أيث-روما 15:18 - ثريفيث 2020

¹⁸ شُوْف، زعْمغ اَذ سِّيوْڒغ غِير خ مِين يخدّم لْمَسِيح خ وفُوْس ينُو حمَا يِنِّي وَار يدْجِين شَا زِي أَيث-إِسْرَائِيل اَذ طَاعن إِ أَربِّـي س وَاوَاڒ ذ ڒخْذَايم ينُو،

أيث-روما 15:18 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:16

ڒخْدّنِّي يكَّر ونِّي ؤُمِي يُوْشَا خمْسَاڒَاف ن ڒُوْزْنَاث يݣَّا زَّايْسنْت تِّجَارَا، يرْبح خمْسَاڒَاف نّغْنِي.

مرقس 16:20

نِثْنِي فّْغن بشَّرن يوْذَان ذِي مْكُڒ اَمْشَان. سِيذِيثْنغ اَقَاث اَكِذْسن، ئِسْمظْهَار-د ڒْحَقّ ن يِنِّي يتْبشَّارن س وَاطَّاس ن لْعَلَامَاث إِي ثن يذفَّارن.}

ڒخذايم 14:27

وَامِي ؤُوْضن ذِنِّي، سْمُوْنن جْمَاعث ن ڒْمُوْمِنِين عَاوْذن-اَسن مَارَّا مِين يݣَّا أَربِّـي خ وفُوْس نْسن ذ مَامّش يرْزم-اَسن ثَوَّارْث ن لْإِيمَان إِ يِنِّي وَار يدْجِين شَا زِي أَيث-إِسْرَائِيل.

ڒخذايم 15:12

مَارَّا جْمَاعث نِّي ذِنِّي إِي قِّيمن وَار نِّين وَالُو، تسْڒَان إِ بَرْنَابَا ذ بُوْلُس سَّاوَاڒن خ لْمُعْجِيزَاث ذ لْبُرْهَانَاث يݣَّا أَربِّـي خ وفُوْس نْسن جَار يِنِّي وَار يدْجِين شَا زِي أَيث-إِسْرَائِيل.

ڒخذايم 15:4

وَامِي ؤُوْضن غَار لْقُدْس، رحّْبن زَّايْسن جْمَاعث ن ڒْمُوْمِنِين ذ يمقّْرَانن ن جْمَاعث-أَ ذ ارُّسُل. ذِنِّي بُوْلُس ذ بَرْنَابَا عَاوْذن-اَسن إِ نِثْنِي مَارَّا مِين يݣَّا أَربِّـي خ وفُوْس نْسن.

ڒخذايم 21:19

ئِسدْجم خَاسن بُوُلُس، ئِعَاوْذ-اَسن ثَا س ثَا ينَّا-ٱسن مِين يݣَّا أَربِّـي خ وفُوْس نّس جَار يِنِّي وَار يدْجِين شَا زِي أَيث-إِسْرَائِيل.

ڒخذايم 26:20

لَّا، تْبشَّارغ ذ اَمزْوَارُو يمزْذَاغ ن ثنْدِينْت ن دِمَشق، عَاذ ذ يمزْذَاغ ن ثتْدِينْت ن لْقُدْس ذ مَارَّا جْوَايه ن ثْمُوْرْث ن يَهُوْذِيَا، ذ اَنݣَّارُو مَارَّا يِنِّي وَار يدْجِين شَا زِي أَيث-إِسْرَائِيل. تْبشَّارغ-ثن اَذ تُوْبن اَذ ذوْڒن غَار أَربِّـي، أَذ خذْمن ڒخْذَايم ن تُّوْبَا يدْجَان ن صَّح.

أيث-روما 1:5

أَقَا زِي عِيْسَى أُو خ سَّبَاب ن يِيسم نّس يݣَّا ذَايِي أَربِّـي لْبَرَكَا حمَا اَذ يڒِيغ ذ اَرَّسُوْل، أَذ بشَّرغ يوْذَان زِي مَارَّا ڒݣْنُوْس اَزَّايس اَمْنن اَذَاس طَاعن.

أيث-روما 16:26

ڒخُّو يبَان-د مَانَايَا إِ يِوْذَان يتْوَاسّن س لْكُتُب ن لْأَنْبِيَا. أَربِّـي يعْنِي ونِّي يتْدُوْمَان إِ ڒبْدَا يُوْمَر اَزَّايس اَمْنن مَارَّا ڒݣْنُوْس اَذَاس طَاعن.

أيث-روما 6:17

وَلَكِن أَ نحْمذ أَربِّـي! وَاخَّا ثْطَاعم إِ ڒْمُعْصِيّث قْبڒ، ڒخُّو ثْطَاعَام س وُوْڒَاون نْوم إِ ؤُسڒْمذ نِّي إِي كنِّيو يسِّيوْضن. ثهْنَام زِي ڒْمُعْصِيّث، ثْذوْڒم ذ يسمْغَان إِ مِين يدْجَان نِيشَان.

22 أيث-كورينث 11:31

ونِّي يتْوَابَرْكن إِ ڒبْدَا يعْنِي أَربِّـي بَابَاس ن سِيذِيثْنغ عِيْسَى، ئِسّن إِلَّا نش قَّارغ لْحَقِيقَا.

22 أيث-كورينث 12:6

شُوْف، مْڒِي خْسغ اَذ فْتَخَرغ زݣ يِيخف ينُو اَتَاف سَّاوَاڒغ س ڒْحَقّ مَاشِي س ثُوْبُّوْهْڒِيَا. وَلَكِن ؤُݣِيغ اَذ ݣّغ اَمُّو، مَايمِّي؟ حمَا اَذَايِي حسْبن يِوْذَان غِير س مِين تْوَاڒَان ذَايِي س ثِيطَّاوِين نْسن أُو ذ مِين تْصنَّاطن زَّايِي س يمجَّان نْسن.

22 أيث-كورينث 3:5

يعْنِي مَارَّا مَانَايَا وَار ذَاس نْزمَّر شَا نشِّين س يِيخف نّغ. وَار نتْحسِّيب شَا بلِّي ثِزمَّار-أَ تَاسنْت-يد زَّايْنغ؛ لَّا، تَاسنْت-يد زِي أَربِّـي.

22 أيث-كورينث 6:1

فَا نشِّين إِݣ يخدّْمن اَك أَربِّـي نْتتَّار إِ كنِّيو نقَّار-اَوم: مَاشِي اَذ تْقبّْڒم اَرْضَا ن أَربِّـي وَار زَّايس ثْخدّْمم شَا.

أيث-ݣلاطيا 2:8

مِينْزِي أَربِّـي إِݣ يسْخدَّامن تّبْشِير ن بُطْرُس اَم اَرَّسُوْل إِ أَيث-إِسْرَائِيل، ذ نتَّا إِݣ يسْخدَّامن عَاوذ تّبْشِير ينُو اَم اَرَّسُوْل إِ يِنِّي يدْجَان ذ ييُوْنَانِيْين.

أيث-كولوس 3:17

مَارَّا مِين تݣّم س وَاوَاڒن نِغ س لْحَسَانَاث، ئِتْخصَّا اَذ تݣّم مَانَايَا مَارَّا عْلَاحْسَاب يسم ن سِيذِيثْنغ عِيْسَى اَزَّايس تْشكَّرم أَربِّـي بَابَاثْنغ.

يعيبرانيين 11:8

س لْإِيمَان يكَّر نَّبِي بْرَاهِيم يطَاع-اَس إِ أَربِّـي وَامِي ذَاس د يڒَاغَا اَذ يرَاح غَار يِجّن ن ومْشَان إِي غَا يقْبڒ ذ لْوَارث. ئِفّغ نتَّا تُوْغَا وَار يسِّين شَا مَانِي غَا يرَاح.

يعيبرانيين 5:9

وَامِي يعْذُو اَعدّب نِّي بْڒَا ڒْمُعْصِيّث، ئِذْوڒ نتَّا ذ ڒْعُنْصَر ن وسنْجم يعْنِي يزمَّر اَذ يسنْجم مَارَّا يِنِّي إِي ث يتْطَاعَان.

ثبرات غار يعقوب 1:22

فَا مَاشِي اَذ تسْڒم إِ وَاوَاڒ ن أَربِّـي أُو صَافِي؛ ئِتْخصَّا-كنِّيو اَزَّايس ثْخدّْمم حمَا وَار ثْخدّْعم شَا يخف نْوم.

1 يوحنا 3:18

آ يحنْجِيرن، مَاشِي أَ نْتخْس بْنَاذم س وَاوَاڒن ذ يِيڒس وَاهَا؛ لَّا، ئِتْخصَّا اَث نخْس س ڒخْذَايم ذ ڒْحَقّ.

ثبرات زي يهوذا 1:9

وَلَكِن مِين يݣَّا لْمَلَاك اَمقّْرَان مِيْكَائِيل وَامِي يمْنغ اَك إِبْڒِيس يمْنَاقَر اَكِذس خ دَّات يمُّوْثن ن مُوْسَى؟ وَاخَّا ذ مِيْكَائِيل-أَ وَار يزْعِيم شَا اَذ يِينِي شَا ن وَاوَاڒ وَار يحْڒِين خ إِبْڒِيس، ينَّا-ٱس شك اَش ينْهَا سِيذِي أَربِّـي!