أيث-روما 16:2 - ثريفيث 2020

² رحّْبث زَّايس عْلَاحْسَاب سِيذِيثْنغ، يعْنِي يجّن ن ورحّب إِي سْذَاهدْجن ڒْمُوْمِنِين صَّالِحِين. عَاوْنم-ت ذِي مَارَّا مِين تحْذَاج زَّايْوم ڒَاحقَّاش نتَّاث تْعَاوَان اَطَّاس ن يِوْذَان، تْعَاوَان-اَيِي ؤُڒَا ذ نش.

أيث-روما 16:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:40

أَذ د يَاس وزدْجِيذ اَذَاسن يِينِي: أَقَا تسْڒَام ڒْحَقّ: مِين ثݣِّيم إِ يِجّن ن وُوْمَا ذ اَمزْيَان زݣ أَيثْمَا، ثݣِّيم-اَيِي-ت إِ نش.

ڒخذايم 9:13

يَارَّا خَاس أَنَاس ينَّا-ٱس: "آ سِيذِي، نش خبَّرن-اَيي اَطَّاس ن يِوْذَان خ بْنَاذم-أَ شَاوُل، مشْحَاڒ يعدّب نتَّا ڒْمُوْمِنِين نّش صَّالِحِين ذِي لْقُدْس.

ڒخذايم 9:15

ينَّا-ٱس سِيذِيثْنغ: "لَّا رُوْح، قَا اَرْيَاز-أَ ذ نش إِي ث يخْضَرن اَث سّكّغ حمَا اَذ يسِّيوض يسم ينُو إِ ينِّي وَار يدْجِين شَا زِي أَيث-إِسْرَائِيل، ذ يزدْجِيذن نْسن، ذ يسْرَائِيلِيْين.

ڒخذايم 9:36

ذِي ثنْدِينْت ن يَافَا ذِنِّي يجّن ن ثْمحْضَارْث قَّارن-اَس طَابِيتَا (ڒْمَعْنَا ن يِيسم-أَ، <ثِيغِيت ن وزْغَار>). تݣّ ڒْخِير اَطَّاس تْعَاوَان يمسْعَان.

ڒخذايم 9:39

ئِكَّر بُطْرُس يرُوْح اَكِذْسن. وَامِي يُوْوض سْݣَعّْذن-ث غَار ثْغُوْرْفَات نِّي. نّْضنْت-اَس-د إِ نتَّا مَارَّا ثَاجَّاڒِين، تْرُوْنت سظْهَارنْت-اَس يتْشَامِّيرن ذ يزدْجُوْبَا تُوْغَا ثْخيّض طَابِيتَا وَامِي تُوْغَا ثدْجَا اَكِذْسنْت.

ڒخذايم 9:41

ئِسِيغ-اَس فُوْس نّس، ئِسكَّر-يت-يد. ئِڒَاغَا-د إِ ڒْمُوْمِنِين صَّالِحِين ذ ثَاجَّاڒِين ينَّا-ٱسن اقَا ثدَّر.

أيث-روما 15:7

س مَانَايَا قبْڒث اَيَاوْيَا مَامّش إِي كنِّيو يقْبڒ لْمَسِيح حمَا اَذ تْسمْغَارم أَربِّـي.

أيث-روما 16:15

سِيوْضم-اَسن سْڒَام إِ فِيلُغِي ذ جُوْلْيَا ذ لُوْمْبَاس ذ نِيرْيُوْس اَك وتْشْمَاس ذ مَارَّا ڒْمُوْمِنِين صَّالِحِين إِي كِذْسن يدْجَان.

أيث-روما 16:23

ئِسِّيوض-اَوم-د سْڒَام غَايُوْس، ذ نتَّا إِي زَّايِي يرحّْبن غَار ثدَّارْث نّس يرْزم-يت إِ مَارَّا جْمَاعْث ن ڒْمُوْمِنِين. ئِسِّيوض-اَوم-د سْڒَام أَرِيسْطُوْس لْأَمِين ن صّنْدُوْق ن ثنْدِينْت، ذ ؤُمَاثْنغ قَرْتُوْس.

أيث-روما 16:6

سِيوْضم-اَس سْڒَام إ مَرْيَم إِݣ يخدّْمن اَطَّاس خَاوم.

أيث-روما 16:9

سِيوْضم-اَسن سْڒَام إِ أُوْرْبَان ونِّي يخدّْمن اَكِذِي ذِي لْمَسِيح ذ ومْعِيزِّي ينُو سْتَاخِيس.

أيث-ؤفسوس 5:3

وَا لَابُد وَار يتِيڒِي وَالُو جَارَاوم زِي لْفَسَاد نِغ ذ مِين يسخْنِيزن نِغ ذ طّْمَع ڒَاحقَّاش مَانَايَا مَاشِي مَعْقُوْل إِ صَّالِحِين.

أيث-فيليـپـي 1:27

لْمُهِيم، سُوْيُورث يخف نْوم ذݣ يِجّن ن وبْرِيذ يتِيشّن لْقِيمَا إِ لْإِنْجِيل ن لْمَسِيح. ثُمَّا وَاخَّا نش ؤُسِيغ-د اَكنِّيو ࢲرغ نِغ غَابغ خَاوم اَتَاف اَخَاوم سْڒغ ڒخْبَار بلِّي ثُوْݣُّوْرم نِيشَان خ يِجّن ن اَرَّاي، ثْخدّْمم فُوْس ذݣ وفُوْس خ سَّبَاب ن لْإِيمَان إِي يدْجَان ذِي لْإِنْجِيل،

أيث-فيليـپـي 2:29

رحّْبم-ث س سِيذِيثْنغ س يِجّن ن ڒفْرَاحث ذ تَمقّْرَانْت، وقَّرث يرْيَازن اَم نتَّا.

أيث-كولوس 4:10

ئِسَاوَّاض-اَوم-د سْڒَام أَرِسْتَارْخُوْس ونِّي إِي كِذِي يدْجَان ذِي ڒحْبس-أَ. ئِسَاوَّاض-اَوم-د سْڒَام ؤُڒَا ذ مَرْقُس مِّيس ن عْزِيزس ن بَرْنَابَاس. تُوْغَا وصِّيغ-كنِّيو خ مَرْقُس-أَ مڒَا يُوْسَا-د غَارْوم رحّْبث زَّايس.

1 تيموتاوس 2:10

لَّا، أَذ صَارنْت يخف نْسنْت س لْحَسَانَاث إِݣ يدْجَان لَابُد ذِي ثمْغَارِين نِّي يقَّارن قَا نشِّين نْعبّذ أَربِّـي.

2 تيموتاوس 1:18

أَث يجّ سِيذِيثْنغ حمَا اَذ يَاف اَرَّاحْمث زِي سِيذِي أَربِّـي ذِي نْهَار نِّي اَنݣَّارُو. شك عَاوذ ثسّْنذ مشْحَاڒ ن ثْوَاڒَاثِين إِي ذَايِي يعَاون ذِي ثنْدِينْت ن ؤُفَسُوْس.

ثبرات غار تيتوس 2:3

ثِنِّي يمْغَارن عَاوذ اَذ عِيشّنْت عْلَاحْسَاب لْإِيمَان، وَار ذَايْسنْت تِيڒِي بُو نَّمِيمَا، وَار تبْلِيْيِينْت شَا اَطَّاس س بِينُو. أَذ سْڒمْذنْت مِين يدْجَان ذ اَصبْحَان.

ثبرات غار فليمون 1:12

أَقَا نش تَارِّيغ-اَش-ث-يذ اَخْمِي غَا ش د سّكّغ ؤُڒ ينُو.

ثبرات غار فليمون 1:17

فَلِهَاذَا، مڒَا ثْحسْبذ-اَيِي ذ اَمْعَاشَر نّش، قْبڒ-يث اَخْمِي ذَايِي ثْقبْڒذ نش.

2 يوحنا 1:10

ونِّي إِي غَارْوم د يتَاسن وَار د يتِيوِي اَكِذس تَّعْلِيم-أَ، ئِتْخصَّا-كنِّيو وَار ث ثْسِيذِيفم شَا غَار ثُوْذْرِين نْوم وَار ذَاس ثقَّارم شَا حتَّا ؤُڒَا ذ أَزُوْل.