أيث-روما 15:25 - ثريفيث 2020

²⁵ وَلَكِن ڒخُّو اَقَا ݣُّوْرغ غَار ثنْدِينْت ن لْقُدْس بَاش اَذ عَاوْنغ ڒْمُوْمِنِين صَّالِحِين إِي ذِنِّي.

أيث-روما 15:25 ပူးပေါင်းရင်းမြစ်များ

ڒخذايم 18:21

وَامِي خَاسن يمْسَافَاض ينَّا-ٱسن قَا مڒَا يخس أَربِّـي، عَاذ ٱذ د عقْبغ. سّنِّي ينْيَا ذݣ ؤُغَرَّابُو يفّغ زِي ثنْدِينْت نِّي ن ؤُفَسُوْس.

ڒخذايم 19:21

منْبَعْد إِ مَانَايَا، يعوّڒ بُوْلُس اَذ يسَفَر غَار لْقُدْس، أَذ يكّ خ لْإِقْلِيم ن مَاسِدُوْنْيَا ذ لْإِقْلِيم ن ؤُخَايَا. ينَّا: خْمِي غَا اَوْضغ ذِنِّي، ئِتْخصَّا-ٱيِي عَاوذ اَذ رَاحغ غَار ثنْدِينْت ن رُوْمَا!

ڒخذايم 20:16

زِي ثنْدِينْت نِّي ن مِيلِيتُوْس يسّكّ بُوْلُس غَار ثنْدِينْت ن ؤُفَسُوْس يڒَاغَا-د خ يمقّْرَانن ن جْمَاعث ن ڒْمُوْمِنِين بَاش اَغَارس د اَسن. تُوْغَا يݣَّا بُوْلُس اَذ يكّ خ ڒبْحَر خ وغزْذِيس ن ثنْدِينْت ن ؤُفَسُوْس إِݣ يدْجَان ذِي لْإِقْلِيم ن آسْيَا بَاش وَار يتْعطَّڒ شَا ذِنِّي. ئِتْقدْجِيق بَاش اَذ يَاوض ذغْيَا غَار ثنْدِينْت ن لْقُدْس يمْكن قْبڒ إِ ڒْعِيذ ن نْهَار وِيس خمْسِين.

ڒخذايم 20:22

نش نْهَارَا ݣُّوْرغ غَار ثنْدِينْت ن لْقُدْس ذ أَرُّوْح إِي ذَايِي يتَاوِيِن ذِنِّي، وَار سِّينغ مِين ذَايِي غَا يوقْعن.

ڒخذايم 24:17

منْبَعْد إِ وَاطَّاس ن يسݣّْوُوْسَا عقْبغ-د غَار ثنْدِينْت ن لْقُدْس ؤُوِيغ-د شَان ن صَّذَقَا إ لْأُمَّا ينُو، قدّْمغ شَا ن دْبِيحَاث.

ڒخذايم 9:13

يَارَّا خَاس أَنَاس ينَّا-ٱس: "آ سِيذِي، نش خبَّرن-اَيي اَطَّاس ن يِوْذَان خ بْنَاذم-أَ شَاوُل، مشْحَاڒ يعدّب نتَّا ڒْمُوْمِنِين نّش صَّالِحِين ذِي لْقُدْس.

أيث-روما 12:13

عَاوْنث ڒْمُوْمِنِين صَّالِحِين يِنِّي يتحْذَاجن. رحّْبث خ يِنِّي يتْسَفَارن.

1 أيث-كورينث 16:4

مڒَا أُو لَابُد اَذ رَاحغ ؤُڒَا ذ نش، أَكِذِي رَاحن.

22 أيث-كورينث 8:4

تَّارن زَّايْنغ س وُوْڒ نْسن اَذ عَاوْنن س ڒْخِير-أَ ڒْمُوْمِنِين صَّالِحِين إِي يدْجَان ذِي ثنْدِينْت ن لْقُدْس.

22 أيث-كورينث 8:6

أَمنِّي إِي نْوصَّا تِيتُوْس وَامِي تُوْغَا يبْذَا يجمّع زِي قْبڒ ڒْخِير ن صَّذَاقَا-يَا زَّايْوم، ڒخُّو نْوصَّا-ث اَت يكمّڒ.

أيث-ݣلاطيا 2:10

غِير تَّارن زَّايْنغ أَ نْفكَّار ذݣ يپُـوْبْرِيثن نْسن. مَانَاينِّي رزُّوْغ-ث نِّيث س وُوْڒ ينُو اَث ݣّغ.

يعيبرانيين 6:10

إِيوَا أَربِّـي، مَا يتِيشّ ڒْحَقّ مَا لَّا؟ وَاه، أَربِّـي وَار يتتُّو شَا ڒْخذْمث نْوم ذ ڒمْحِبّث نِّي ذَاس د ثْسظْهَارم وَامِي ثْعَاوْنم صَّالِحِين. أُو عَاذ تݣّم مَانَايَا.