أيث-روما 15:8 - ثريفيث 2020

⁸ شُوْف، نش قَّارغ-اَوم لْمَسِيح يُوْسَا-د حمَا اَذ يِيڒِي ذ اَخدَّام ن أَيث-إِسْرَائِيل، بَاش اَذ د يسْمظْهَار لْحَقِيقَا ن أَربِّـي اَذ يݣّ مِين يوْعذ سَّلَف صَّالِحِين.

أيث-روما 15:8 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 15:24

ينَّا-ٱسن عِيْسَى: "قَا نش تْوَاسّكّغ-د غِير غَار يحُوْڒِيْين يودَّارن، يعْنِى يوْذَان ن أَيث-إِسْرَائِيل."

أَسڒْمذ ن سِيذِيثْنغ عِيْسَى لْكِتَاب ن مَتَّى 20:28

مِّيس ن بْنَاذم ؤُڒَا ذ نتَّا وَار د يُوْسِي شَا حمَا اَخَاس خذْمن يِوْذَان. لَّا، نتَّا يُوْسَا-د حمَا اَخَاسن يخْذم، أَخَاسن يصدّق ثُوْذَارْث نّس حمَا اَذ يسنْجم اَطَّاس زَّايْسن."

يوحنا 1:11

يُوْسَا-د غَار ثْمُوْرْث نّس، أَيثْبَاب ن ثْمُوْرْث نّس وَار ث قْبِيڒن شَا.

يوحنا 10:16

غَاري يحُوْڒِيْين نّغْنِي وَار دْجِين شَا ذِي ڒْكُوْرِي-يَا، ئِتخصَّا-ٱيي اَثن د اَوِيغ. أَذ سْڒن إِ صُّوْت ينُو اَذ تِيڒِي ذ يجّن ن ثْحِيمرْث ذ يجّن إِي ثن غَا يَروْسن.

ڒخذايم 13:46

بُوْلُس ذ بَرْنَابَا نَّان-اَسن س يِجّن ن زْعَامث: "نشِّين تُوْغَا يتْخصَّا اَذَاوم نسِّيوڒ إِ كنِّيو ذ يمزْوُوْرَا س وَاوَاڒ ن أَربِّـي. وَامِي ثُوْݣِيم، ثْحكْمم خ يِيخف نْوم بلِّي كنِّيو وَار ثسْذِيهدْجم شَا ثُوْذَارْث ن ڒبْدَا، ڒخُّو قَا نشِّين أَ نْرَاح غَار يِنِّي وَار يدْجِين شَا زِي أَيث-إِسْرَائِيل.

أيث-روما 11:22

إِذن خْزَر مشْحَاڒ يصْبح أَربِّـي مشْحَاڒ إِي يقْسح. ئِقْسح خ يِنِّي يوْضَان؛ ئِصْبح اَكِذش شك يعْنِي مڒَا ثقِّيمذ ذِي ڒْخِير نّس. مڒَا لَّا اَتَاف اَذ تْوَاقسّذ ؤُڒَا ذ شك.

أيث-روما 11:30

شُوْف، ذِي ڒْوقْث نِّي يعْذُوْن تُوْغَا كنِّيو ثْعصَّام أَربِّـي، يرْحم-يكنِّيو ڒخُّو س سَّبَاب ن ڒْمُعْصِيّث نِّي ن أَيث-إِسْرَائِيل.

أيث-روما 3:26

حمَا ٱذ د يسْمظْهَار ذِي زْمَان-أَ ڒْحَقّ نّس. لِأَنَّا أَربِّـي نتَّا نِيشَان إِݣ يدْجَا، نتَّا يسمْصْڒَاح اَكِذس ونِّي غَا يَامْنن زِي عِيْسَى.

أيث-روما 3:3

إِيوَا مڒَا ڒبْعَاض زَّايْسن وَار ؤُمِينن شَا، مَا س لْكُفر نْسن إِي زِي غَا يسْبطّڒ أَربِّـي ڒْعَهذ نّس؟

أيث-روما 4:16

س مَانَاينِّي ڒْعَهذ-أَ يبْنَا خ لإِيمَان وَاحْذس: حمَا ڒْعَهذ-أَ اَذ د يَاس زِي اَرْضَا نّس، حمَا اَث يضْمن أَربِّـي إِ مَارَّا دُّوْرِّيث ن بْرَاهِيم. أُو مَاشِي غِير ونِّي يذفَّارن شَّرِيعَا ن مُوْسَى؛ لَّا، ؤُڒَا ذ ونِّي يشَرّْشن ذِي لإِيمَان ن بْرَاهِيم. نتَّا ذ جدِّيثْنغ مَارَّا.

1 أيث-كورينث 1:12

يعْنِي، ئِجّن يقَّار نش ذفَّارغ بُوْلُس. ئِجّن يقَّار نش ذفَّارغ أَپُّــوْلُّوْس. ئِجّن يقَّار نش ذفَّارغ بُطْرُس. ئِجّن يقَّار نش ذفَّارغ لْمَسِيح.

1 أيث-كورينث 10:19

مِين خْسغ نش اَذ ينِيغ؟ مَا قَّارغ بلِّي لْمَكْلَا نِّي يتْقدَّامن إِ لْأَصْنَام نتَّاث ذ شَا ن ڒْحَاجث؟ نِغ قَّارغ بلِّي لْأَصْنَام نِثْنِي ذ شَا ن ڒْحَاجث؟

1 أيث-كورينث 10:29

يعْنِي ضَّمِير ن ونِّي إِي كنِّيو يعَرْضن، مَاشِي ذ ضَّمِير نْوم. ڒَاحقَّاش نش مَايمِّي ضَّمِير ن يِجّن نّغْنِي اَذ يحْكم خ لْحُرِّيَا ينُو؟

1 أيث-كورينث 15:50

فَا قَّارغ-اَوم آي أَيثْمَا، قَا اَيْسُوْم ذ يذَامّن وَار زمَّرن اَذ وَارْثن ذِي ڒْمُلْك وجنَّا. مِين يفنَّان وَار يوَارّث شَا مِين وَار يفنِّين.

22 أيث-كورينث 1:20

لِأَنَّا نتَّا ذَايس إِي يقَّار أَربِّـي <وَاه> إِ مَارَّا ثِمسْڒَايِين إِي يعَاهذ أَربِّـي. س مَانَايَا زِي عِيْسَى نقَّار <آمِين> إِ لْعَظَمَا ن أَربِّـي.

أيث-ؤفسوس 2:12

عقْڒث بلِّي ذِي ڒْوقْث نِّي تْبعَّاذم خ لْمَسِيح تنْعزَاڒم زِي لْجِنْسِيَا ن شَّعْب ن أَربِّـي. أَقَا كنِّيو ذ يبَرَّانِيْين عْلَاحْسَاب ثِمسْڒَايِين نِّي إِي زِي د يوْعذ أَربِّـي ذِي ڒْعُهُوْذ نّس. كنِّيو تُوْغَا ثدْجَام بْڒَا لْأَمَال بْڒَا أَربِّـي ذِي دُّنشْت-أَ.