أيث-روما 15:14 - ثريفيث 2020

¹⁴ آي اَيثْمَا، نش مْتيّْقن بلِّي كنِّيو ثشُّوْرم س ڒْخِير ذ مَارَّا ثُوْسْنَا، ثْزمَّرم اَذ تسْڒمْذم اَيَاوْيَا.

أيث-روما 15:14 ပူးပေါင်းရင်းမြစ်များ

1 أيث-كورينث 1:5

زِي نتَّا، يتْوَارْنِي-يَاوم ڒْخِير ذِي كُڒْشِي، يعْنِي ذِي مَارَّا اَوَاڒن ذ ثُوْسْنَا.

1 أيث-كورينث 12:8

ئِجّن يمُّوْش-اَس س وفُوْس ن أَرُّوْح يقدّْسن بَاش اَذ يسِّيوڒ س لْحِكْمَا. ئِجّن يمُّوْش-اَس اَوَاڒ ن ثُوْسْنَا س وفُوْس ن أَرُّوْح-أَ وَانِيتَا.

1 أيث-كورينث 13:2

نش مَعْلِيك غَارِي لْقُدْرَا اَذ سِّيوْڒغ اَم لْأَنْبِيَا، مَعْلِيك فهْمغ مَارَّا مِين ينُوْفَّرن ذ مَارَّا ثُوْسْنَا، مَعْلِيك سْخدَّامغ لْإِيمَان اَذ سْمُوْتِّيغ يذُوْرَار-أَ، إِڒِي ذ وَالُو إِي دْجِيغ نش مڒَا وَار تْحِبِّيغ شَا.

1 أيث-كورينث 8:1

فَا لْمَكْلَا يتْقدَّامن إِ لْأَصْنَام. نشِّين مَارَّا إِذْنغ غَارْنغ ثُوْسْنَا، يعْنِي نسّن ثِمسْڒَايِين. ثُوْسْنَا-يَا إِي نسّن تْسُوْفَّا يوْذَان س تَّكبُّر، وَلَكِن ڒمْحِبّث تَرْنِي ذَايْنغ جّْهذ.

1 أيث-كورينث 8:10

شُوْف، ونِّي ؤُمِي غَار يدْجَا لْإِيمَان يضْعف. مَعْلِيك يࢲْرِي-ش شك غَارك ثُوْسْنَا زَعْمَا تتّذ ذݣ يِجّن ن زَّاوْيِث ن لْأَصْنَام، إِڒِي ثْشجّْعذ-ث شك حمَا ؤُڒَا ذ نتَّا اَذ يشّ لْمَكْلَا يتْقدَّامن إِ لْأَصْنَام، نِغ لَّا؟

1 أيث-كورينث 8:7

وَلَكِن مَاشِي يوْذَان قَاع سّْنن مَانَايَا. ڒبْعَاض ن يِوْذَان تُوْغَا غَارْسن لْأَصْنَام ذ دِّين نْسن يجْهذ. مڒَا تتّن لْمَكْلَا-يَا يتْقدَّامن إِ لْأَصْنَام اَتَاف يتْغِير-اَسن مَانَايَا ذ صَّح، ضَّمِير نْسن يضعْفن اَتَاف اَذ يخْنز.

22 أيث-كورينث 8:7

كنِّيو تݣّم زْيَادَا ذِي مَارَّا ثِمسْڒَايِين، يعْنِي ذِي لْإِيمَان نْوم ذ لْخُطْبَا نْوم ذ ثُوْسْنَا نْوم ذ مَامّش إِي تْحَوَاڒم س وُوْڒَاون نْوم أُو ذ ڒمْحِبّث نْوم إِ نشِّين. أَمُّو إِي غَا ثݣّم مْلِيح اَطَّاس ذِي ڒْخِير ن صَّذَاقَا-يَا عَاوذ.

أيث-ؤفسوس 5:9

أَقَا نُّوْر يتَارو-د مِين يدْجَان ذ اَصبْحَان ذ مِين يدْجَان نِيشَان ذ مِين يدْجَان ذ لْحَقِيقَا.

أيث-فيليـپـي 1:11

زَّايس زِي عِيْسَى لْمَسِيح اَذ تِيڒِيم ثْعمَّرم س مِين د يتَارْون ڒْحَقّ. مَارَّا مَانَايَا إِ لْعَظَمَا ن أَربِّـي ذ لْحَمْد نّس.

أيث-فيليـپـي 1:7

غَارِي ڒْحَقّ اَذَايْوم فكَّرغ اَمنِّي ڒَاحقَّاش اَقَا كنِّيو غَارِي ذݣ وُوْڒ ينُو. أَقَا مَارَّا ثْشَرّْشم اَكِذِي ذِي اَرْضَا ن ڒْخذْمث-أَ وَاخَّا اَقَايِي ذِي ڒحْبس نِغ تْذَفَاعغ خ لْإِنْجِيل ذ ڒْحَقّ إِي ذَايس.

أيث-كولوس 3:16

اجّم اَوَاڒن ن لْمَسِيح اَذَايْوم زذْغن س مَارَّا لْبَرَكَا نْسن. س مَارَّا ڒفْهَامث يتْخصَّا يجّن اَذ يسفْهم ونّغْنِي، ئِجّن اَذ ينْهَا ونّغْنِي. غنّْجم س وَاوَاڒن ن زَّبُوْر ذ لْأَمْدَاح ذ يِيزْڒَان رُوْحِيَا اَكِذس ثݣّم يجّن ن شُّكر ذݣ وُوْڒَاون نْوم إِ أَربِّـي.

1 أيث-سلونيك 5:11

فَلِيهَذَا تْشجَّاعث اَيَاوْيَا تْعَاوَانث اَيَاوْيَا مَامّش تݣّم ڒخُّو.

1 أيث-سلونيك 5:14

آي أَيثْمَا، نْهَاث يِنِّي يتْبَاعن فَرْق-شّْغڒ، شجّْعث يِنِّي يتفْشِيڒن، عَاوْنث يِنِّي يتضْعِيفن، صبَّارث اَك مَارَّا.

2 أيث-سلونيك 1:11

خ مَانَايَا نْتتَّار إِ أَربِّـي خَاوم ڒبْدَا بَاش اَكنِّيو يَارّ ثسْذَاهدْجم اَڒَاغِي نّس. أُو س جّْهذ نّس اَذَاوم يَارو مَارَّا ڒْخِير إِي ثخْسم أَذ تݣّم، أَذَاوم يَارو كُڒ ڒْخذْمث عَاوذ إِي د تَاسن زِي لْإِيمَان نْوم.

2 تيموتاوس 1:5

عقْڒغ خ لْإِيمَان نّش بْڒَا نِّفَاق ونِّي يدْجَان ذ اَمزْوَارُو ذِي حنَّاش لْوِيزَا ذ يمَّاش أَنِيسَا. ڒخُّو تيّْقغ ذ صَّح بلِّي اَقَاث ذَايش ؤُڒَا ذ شك.

ثبرات غار فليمون 1:21

نش تْأَكَادغ س طَّاعَا نّش، س مَانَايَا تَارِيغ-اَش-د ثَبْرَات-أَ سّْنغ شك اَذ تݣّذ كْتَار زِي مِين ذَاش تْطَالَابغ.

يعيبرانيين 5:12

شُوْف، وَا لَابُد كنِّيو ڒخُّو اَذ تِيڒِيم ذ يمْسڒْمَاذن وَلَكِن عَاذ يتْخصَّا-يَاوم يجّن اَكنِّيو يسْغَر س ثْغُوْرِي نِّي ثَمزْوَارُوْت زݣ وَاوَاڒ ن أَربِّـي. كنِّيو تحْذَاجَام اَغِي وَاهَا، مَاشِي لْمَكْلَا ذ صَّح.

يعيبرانيين 6:9

آي يمْعِيزّن ينُو، وَاخَّا نسَّاوَاڒ اَمُّو نشِّين متْأَكدِّين زَّايْوم يعْنِي خ ثْمسْڒَايِين ثِصبْحَانِين إِي زِي غَا تْنجْمم.

2 بطرس 1:12

إِذن فَا، أَكنِّيو سْفكَّرغ ڒبْدَا خ ثْمسْڒَايِين-أَ وَاخَّا ثسّْنم-ثنْت كنِّيو مْلِيح قَا ثْبدّم خ دْسَاس ن لْحَقِيقَا-يَا إِي غَارْوم ڒخُّو.

1 يوحنا 2:21

تَارِيغ-اَوم-د ڒَاحقَّاش ثسّْنم لْحَقِيقَا مَاشِي وَار ت ثسِّينم شَا. أُو عَاوذ وَار يدْجِي بُو شَان وخَرِّيق إِي د يُوْسِين زِي لْحَقِيقَا.