أيث-روما 15:24 - ثريفيث 2020

²⁴ خْمِي غَا رَاحغ غَار سْپَـانْيَا تْمنِّيغ اَخَاوم د كّغ، أَكِذْوم قِّيمغ اَكِذْوم فَرْحغ شْوَايْت ن ڒْوقْث. نش تْمنِّيغ زَّايْوم اَذَايِي ثْعَاوْنم اَذ كمّْڒغ خ وبْرِيذ ينُو.

أيث-روما 15:24 ပူးပေါင်းရင်းမြစ်များ

ڒخذايم 19:21

منْبَعْد إِ مَانَايَا، يعوّڒ بُوْلُس اَذ يسَفَر غَار لْقُدْس، أَذ يكّ خ لْإِقْلِيم ن مَاسِدُوْنْيَا ذ لْإِقْلِيم ن ؤُخَايَا. ينَّا: خْمِي غَا اَوْضغ ذِنِّي، ئِتْخصَّا-ٱيِي عَاوذ اَذ رَاحغ غَار ثنْدِينْت ن رُوْمَا!

ڒخذايم 21:5

وَامِي ذَانغ ثقْضَا ذِنِّي ڒْوقْث نّغ نكَّر نفّغ بَاش أَ نْسِيْغِي خ ؤُسَفَر نّغ. مَارَّا يمحْضَارن رُوْحن اَكِذْنغ غَار بَارَّا ن ثنْدِينْت س ثمْغَارِين نْسن ذ ثَارْوَا نْسن، نرْكع خ يفَادّن نّغ خ يِجْذِي ن ڒبْحَر نࢲُّوْدْج.

أيث-روما 1:12

يعْنِي أَ نْشجّع اَيَاوْيَا س لإِيمَان إِي ذَايْنغ يشَرّْشن.

أيث-روما 15:28

إِذن خْمِي غَا كمّْڒغ شّْغڒ-أَ اَذَاسن سِّيوْضغ مَارَّا لْمُعَوَانَا-يَا، أَخَاوم د كّغ خْمِي غَا رَاحغ غَار سْپَـانْيَا.

22 أيث-كورينث 1:16

يعْنِي تُوْغَا رزُّوْغ اَخَاوم د كّغ خْمِي غَا رَاحغ غَار لْإِقْلِيم ن مَاسِدُوْنْيَا، منْبَعْد اَغَارْوم د عقْبغ زِي مَاسِدُوْنْيَا بَاش اَذَايِي ثْعَاوْنم اَذ سَفَرغ غَار ثْمُوْرْث ن يَهُوْذِيَا.

3 يوحنا 1:6

شهْذن خَاك ذَانِيتَا زَّاث إِ جْمَاعث خ ڒمْحِبّث نّش. أَذ تݣّذ مْلِيح عَاوذ مڒَا ثْذبَّارذ خَاسن خ وبْرِيذ نْسن عْلَاحْسَاب مِين يتحْذَاجَا أَربِّـي.