أيث-روما 13:7 - ثريفيث 2020

⁷ مْكُڒ يجّن ؤُشم-اَس ڒْحَقّ نّس: ضَّرِيبَا إِ بَاب ن ضَّرِيبَا، ڒَعْشُوْر إِ بَاب ن ڒَعْشُوْر، لإِحْتِرَام إِ بَاب ن لإِحْتِرَام، ڒوْقَار إِ بَاب ن ڒوْقَار.

أيث-روما 13:7 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 17:25

ينَّا-ٱسن بُطْرُس: "وَاه، ئِتْخدْجَاس-يت." وَامِي يُوْذف بُطْرُس غَار ثدَّارْث، عِيْسَى يزْوَار-اَس س وَاوَاڒ ينَّا-ٱس: "مِين ذَاش يمظْهَارن آ سِمْعَان؟ ؤُو غَا يخدْجْسن ڒَعْشُوْر نِغ ضَّرِيبَا إِ يزدْجِيذن ن ثْمُوْرْث، مَا ذ ثَارْوَا نْسن نِغ ذ يوْذَان عَادِي؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 22:21

نَّان-اَس: "ن قَيْصَر." ئِنْدق-د عِيْسَى ينَّا-ٱسن: "مِين يدْجَان ن قَيْصَر ؤُشم-اَس-ث إِ قَيْصَر. مِين يدْجَان ن أَربِّـي ؤُشم-اَس-ث إِ أَربِّـي."

مرقس 12:17

ئِنْدق-د عِيْسَى ينَّا-ٱسن: "مِين يدْجَان ن قَيْصَر ؤُشم-اَس-ث إِ قَيْصَر. مِين يدْجَان ن أَربِّـي ؤُشم-اَس-ث إِ أَربِّـي." أُوْشَا قِّيمن تْعجّْبن ذَايس.

لوقا 20:22

إِنِي-يَانغ، مَا ثْسمّح شَّرِيعَا نّغ أَ نْخدْجس ضَّرِيبَا إِ وزدْجِيذ قَيْصَر نِغ لَّا؟"

لوقا 20:25

ئِنْدق-د عِيْسَى ينَّا-ٱسن: "مِين يدْجَان ن قَيْصَر ؤُشم-اَس-ث إِ قَيْصَر، مِين يدْجَان ن أَربِّـي ؤُشم-اَس-ث إِ أَربِّـي."

لوقا 23:2

بْذَان تْتَاهْمن-ث نَّان: "نُوْفِي-ث يتݣّ لْبلْبَلَا ذِي شَّعْب. ئِقَّار-اَسن وَار تِيشّث بُو ضَّرِيبَا إِ وزدْجِيذ قَيْصَر. نتَّا يحسّب يخف نّس ذ لْمَسِيح يعْنِي ذ يجّن ن وزدْجِيذ."

أيث-روما 12:10

خْسث اَيَاوْيَا اَم ثَاوْمَات. وقَّارث اَيَاوْيَا كْتَار زِي جّْهذ.

أيث-روما 13:6

عَاوذ ذ وَانِيتَا ذ سَّبَاب إِي خف تْخدْجَاسم ضَّرِيبَا لِأَنَّا يِنِّي يحكّْمن نِثْنِي ذ يخدَّامن ن أَربِّـي، خدّْمن ذِي مَانَايَا.

أيث-ؤفسوس 5:33

إِنَّمَا، لَابُد كُڒ يجّن زَّايْوم اَذ يحِبّ ثَمْغَارْث نّس اَم مَامّش يتْحِبَّا يخف نّس. ثَمْغَارْث أُو لَابُد اَذ تْوقَّر اَرْيَاز نّس.

أيث-ؤفسوس 6:5

آي يسمْغَان، طَاعم إِ أَيثْبَاب نْوم ذِي دُّنشْت-أَ، وقَّرم-ثن ݣّْوْذم-ثن س يِجّن ن وُوْڒ يصْفَا اَمشْنَاو مَّامش ثْطَاعَام إِ لْمَسِيح.

1 تيموتاوس 5:13

عَاوذ اَذ ذوْڒنْت ذ ثِمعْݣَازِين ݣُّوْرنْت زِي ثَدَّارْث غَار ثدَّارْث تݣّنْت فَرْق-شّْغڒ. مَاشِي ذ ثِمعْݣَازِين وَاهَا، تْعَاوَاذنْت ڒخْبُوْرَاث تَاذْفنْت ذِي شّْغُوْرَاث ن مِيدّن قَّارنْت ثِمسْڒَايِين وَار يتْخصَّا شَا اَذ تْوَانَّانْت.

1 تيموتاوس 5:17

ئِمقّْرَانن ن جْمَاعث ن ڒْمُوْمِنِين يِنِّي يتحْكَامن مْلِيح أُو لَابُد اَثن تْوقَّرم ذ ضُوْبْلِي، خَاصَّتَان يِنِّي يخدّْمن اَطَّاس ذݣ وحدّث ذ وسڒْمذ.

1 تيموتاوس 6:1

مَارَّا يِنِّي يدْجَان ذ يسمْغَان ثْذقّڒ خَاسن ثْزَايْڒُوْت نِّي وَا لَابُد اَذ فكَّرن بلِّي اَيثْبَاب نْسن سْذَاهدْجن مَارَّا مِين يدْجَان ذ اَوقَّر بَاش يوْذَان وَار تْعيِّيبن شَا يسم ن أَربِّـي ذ تَّعْلِيم نّغ.

1 بطرس 3:7

آي يرْيَازن، أَمنِّي يتْخصَّا-يَاوم اَذ تݣّم عَاوذ، أَذ تْعِيشم اَك ثمْغَارِين نْوم س يِجّن ن ڒفْهَامث جَارَاوم. ؤُشم-اَس لْقِيمَا إِ ثمْغَارْث يدْجَان نتَّاث اَم ثْغرَّافْث يتْرزَّان ذغْيَا مِينْزِي ذ نِثنْتِي يتْوَارَّاثن اَكِذْوم لْبَرَكَا ن ثُوْذَارْث. حمَا وَار ذِنِّي تِيڒِي بُو شَان ن ڒْحَاجث اَذ ترز ثْࢲَادْجِيث نْوم.