أيث-روما 14:9 - ثريفيث 2020

⁹ لِأَنَّا خ مَانَايَا إِي خف يمُّوْث لْمَسِيح أُوْشَا ثعْقب-د ذَايس ثُوْذَارْث حمَا اَذ يِيڒِي نتَّا ذ سِيذِيثْسن ن يِنِّي يمُّوْثن ذ يِنِّي يدَّرن.

أيث-روما 14:9 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 28:18

ئِقَارّب-د غَارْسن عِيْسَى يسِّيوڒ اَكِذْسن ينَّا-ٱسن: "ثمُّوْش-اَيِي مَارَّا سُّلْطَا ذݣ وجنَّا ذ ثْمُوْرْث.

لوقا 24:26

تُوْغَا يتْخصَّا إِ لْمَسِيح اَذ يعدّب، سّنِّي اَذ يَاذف غَار لْعَظَمَا نّس."

يوحنا 12:24

أَقَا تسْڒَام ڒْحَقّ: ثَحبُّوْشْت ن يِرْذَان مڒَا وَار تْوَاࢲُّو شَا ذِي ثْمُوْرْث يعْنِي مڒَا وَار تْوَانْضڒ شَا، اَتَاف اَذ ثقِّيم ذ ثَحبُّوْشْت وَاهَا. مڒَا تْوَانْضڒ اَذ تُوْش اَطَّاس ن ڒْحَبّ.

ڒخذايم 10:36

ثسّْنم أَربِّـي يسّكّ-د اَوَاڒ نّس غَار أَيث-إِسْرَائِيل يتْبشَّار-يثن س لْإِنْجِيل ن ڒهْنَا س عِيْسَى لْمَسِيح، نتَّا ذ سِيذِيثْنغ ن مَارَّا يوْذَان.

ڒخذايم 10:42

نشِّين يوصَّا-يَانغ عِيْسَى اَ نْبشَّر شَّعْب، أَ نشْهذ بلِّي أَربِّـي يخْضَر-يث اَذ يحَاسب يِنِّي يدَّرن ذ يِنِّي يمُّوْثن.

أيث-روما 10:9

قَا مڒَا ثْشهْذذ س وقمُّوْم نّش إِلَّا عِيْسَى ذ سِيذِيش، مڒَا ثُوْمْنذ س وُوْڒ نّش إِلَّا أَربِّـي يسكَّر-يث-يذ زِي ڒْموْث، أَتَاف اَذ تْنجْمذ.

22 أيث-كورينث 5:14

لِأَنَّا ڒمْحِبّث ن لْمَسِيح تْسَيْطَر خَانغ وَامِي نسّن يجّن يمُّوْث عْلَاحْسَاب مَارَّا يوْذَان. فَلِهَاذَا ڒْموْث نّس ذ ڒْموْث ن مَارَّا يوْذَان.

1 أيث-سلونيك 4:14

شُوْف، نشِّين نْتَامن بلِّي عِيْسَى يمُّوْث يكَّر-د، نْتَامن عَاوذ بلِّي أَربِّـي عَاذ اَذ ييْسِي يِنِّي يطّْصن ذݣ يمضْڒَان إِي يُوْمْنن زِي لْمَسِيح اَذ يڒِين اَك عِيْسَى.

1 أيث-سلونيك 5:10

نتَّا يمُّوْث خَانغ بَاش أَ ندَّر اَكِذس وَاخَّا نشِّين نْفَاق نِغ نطّص ذݣ ونْضڒ.

2 تيموتاوس 4:1

أَشك وصِّيغ زَّاث إِ أَربِّـي ذ عِيْسَى لْمَسِيح ونِّي إِي غَا يحكْمن خ يِنِّي يدَّرن ذ يِنِّي يمُّوْثن، أَشك وصِّيغ عَاوذ ذِي ڒْمُلْك نّس ذ نْهَار نِّي إِي ذِي د غَا يمظْهَار:

يعيبرانيين 12:2

أُو لَابُد أَ نْخزَّر مْلِيح غَار عِيْسَى زَّعِيم نّغ ذ نتَّا إِي ذَانغ غَا يسِّيوْضن نِيشَان غَار ونݣَّارُو. عِيْسَى س ڒفْرَاحث نِّي إِي تُوْغَا ث يتْرَاجَان غَار زَّاث، ئِصْبَر خ صَّلِيب يعيّب اَحݣَّار ن صَّلِيب نِّي سّنِّي يقِّيم خ وفُوْسِي ن ڒْعَرْش ن أَربِّـي.

1 بطرس 1:21

زَّايس نتَّا إِي زِي تَامْنم زِي أَربِّـي إِي ثِيذ يسكَّرن زݣ يمتِّينن، يُوْشَا-ٱس لْعَظَمَا بَاش تِّقث نْوم ذ لْأَمَال نْوم تِيڒِين ذِي أَربِّـي.

1 بطرس 4:5

وَلَكِن لْحِسَاب نْسن اَث يݣّ ونِّي يوجّْذن اَذ يحَاسب يِنِّي يدَّرن ذ يِنِّي يمُّوْثن.

لواحي ن يوحنا 1:18

نش ذ ونِّي يدَّرن. تُوْغَا مُّوْثغ، ڒخُّو نش دَّرغ إِ ڒبْدَا ن ڒبْدَاث. غَارِي ڒمْفَاتَاح ن ڒْموْث ذ لْأَخِرَا.

لواحي ن يوحنا 2:8

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن سْمِيْرْنَا، إِنِي-يَاس قَا ونِّي يدْجَان ذ اَمزْوَارُو ؤُڒَا ذ اَنݣَّارُو، يمُّوْث أُوْشَا يكَّر-د زِي ڒْموْث، ئِقَّار-اَش: