أيث-روما 13:13 - ثريفيث 2020

¹³ ئِتخصَّا لَابُد أَ نُوْيُوْر س لْإِحْتِرَام اَم ونِّي يݣُّوْرن ذِي ثْفَاوْث ن نْهَار. وَار نْتݣّ شَا لْمَدلَّا ن سّكْرَا ذ وَاطَّاس ن شّْرب ذ لْفَسَاد ذ ڒقْبَاحْث ذ ومنْغِي ذ ڒحْسذ.

أيث-روما 13:13 ပူးပေါင်းရင်းမြစ်များ

لوقا 1:6

زَكَرِيَا ذ إِلِيزَابت نِثْنِي ݣُّوْرن نِيشَان اَك أَربِّـي، ؤُڒ نْسن ذ اَشمْڒَاڒ. تݣّن مَارَّا مِين يُوْمَر ذ مَارَّا مِين يوصَّا سِيذِي أَربِّـي.

لوقا 16:19

"شُوْف، تُوْغَا يجّن ذ تَّاجَر، نتَّا يتَارض اَرُّوْض يغْڒَان كُڒ نْهَار يتْعِيش ذݣ يِجّن ن نِّعْمث يزهُّو.

لوقا 21:34

مَا ثخْسم اَذ تشّم ؤُڒ نْوم؟ حْضَاث يخف نْوم زِي لْمَدّْلَا ن سّكْرَا ذ وَاطَّاس ن شّْرب ذ ڒهْمُوْم ن دُّنشْت-أَ. قَا اَذ د يَاس نْهَار نِّي اَنݣَّارُو عْلَاغَفْلَا اَم يِجّن ن ثخْشفْث.

ڒخذايم 2:15

ئِوْذَان-أَ وَار سْوِين شَا وَار غلَّان شَا س شّْرب اَمشْنَاو مَامّش ثْحسّْبم مِينْزِي ثْسَعَّات-أَ عَاذ ذ تسْعَا ن صْبَاح وَاهَا!

1 أيث-كورينث 3:3

كنِّيو عَاذ تݣّم اَرَّاي إِ طَّبِيعَا ثَعفَّانْت نْوم. مڒَا يتِيڒِي ڒحْسذ جَارَاوم ذ ومنْغِي، أَتَاف تݣّم اَرَّاي إِ طَّبِيعَا ثَعفَّانْت نْوم اَتَاف تْعِيشم اَم يِوْذَان ن دُّنشْت-أَ وَاهَا، نِغ لَّا؟

أيث-ݣلاطيا 5:19

ڒخْذَايم ن طَّبِيعَا ثَعفَّانْت نّغ اَقَا تْبَاننْت-يد يعْنِي لْفَسَاذ ذ مِين يسخْنِيزن ذ ڒقْبَاحث،

أيث-ݣلاطيا 5:21

ذ ڒحْسذ ذ وَاطَّاس ن شْرب ذ لْمَدلَّا ن سّكْرَا ذ مِين يتْشَابَّاهن ذِي مَانَايَا. عدْجْمغ-اَوم-د ڒخُّو مَامش تُوْغَا ذَاوم عڒْمغ زِي قْبڒ: يِنِّي يتݣّن ڒخْذَايم-أَ وَار تْوَارِيثن شَا ڒْمُلْك ن أَربِّـي.

أيث-ؤفسوس 4:1

إِذن فَا نش إِݣ يدْجَان ذ اَمحْبُوْس خ سَّبَاب ن سِيذِيثْنغ اَكنِّيو نْهِيغ بَاش اَذ تُوْيُوْرم نِيشَان عْلَاحْسَاب اَوَاڒ نِّي إِي ذَاوم د يڒَاغَان زݣ وجنَّا.

أيث-ؤفسوس 4:17

أَقَا مِين ذَاوم قَّارغ ذ ؤُزِيَّار-أَ إِي خَاوم تْزيَّارغ ذِي سِيذِيثْنغ، يعْنِي أُو لَابُد وَار ثݣُّوْرم شَا مَامّش ݣُّوْرن ڒݣْنُوْس س ڒَعْقُوْڒ نْسن يخْوَان.

أيث-ؤفسوس 5:15

إِذن فَا، رَجْعَاث يخف نْوم خْزَرث مَامّش إِي غَا ثْعِيشم. مَاشِي اَذ تْعِيشم اَم يِنِّي إِي ذِي ثدْجَا ڒقْفَاڒث؛ لَّا، عِيشم اَم يِنِّي إِي ذِي ثدْجَا ڒفْهَامث.

أيث-ؤفسوس 5:18

وَار سْكَرث شَا س شْرب إِݣ يتَاوِين غَار لْمَدلَّا ن سّكْرَا؛ لَّا، شَّارم س أَرُّوْح يقدّْسن.

أيث-ؤفسوس 5:8

شُوْف، ذݣ يِجّن ن ڒْوقْث كنِّيو تُوْغَا ذ ثَادْجسْت، ڒخُّو كنِّيو ثْذوْڒم ذ يجّن ن نُّوْر ذِي سِيذِي أَربِّـي. إِيوَا عِيشث اَم ثَارْوَا ن نُّوْر.

أيث-فيليـپـي 1:27

لْمُهِيم، سُوْيُورث يخف نْوم ذݣ يِجّن ن وبْرِيذ يتِيشّن لْقِيمَا إِ لْإِنْجِيل ن لْمَسِيح. ثُمَّا وَاخَّا نش ؤُسِيغ-د اَكنِّيو ࢲرغ نِغ غَابغ خَاوم اَتَاف اَخَاوم سْڒغ ڒخْبَار بلِّي ثُوْݣُّوْرم نِيشَان خ يِجّن ن اَرَّاي، ثْخدّْمم فُوْس ذݣ وفُوْس خ سَّبَاب ن لْإِيمَان إِي يدْجَان ذِي لْإِنْجِيل،

أيث-فيليـپـي 2:3

وَار تݣّم وَالُو زِي لْأَنَانِيَا نِغ زِي تَّكبُّر. بْڒَا تَّكبُّر وقَّرم ينّغْنِي حْسن زݣ يِيخف نْوم.

أيث-كولوس 1:10

حمَا اَذ تُوْيُوْرم خ يِجّن ن وبْرِيذ إِي ذَاس يتِيشّن إِ سِيذِيثْنغ لْقِيمَا إِي ذَاس يتعْجِيبن مَارَّا. خ وبْرِيذ-أَ اَذ تَارْوم مَارَّا ڒخْذَايم ثِصبْحَانِين اَذ تْمَارْنِيم ذِي ثُوْسْنَا نْوم خ أَربِّـي.

أيث-كولوس 3:5

خ مَانَايَا نْغث مِين يدْجَان ذَايْوم ذِي طَّبِيعَا نْوم ن دُّنشْت-أَ يعْنِي لْفَسَاد ذ مِين يخنْزن ذ شّهْوث ذ ڒْخَاضَر اَعفَّان ذ طْمَاع إِݣ يدْجَان نتَّا اَم لْعِبَادَا ن لْأَصْنَام.

1 أيث-سلونيك 2:12

بَاش اَذ تُوْيُوْرم س يِجّن ن ثِيشْرِي إِي ذَاس يتِيشّن لْقِيمَا إِ أَربِّـي إِݣ يسْذَاهدْج نتَّا يعْنِي ونِّي إِي ذَاوم د يتْڒَاغَان غَار ڒْمُلْك نّس ذ لْعَظَمَا نّس.

1 أيث-سلونيك 4:12

حمَا اَذ تُوْيُوْرم س لْمَعْقُوْل اَك يِنِّي غَار بَارَّا نْوم وَار يُوْمِينن شَا، وَار تحْذِيجِيم وَالُو زِي حَدّ.

1 أيث-سلونيك 5:17

تتَّارم إِ أَربِّـي بْڒَا مَا ٱذ تْبدّم،

ثبرات غار يعقوب 4:5

اَوَاڒ ن لْكِتَاب يقَّار: <أَرُّوْح نِّي إِي ذَايْنغ يݣَّا أَربِّـي يْعِيزّ خَاس اَطَّاس.> مَا تْغِير-أَوم اَوَاڒ نِّي وَار غَارس بُو ڒْمَعْنَا؟

1 يوحنا 2:6

يعْنِي ونِّي إِي غَا ينِين قَا نش زدّْغغ ذَايس يتْخصَّا-يَاس أُو لَابُد اَذ يݣُّوْر ذݣ وبْرِيذ نِيْشَان اَم ونِّي إِي ذِي تُوْغَا يݣُّوْر عِيْسَى.

2 يوحنا 1:4

نش فَرْحغ اَطَّاس وَامِي ؤُفِيغ زِي ثَارْوَا نّمْ يِنِّي يݣُّوْرن ذݣ ؤُبْرِيذ ن لْحَقِيقَا اَم مَامّش ذَانغ يوصَّا بَابَاثْنغ.

ثبرات زي يهوذا 1:23

فكّث ينّغْنِي، جبْذم-ثن-د زِي ثْمسِّي. ئِنّغْنِي سْبِيّْنم-اَسن-د اَرَّاحْمث ثمْخلّط اَك ثِيْݣّْوْذِي يعْنِي اَذ تْعِيفّم ؤُڒَا ذ اَرُّوْض نْسن إِݣ يخنْزن س طَّبِيعَا نْسن ثَعفَّانْت.