَات-أَ غَار جْمَاعث ن ڒْمُوْمِنِين ن أَيث-سَلُوْنِيك إِي يُوْمْنن زِي أَربِّـي بَابَاثْنغ ذ عِيْسَى لْمَسِيح سِيذِيثْنغ. أَكِذْوم يِيڒِي اَرْضَا ذ ڒهْنَا.

1 أيث-سلونيك 3:6

ڒخُّو يذْوڒ-د غَارْنغ زَّايْوم تِيْمُوْتَاوُس، يُوْوِي-يَانغ-د يجّن ن ڒخْبَار ذ اَصبْحَان خ لْإِيمَان نْوم ذ ڒمْحِبّث نْوم. ينَّا-ٱنغ اَقَا تْخمَّامم ذَايْنغ مْلِيح، ذَايْوم عَاوذ مزْڒِي اَذَانغ ثࢲرم ؤُڒَا ذ نشِّين ذَايْنغ مزْڒِي اَكنِّيو نْࢲر.

2 أيث-سلونيك 1:1

نش ذ بُوْلُس، أَكِذِي سِيلَاس ذ تِيْمُوْتَاوُس، نُوْرَا ثَبْرَات-أَ غَار جْمَاعث ن ڒْمُوْمِنِين ن أَيث-سَلُوْنِيك إِي يُوْمْنن زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

1 تيموتاوس 1:2

تَارِيغ ثَبْرَات-أَ إِ تِيْمُوْتَاوُس ونِّي إِي يدْجَان اَم ممِّي ذ صَّح ذِي لْإِيمَان. أَكِذش يِيڒِي اَرْضَا ذ اَرَّاحْمث ذ ڒهْنَا زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

1 تيموتاوس 6:11

فَا شك آي اَرْيَاز ن أَربِّـي، ارْوڒ زِي مَارَّا مَانَايَا ذْفَار مِين يدْجَان نِيشَان ذ مِين ذَاس يتعْجِيبن إِ أَربِّـي ذ لْإِيمَان ذ ڒمْحِبّث ذ تَّاسِع ن ڒْخَاضَر ذ تَّوَاضُع.

1 تيموتاوس 6:20

آ تِيْمُوْتَاوُس، حْضَا مِينْخف تْكلَّافذ قْبڒ. أَوْݣّْوج زِي مِين تْپـرْپِـيرن يِنِّي وَار يُوْمِينن شَا ذ لْأَفْكَار نِّي إِي ذَانغ يتْعَارَّاضن قَّارن-اَس لْعَرْفَانِيَا وَلَكِن مَانَاينِّي ذ يخَرِّيقن وَاهَا.

2 تيموتاوس 1:2

تَارِيغ ثَبْرَات-أَ إِ تِيْمُوْتَاوُس ونِّي إِي يدْجَان اَم ممِّي يعِيزّن خَافِي. أَكِذش يِيڒِي اَرْضَا ذ ڒهْنَا ذ اَرَّاحْمث زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

يعيبرانيين 13:23

ئِتْخصَّا اَذ تسّْنم بلِّي ضڒْقن-اَس-د إِ وُوْمَاثْنغ تِيْمُوْتَاوُس. أَكنِّيو ࢲرغ اَكِذس يعْنِي مڒَا يُوْسَا-د ذغْيَا.