أيث-روما 16:17 - ثريفيث 2020

¹⁷ آي اَيثْمَا، تتَّارغ زَّايْوم اَذ تحْضَام يخف نْوم زݣ يِنِّي يفرّْقن ڒْمُوْمِنِين خ وَايَاوْيَا تݣّن-اَوم مِين يسفْشِيڒن، يعْنِي ضد ثْغُوْرِي نِّي إِي ثْڒمْذم كنِّيو. بعّْذث خَاسن خ يِيْنَا.

أيث-روما 16:17 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 18:17

وَلَكِن مڒَا يُوْݣِي اَغَارْسن يصنّط، ئِنِي-ث إِ جْمَاعث ن ڒْمُوْمِنِين. أُو مڒَا يُوْݣِي اَغَارْسن يصنّط، حْسب-يث ذ ڒْكَافر نِغ ذ اَخدَّاع.

أَسڒْمذ ن سِيذِيثْنغ عِيْسَى لْكِتَاب ن مَتَّى 18:7

يَا تَمَارَا ن يِوْذَان خ سَّبَاب ن ثْمسْڒَايِين يتَاوِين غَار ڒْمُعْصِيّث. ثِمسْڒَايِين نِّي اَذ د اَسنْت، وَلَكِن يَا تَمَارَا ن بْنَاذم نِّي إِݣ يتݣّن مَانَاينِّي!

أَسڒْمذ ن سِيذِيثْنغ عِيْسَى لْكِتَاب ن مَتَّى 7:15

حْضَام يخف نْوم زݣ يِنِّي يتَارَّان يخف نْسن ذ لْأَنْبِيَا. تَاسن-د غَارْوم اَم شَان ن يحُوْڒِيْين وَلَكِن ذݣ وُوْڒَاون نْسن ذ وشَّانن يوْعَرن.

لوقا 17:1

ينَّا-ٱسن عِيْسَى إِ يمحْضَارن نّس: "ڒبْدَا توْقِيعنْت ثْمسْڒَايِين إِي غَا يغضْڒن يوْذَان ذِي ڒْمُعْصِيَاث، وَلَكِن يَا تَمَارَا ن بْنَاذم نِّي إِݣ يدْجَان ذ سَّبَاب ن ڒْمُعْصِيَاث نِّي.

ڒخذايم 15:24

نتْسْڒَا بلِّي شَان يِوْذَان زَّايْنغ ؤُسِين-د غَارْوم بْڒَا لْإِذن نّغ، سدّْعن-كنِّيو، سِيذْفن ذَايْوم شّكّ س وَاوَاڒ نْسن.

1 أيث-كورينث 11:18

ذ اَمزْوَارُو، خْمِي تْمُوْنم جْمَاعث ن ڒْمُوْمِنِين تسْڒِيغ بلِّي تِيڒِين جَارَاوم لْخِلَافَاث، أُو نش تَامْنغ مَانَايَا إِلَّا ذَايس شْوَايْت ن صَّح.

1 أيث-كورينث 3:3

كنِّيو عَاذ تݣّم اَرَّاي إِ طَّبِيعَا ثَعفَّانْت نْوم. مڒَا يتِيڒِي ڒحْسذ جَارَاوم ذ ومنْغِي، أَتَاف تݣّم اَرَّاي إِ طَّبِيعَا ثَعفَّانْت نْوم اَتَاف تْعِيشم اَم يِوْذَان ن دُّنشْت-أَ وَاهَا، نِغ لَّا؟

أيث-ݣلاطيا 2:4

رزُّوْن خَاس خ مَانَاينِّي شَان ن وَاوْمَاثن زَعْمَا تْبُوْصَارن وَاهَا، ؤُذْفن-د جَارَانغ س ثْنُوْفْرَا حمَا اَذ جسّْسن خ لْحُرِّيَا إِي غَارْنغ ذِي لْمَسِيح بَاش اَذَانغ اَرّن اَم يسمْغَان إِ شَّرِيعَا نْسن.

أيث-فيليـپـي 3:17

آي أَيثْمَا، مُوْنث اَك يِنِّي يتݣّن اَم نش. خْزَرث مْلِيح غَار يِنِّي يݣُّوْرن ذݣ وبْرِيذ نّغ.

أيث-كولوس 2:8

أَرّم-د ڒْبَاڒ نْوم ؤُڒَا ذ يجّن مَا يزمَّر اَكنِّيو يسْخَرْوض س لْفلْسَفَا نِغ س وغدَّاڒ نِّي يخْوَان عْلَاحْسَاب تَّقَالِيد ن بْنَاذم نِغ عْلَاحْسَاب لْقَوَانِين يقْذِيمن ن دُّنشْت-أَ قَا مَاشِي عْلَاحْسَاب لْمَسِيح.

2 أيث-سلونيك 3:6

فَا آي أَيثْمَا، نتْوصَّا-كنِّيو عْلَاحْسَاب يسم ن سِيذِيثْنغ عِيْسَى لْمَسِيح اَذ تْبعّْذم زِي مْكُڒ ڒْمُوْمن يتْبَاعن فَرْق-شّْغڒ، نتَّا وَار يذفَّار شَا تَّعْلِيم إِي ثْقبْڒم زَّايْنغ.

1 تيموتاوس 1:3

نش وَامِي رُوْحغ غَار لْإِقْلِيم ن مَسِدُوْنْيَا وصِّيغ-شك اَذ تقِّيمذ ذِي ثنْدِينْت ن ؤُفَسُوْس بَاش اَذ تنْهِيذ شَان يرْيَازن اَذَاسن ثِينِيذ وَار سڒْمَاذم شَا ثِمسْڒَايِين إِݣ يتْخَلَافن ذِي لْإِيمَان.

2 تيموتاوس 3:5

أَذ ݣّن يخف نْسن عبّْذن أَربِّـي وَلَكِن نكَّرن جّْهذ نّس. ئِوْذَان-أَ، أَوْݣّْوج خَاسن.

ثبرات غار تيتوس 3:10

ونِّي يسْمنْغَان يوْذَان اَݣ وَايَاوْيَا شك عْڒم-اَس ثْوَاڒَا ثَمزْوَارُوْت ذ وِيْس ثْنَاين ڒخْدّنِّي اَوْݣّْوج زَّايس قَاع.

1 يوحنا 2:19

فّْغن زَّايْنغ وَلَكِن تُوْغَا وَار دْجِين شَا زَّايْنغ. مَعْلِيك زَّايْنغ، أَتَاف قِّيمن اَكِذْنغ. نِثْنِي فّْغن بَاش اَد د يبَان بلِّي وَار دْجِين شَا زَّايْنغ.

ثبرات زي يهوذا 1:19

إِيوَا نِثْنِي ذ يِيْنَا إِي كنِّيو يفَرّْقن، ذَايْسن اَرُّوْح ن دُّوشْت-أَ وَاهَا وَار ذَايْسن شَا أَرُّوْح يقدّْسن.