أيث-روما 12:7 - ثريفيث 2020

⁷ ئِجّن مڒَا يتْسخَّار، أُو لَابُد اَذ يسخَّار. ئِجّن مڒَا يسڒْمَاذ، أُو لَابُد اَذ يسڒْمذ.

أيث-روما 12:7 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 28:19

إِيوَا رُوْحث غَار يِوْذَان ن مَارَّا ڒݣْنُوْس، أَرّم-ثن ذ يمحْضَارن ينُو. طهَّارم-ثن س وَامَان س يِيسم ن بَابَا ذ مِّيس ذ أَرُّوْح يقدّْسن.

يوحنا 3:2

يُوْسَا-د غَار عِيْسَى س دْجِيڒث ينَّا-ٱس: "آ لْمُعَلِّم، نشِّين نسّن بلِّي شك ذ اَمْسڒْمَاذ إِي د يُوْسِين زِي أَربِّـي. وَار يزمَّر ؤُڒَا ذ يجّن اَذ يݣّ شَان لْمُعْجِيزَاث زِي مِين تݣّذ شك إِلَّا مڒَا كِذس أَربِّـي."

ڒخذايم 13:1

ذِي جْمَاعث ن ڒْمُوْمِنِين ذِي ثنْدِينْت ن وَانْطَاكْيَا ذِنِّي لْأَنْبِيَا ذ يمْسڒْمَاذن. نِثْنِي ذ بَرْنَابَا، ذ سِمْعَان ونِّي ؤُمِي قَّارن أَبرْشَان، ذ لُوْقْيُوْس زِي لْقُرِينَا، ذ مَنَاهن ونِّي إِݣ يربَّان اَك وزدْجِيذ هِيرُدُوْس زِي ثمْزِي نّس، ذ شَاوُل.

ڒخذايم 20:20

وَار زَّايْوم سْنُوْفَّرغ وَالُو، نش تْخبَّرغ-كنِّيو س مَارَّا مِين كنِّيو غَا ينفْعن. سڒْمَاذغ-اَوم-ث زَّاث إِ يِوْذَان أُو عَاوذ زِي ثدَّارْث غَار ثدَّارْث.

ڒخذايم 20:28

حْضَاث يخف نْوم. حْضَاث ثْحِيمرْث نْوم، ثنِّي إِي زِي كنِّيو يكلّف أَرُّوْح يقدّْسن. اَروْسث جْمَاعث ن ڒْمُوْمِنِين ن أَربِّـي قَا نتَّا يسغ-يت س يذَامّن نّس.

ڒخذايم 6:1

ذݣ وُوْسَّان نِّي لْعَدَد ن يمحْضَارن يمَارْنِي. ڒْمُوْمِنِين إِي سَّاوَاڒن س لُّغَا ثَيُوْنَانِيث تْشثْشَان زݣ يِنِّي يسَّاوَاڒن لْعِبْرِيَا، قَّارن قَا نشِّين ثَاجَّاڒِين نّغ وَار ذَاسنْت تِيشّن بُو ڒْحَقّ نْسنْت خْمِي فرّْقن لْمُعْوَانَا مْكُڒ نْهَار.

1 أيث-كورينث 12:28

ذِي جْمَاعث-أَ ن ڒْمُوْمِنِين يرتّب أَربِّـي ذ اَمزْوَارُو أَرُّسُل، وِيس ثْنَاين لْأَنْبِيَا، وِيس ثْڒَاثَا يمْسڒْمَاذن، منْبَعْد يِنِّي يسْخدَّامن لْمُعْجِيزَاث ذ يِنِّي غَار دْجَانْت لْقُدْرَاث بَاش اَذ سْݣنْفَان يوْذَان، ذ يِنِّي يتْعَاوَانن، ذ يِنِّي يتْكلَّافن س ڒْخذْمث، ذ يِنِّي يسَّاوَاڒن س ڒبْعَاض ن لُّغَاث رُوْحِيَاث.

1 أيث-كورينث 12:5

ذِنِّي لْأَنْوَاع ن لْمسْؤُلِيَاث، وَلَكِن سِيذِيثْنغ ذ يجّن.

1 أيث-كورينث 14:26

إِذن فَا آي اَيثْمَا، خْمِي غَا ثْمُوْنم يجّن اَغَارس يِيڒِي يجّن ن وغنِّيج، ئِجّن اَغَارس يِيڒِي يجّن ن وَاوَاڒ ن وسڒْمذ، ئِجّن اَغَارس يِيڒِي لْوَاحِي، ئِجّن اَغَارس ثِيڒِي لُّغَا رُوْحِيَا، ئِجّن اَغَارس ثِيڒِي تَّرْجَمَا. مَارَّا ثِمسْڒَايِين-أَ اَذ يڒِينْت حمَا اَذ تْجهْذم.

أيث-ݣلاطيا 6:6

فَا ونِّي ؤُمِي سڒْمَاذن اَوَاڒ ن أَربِّـي، ئِتْخصَّا اَذ يشَرش نتَّا اَك ونِّي يسڒْمَاذن زِي مَارَّا مِين يدْجَان ذ اَصبْحَان.

أيث-ؤفسوس 4:11

ذ نتَّا إِݣ يخْضَرن اَرُّسُل ذ لْأَنْبِيَا ذ يِنِّي إِݣ يتْبشَّارن س لْإِنْجِيل ذ ڒْفُقَهَا ذ يمْسڒْمَاذن.

أيث-كولوس 4:17

إِنِيم-اَس إِ أَرْكِيپُّـوْس أُو لَابُد اَذ تْكمّْڒذ لْوَاجِب ن ڒْخذْمث إِي ثْقبْڒذ زِي سِيذِيثْنغ.

1 تيموتاوس 2:7

خ مَانَاينِّي إِي تْوَاخْضَرغ نش بَاش اَذ حدّْثغ اَذ يڒِيغ ذ اَرَّسُوْل اَذ يڒِيغ ذ اَمْسڒْمَاذ عْلَاحْسَاب لْإِيمَان ذ ڒْحَقّ جَار يِنِّي وَار يدْجِين شَا زِّي أَيث-إِسْرَائِيل. قَّارغ لْمَعْقُوْل مَاشِي ذ يخَرِّيقن.

1 تيموتاوس 3:2

فَا اَرَّايس ن جْمَاعث مَاشِي اَم يِجّن ن بْنَاذم إِي تْعيَّابن يِوْذَان. أُو لَابُد اَغَارس ثِيڒِي يجّن ن ثمْغَارْث وَاهَا. أُو لَابُد اَذ يحْكم خ يِيخف نّس اَذَايس يِيڒِي لْمَعْقُوْل ذ لْإِحْتِرَام اَذ يتْرحَّاب زݣ ينوْجِيون اَغَارس ثِيڒِي ثْزمَّار اَذ يسڒْمذ يوْذَان.

1 تيموتاوس 4:16

خْزَر ذِي ثُوْذَارْث نّش ذ ثْمسْڒَايِين إِي ثْسڒْمَاذذ، ارْنِي ذَايْسنْت. لِأَنَّا مڒَا ثݣِّيذ مَانَايَا اَذ تسْنجْمذ يخف نّش ذ يِنِّي إِي ذَاش يتْسْڒَان.

1 تيموتاوس 5:17

ئِمقّْرَانن ن جْمَاعث ن ڒْمُوْمِنِين يِنِّي يتحْكَامن مْلِيح أُو لَابُد اَثن تْوقَّرم ذ ضُوْبْلِي، خَاصَّتَان يِنِّي يخدّْمن اَطَّاس ذݣ وحدّث ذ وسڒْمذ.

2 تيموتاوس 2:2

ثِمسْڒَايِين نِّي إِي ثسْڒِيذ زَّايِي زَّاث إ وَاطَّاس ن ڒشْهُوْذ، اجّ-يثنْت اَم يِجّن ن لْأَمَانَا اَك يرْيَازن اَتَاف ذَايْسن تِّقث، عَاوذ يرْيَازن نِّي زمَّرن اَذ سْڒمْذن يوْذَان نّغْنِي.

2 تيموتاوس 2:24

فَا اَخدَّام ن سِيذِيثْنغ لَابُد وَار يتْمنْغِي شَا س وَاوَاڒ اَطَّاس؛ ئِتْخصَّا-ٱس اَذ يِيڒِي ضْرِيف اَك مَارَّا يوْذَان، أَتَاف يسّن اَذ يسڒْمذ، أَتَاف غَارس تَّاسِع ن ڒْخَاضَر.

2 تيموتاوس 4:2

بشَّر اَوَاڒ ن أَربِّـي، سوْجذ يخف نّش اَذ تْبشَّرذ ذِي ڒْوقْث نِّي إِي تْرَاجِيذ نِغ ذِي ڒْوقْث نِّي إِي وَار تْرِيجِيذ شَا. ڒْمُوْمِنِين نْهَا-ثن، عْڒم-اَسن، شجّع-يثن س مَارَّا تَّاسِع ن ڒْخَاضَر ذ وسڒْمذ.