أيث-روما 15:26 - ثريفيث 2020

²⁶ لِأَنَّا ڒْمُوْمِنِين إِي يدْجَان ذِي جْوَايه ن مَسِيدُوْنْيَا ذ وخَايَا تخْسن اَذ عَاوْنن يپُـوْبْرِيثن إِي يدْجَان جَار ڒْمُوْمِنِين صَّالِحِين ذِي ثنْدِينْت ن لْقُدْس.

أيث-روما 15:26 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:40

أَذ د يَاس وزدْجِيذ اَذَاسن يِينِي: أَقَا تسْڒَام ڒْحَقّ: مِين ثݣِّيم إِ يِجّن ن وُوْمَا ذ اَمزْيَان زݣ أَيثْمَا، ثݣِّيم-اَيِي-ت إِ نش.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:11

ئِمسْعَان اَقَاثن اَكِذْوم إِ ڒبْدَا، نش وَار كِذْوم تْغِيمِيغ شَا إِ ڒبْدَا.

لوقا 14:13

لَّا، مڒَا ثݣِّيذ زَرّْدث عَرض خ ڒْمُسَاكِين ذ ينشْرُوْفن ذ يزحَّافن ذ يضَرْغَاڒن.

لوقا 6:20

ئِيْسِي ثِيطَّاوِين نّس عِيْسَى غَار يمحْضَارن نّس ينَّا-ٱسن: "سَّعْذ نْوم آ ڒْمُسَاكِين، أَقَا ڒْمُلْك ن أَربِّـي إِ كنِّيو.

ڒخذايم 16:12

سّنِّي نْرُوْح غَار فِيلِيپِّـي، نتَّاث ذ يجّن ن ثنْدِينْت ثُوْسَا-د ذِي لْوِلَايَا ثَمزْوَارُوْت ن لْإِقْلِيم ن مَاسِدُوْنْيَا، سْتَعْمَارن-تث يرُوْمَانِيْين. نقِّيم ذِنِّي ذِي ثنْدِينْت نِّي ڒبْعَاض ن وُوْسَّان.

ڒخذايم 16:9

ذِي دْجِيڒث نِّي يهْوَا-د يجّن ن لْوَاحِي خ بُوْلُس يࢲْرَا ذَايس يجّن ن وثَرَّاس زِي لْإِقْلِيم ن مَاسِدُوْنْيَا يبدّ يتْطَلَاب-يث يقَّار-اَس زْوَا-د غَارْنغ غَار مَاسِدُوْنْيَا عَاوْن-اَنغ.

ڒخذايم 18:12

وَلَكِن ذِي ڒْوقْث نِّي ن ݣَالْيُوْن لْعَامِل ن لْإِقْلِيم ن ؤُخَايَا، مُوْنن يسْرَائِيلِيْين هجْمن خ بُوْلُس ؤُوِين-ث غَار لْمَحْكَامَا.

ڒخذايم 19:21

منْبَعْد إِ مَانَايَا، يعوّڒ بُوْلُس اَذ يسَفَر غَار لْقُدْس، أَذ يكّ خ لْإِقْلِيم ن مَاسِدُوْنْيَا ذ لْإِقْلِيم ن ؤُخَايَا. ينَّا: خْمِي غَا اَوْضغ ذِنِّي، ئِتْخصَّا-ٱيِي عَاوذ اَذ رَاحغ غَار ثنْدِينْت ن رُوْمَا!

ڒخذايم 9:13

يَارَّا خَاس أَنَاس ينَّا-ٱس: "آ سِيذِي، نش خبَّرن-اَيي اَطَّاس ن يِوْذَان خ بْنَاذم-أَ شَاوُل، مشْحَاڒ يعدّب نتَّا ڒْمُوْمِنِين نّش صَّالِحِين ذِي لْقُدْس.

1 أيث-كورينث 16:15

أَقَا ثسّْنم سِتِيفَانُوْس ذ ڒحْبَاب نّس ذ نِثْنِي إِي يُوْمْنن زِي لْمَسِيح ذ يمزْوُوْرَا ذِي لْإِقْلِيم ن ؤُخَايَا، طوّْعن يخف نْسن اَذ سخَّارن إِ ڒْمُوْمِنِين صَّالِحِين. آي أَيثْمَا، تتَّارغ زَّايْوم اَذ تْثْطَاعم إِ يِوْذَان-أَ اَم يِيْنَا أُو ذ يِنِّي مَارَّا يشَرّْشن ذِي ڒْخذْمث-أَ تَمَارَان ذَايس اَطَّاس.

1 أيث-كورينث 16:5

فَا خْمِي غَا عْذُوْغ مَسِيدُوْنْيَا اَغَارْوم د اَسغ، قَا نش عَاذ اَذ د كّغ سّنِّي خ مَسِيدُوْنْيَا.

22 أيث-كورينث 1:16

يعْنِي تُوْغَا رزُّوْغ اَخَاوم د كّغ خْمِي غَا رَاحغ غَار لْإِقْلِيم ن مَاسِدُوْنْيَا، منْبَعْد اَغَارْوم د عقْبغ زِي مَاسِدُوْنْيَا بَاش اَذَايِي ثْعَاوْنم اَذ سَفَرغ غَار ثْمُوْرْث ن يَهُوْذِيَا.

22 أيث-كورينث 11:9

وَامِي حْضَارغ اَكِذْوم تُوْغَا نش تحْذَاجِيغ، وَار تْبسَّاڒغ خ حَدّ زَّايْوم؛ لَّا، ؤُشِين-اَيِي مِين تحْذَاجِيغ اَيثْمَاثْنغ ينِّي إِي د يُوْسِين زِي مَاسِدُوْنْيَا. أَمنِّي ؤُݣِيغ اَخَاوم بسّْڒغ، أَذ قِّيمغ مسْتَمّر اَمنِّي.

22 أيث-كورينث 2:13

وَلَكِن ؤُڒ ينُو وَار يدْجِي شَا مرْتَاح وَامِي وَار ؤُفِيغ شَا ذِنِّي ؤُمَا تِيتُوْس، مْصَافَاضغ خَاسن ؤُيُوْرغ غَار مَاسِدُوْنْيَا.

22 أيث-كورينث 7:5

شُوْف، نشِّين وَامِي د نُوْذف غَار لْإِقْلِيم ن مَاسِدُوْنْيَا دَّات نّغ وَار ثْرِيّح شَا، نتْوَازيَّار زِي مْكُڒ جِّهث اَمنْغِي غَار بَارَّا ذ ثِيݣّْوْذِي غَار ذَاخڒ.

22 أيث-كورينث 9:12

لِأَنَّا صَّذَاقَا-يَا إِي تݣّم مَاشِي غِير تْعمَّر زَّايس يفَاسّن يخْوَان ن ڒْمُوْمِنِين صَّالِحِين ذِي لْقُدْس؛ لَّا، نتَّاث عَاوذ ئِتنْفيَّاض زَّايس اَطَّاس ن شُّكر إِ أَربِّـي.

22 أيث-كورينث 9:4

منْبَعْد مڒَا ؤُسِين-د اَكِذِي ڒبْعَاض زِي أَيث-مَاسِدُوْنْيَا ؤُفِين-كنِّيو وَار ثسْوجْذم شَا اَتَاف نشِّين أَ نْسذْحَا خ تِّقث نّغ ذَايْوم (ؤُڒَا ذ كنِّيو اَذ تْسذْحَام).

أيث-فيليـپـي 4:15

آ أَيث-فِيلِيـپِّـي، وَامِي فّْغغ نش زِي لْإِقْلِيم ن مَسِيدُوْنْيَا ثسّْنم قَا ذ كنِّيو وَاهَا زِي مَارَّا ثِجُمَاع ن ڒْمُوْمِنِين إِي كِذِي يشَرْشن ذِي لْمُعَاوَنَا. مَانَاينِّي يوْقع وَامِي يَالَّاه بْذِيغ تْبشَّارغ س لْإِنْجِيل ذِي جْوَايه نِّي.

1 أيث-سلونيك 1:7

أَمُّو ثْذوْڒم ذ يجّن ن لْمِثَال اَث ذفَّرن مَارَّا ڒْمُوْمِنِين إِݣ يدْجَان ذِي لْإِقْلِيم ن مَاسِدُوْنْيَا ذ لْإِقْلِيم ن ؤُخَايَا.

1 أيث-سلونيك 1:8

زَّايْوم كنِّيو إِي د يفّغ صُّوْت ن وَاوَاڒ ن سِيذِيثْنغ. مَاشِي يفّغ-د ذِي مَاسِدُوْنْيَا ذ ؤُخَايَا وَاهَا؛ لَّا، يفّغ-د ڒخْبَر-أَ خ لْإِيمَان نْوم زِي أَربِّـي غَار يِوْذَان ذِي مَارَّا يمُوْشَان. خ مَانَايَا وَار ذَانغ يتْخصِّي شَا اَخَاس نسِّيوڒ مِينْزِي يوْذَان تسْڒَان خَاوم.

1 أيث-سلونيك 4:10

وَاه، ذ صَّح تخْسم مَارَّا أَيثْمَاثْوم إِي كِذْوم يتْعِيشن ذِي لْإِقْلِيم ن مَاسِدُوْنْيَا. وَلَكِن نتْوصَّا-كنِّيو آي أَيثْمَا اَذ تَرْنِيم عَاذ كْتَار.

1 تيموتاوس 1:3

نش وَامِي رُوْحغ غَار لْإِقْلِيم ن مَسِدُوْنْيَا وصِّيغ-شك اَذ تقِّيمذ ذِي ثنْدِينْت ن ؤُفَسُوْس بَاش اَذ تنْهِيذ شَان يرْيَازن اَذَاسن ثِينِيذ وَار سڒْمَاذم شَا ثِمسْڒَايِين إِݣ يتْخَلَافن ذِي لْإِيمَان.

ثبرات غار فليمون 1:5

قَا نش تسْڒِيغ خ لْإِيمَان نّش إِي ذَايش زِي سِيذِيثْنغ عِيْسَى ذ ڒمْحِبّث نّش غَار مَارَّا صَّالِحِين.