أيث-روما 14:2 - ثريفيث 2020

² ئِجّن يتْوَاڒَا لْمَكْلَا مَارَّا حَلَال. ئِجّن نّغْنِي ونِّي غَار يدْجَا لإِيمَان نّس يضْعف يتتّ غِير زِي ڒْخُضَارْث.

أيث-روما 14:2 ပူးပေါင်းရင်းမြစ်များ

أيث-روما 14:1

فَا ونِّي ؤُمِي يضْعف لإِيمَان نّس قبْڒم-ث جَارَاوم بْڒَا مَا اَكِذس ثْمنْغم خ لْأَفْكَار نّس.

أيث-روما 14:14

نش سّْنغ أُو مْتيّْقن ذِي سِيذِيثْنغ عِيْسَى اَقَا مِين نتّت وَار ذَايس بُو شَان ڒْحَاجث حْرَام. وَلَكِن يتِيڒِي حْرَام خ ونِّي إِي ت يتْوَاڒَان حْرَام.

أيث-روما 14:20

وَار هدّم شَا ڒْخذْمث ن أَربِّـي عْلَاحْسَاب لْمَكْلَا. ذ صَّح مَارَّا مِين يدْجَان نتَّا حَلَال، وَلَكِن ذ ڒْعِيب مڒَا ثْغظْڒذ شَان يِجّن س سَّبَاب ن مِين تتّذ.

أيث-روما 15:1

فَا نشِّين إِݣ يجهْذن يتْخصَّا-يَانغ أَ نَارْبُو ضُّعف ن يِنِّي وَار يجْهِيذن شَا، مَاشِي أَ نݣّ مِين ذَانغ يتعْجِيبن إِ يِيخف نّغ أُو صَافِي.

1 أيث-كورينث 10:25

شّث مِين مَا ثُوْفِيم يتْمنْزَا ذِي سُّوْق ن يݣزَّارن، وَار تْسقْسَام شَا جّث ضَّمِير نْوم مرْتَاح.

1 أيث-كورينث 8:9

وَلَكِن حْضَام يخف نْوم ذِي لْحُرِّيَا-يَا نْوم ثَانِيتَا بَاش وَار ثْغطّْڒم شَا يِنِّي يضعْفن ذِي لْإِيمَان نْسن اَذ وْضَان.

1 أيث-كورينث 9:22

أَرِّيغ يخف ينُو اَم يِجّن يضْعف غَار يِنِّي يضعْفن بَاش اَتَاف اَثن ربْحغ. أَرِّيغ يخف ينُو ذ مَارَّا إِ مَارَّا يوْذَان بَاش اَذ ݣّغ مَارَّا لْإِمْكَانِيَاث اَذ سْنجْمغ شَا زَّايْسن.

أيث-ݣلاطيا 2:12

مِين يعْنَا لْغَالط نِّي؟ أَقَا قْبڒ مَا ٱذ د يَاس يجّن ن ڒْحِزب يعْنِي شَان يِوْذَان زِي يَعْقُوْب تُوْغَا بُطْرُس يتتّ اَك ڒْمُوْمِنِين يدْجَان ذ ييُوْنَانِيْين. وَلَكِن وَامِي د يُوْسَا ڒْحِزب نِّي، ئِبْذَا بُطْرُس يتْبعَّاذ خ ييُوْنَانِيْين نِّي ينعْزڒ خَاسن. مَايمِّي؟ لِأَنَّا يݣّْوذ زِي ڒْحِزب نِّي يعْنِي ن طَّهَارث.

1 تيموتاوس 4:4

قَا مَارَّا مِين د يخْڒق أَربِّـي ذ اَصبْحَان. مڒَا نقْبڒ-يث نشِّين س شُّكر اَتَاف وَار ذَايس مِين غَا نْعِيفّ.

ثبرات غار تيتوس 1:15

أَقَا يِنِّي إِݣ يدْجَان صْفَان اَتَاف قَاع ثِمسْڒَايِين اَذَايْسن يڒِينْت صْفَانْت. وَلَكِن يِنِّي يخنْزن وَار ؤُمِينن شَا اَتَاف وَار ذَايْسن تِيڒِي ؤُڒَا ذ يجّن ن ثْمسْڒَايْث ثصْفَا. أَتَاف ڒْعَقُوْرَاث نْسن ذ ضَّمِيرَاث نْسن س ثْنَاين تخْنِيزن.

يعيبرانيين 13:9

أَرّم-د ڒْبَاڒ نْوم بَاش وَار تْذفَّارم شَا لْأَنْوَاع ن ؤُسڒْمذ فشْكل. شُوْف، ذ لمْلِيح اَذ يجْهذ وُوْڒ نّغ س اَرْضَا مَاشِي س لْمَكْلَا دِّينِيَا، يِنِّي إِي ت يتتّن وَار زَّايس سْتنْفِيعن شَا.

يعيبرانيين 9:10

مَانَايَا غِير ذَايس شَان ن لْقَوَانِين ن شَّرِيعَا خ لْمَكْلَا ذ ثْسسِّي ذ ڒُوْضُو. لْقَوَانِين-أَ وَار دْجِين شَا خ وُوْڒَاون ن بْنَاذم، خدّْمن حتَّا ڒْوقْث ن ڒْعَهذ ذ جْذِيذ أُو صَافِي.