أيث-روما 12:6 - ثريفيث 2020

⁶ عْلَاحْسَاب لْبَرَكَا إِي ذَانغ يمُّوْشن غَارْنغ نشِّين لْقُدْرَاث، كُڒ لْقُدْرَا وَار تْشِيبِّيه شَا ذِي ثنّغْنِي. ئِجّن مڒَا يُوْشَا-اَس أَربِّـي لْوَاحِي، أُو لَابُد اَذ يسخْذم لْقُدْرَا-يَا عْلَاحْسَاب لإِيمَان نّس.

أيث-روما 12:6 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:34

خ مَانَايَا خْزَرم! تْسكِّيغ-اَوم-د لْأَنْبِيَا ذ يمِيغِيسن ذ يمْسڒْمَاذن. ئِجّن زَّايْسن اَث ثنْغم، ئِجّن اَث ثْصلّْبم. ئِجّن زَّايْسن اَث ثُوْوْثم س وسْغُوْن ذِي ثمْزِيذَاوِين، ئِجّن اَخَاس ثَازّْڒم زِي ثنْدِينْت غَار ثنْدِينْت.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:22

عَاوذ يقَارّب-د وخدَّام نِّي ؤُمِي يُوْشَا اَڒفَاين ن ڒُوْزْنَاث ينَّا-ٱس إِ سِيذس: آ سِيذِي، ثُوْشِيذ-اَيِي شك اَڒفَاين ن ڒُوْزْنَاث، نش ؤُوِيغ-د اَڒفَاين نّغْنِي.

لوقا 11:49

خ مَانَايَا عَاوذ ثقَّار لْحِكْمَا ن أَربِّـي اَذَاسن سّكّغ لْأَنْبِيَا ذ اَرُّسُل، ئِجّن اَث نْغن يجّن اَخَاس اَزّْڒن.

ڒخذايم 13:1

ذِي جْمَاعث ن ڒْمُوْمِنِين ذِي ثنْدِينْت ن وَانْطَاكْيَا ذِنِّي لْأَنْبِيَا ذ يمْسڒْمَاذن. نِثْنِي ذ بَرْنَابَا، ذ سِمْعَان ونِّي ؤُمِي قَّارن أَبرْشَان، ذ لُوْقْيُوْس زِي لْقُرِينَا، ذ مَنَاهن ونِّي إِݣ يربَّان اَك وزدْجِيذ هِيرُدُوْس زِي ثمْزِي نّس، ذ شَاوُل.

ڒخذايم 15:32

يَهُوْذَا ذ سِيلَاس نِثْنِي ذ لْأَنْبِيَا، تْشجَّاعن ڒْمُوْمِنِين س وَاطَّاس ن وَاوَاڒن، ݣِّين ذَايْسن ؤُڒ.

ڒخذايم 2:17

أَربِّـي ينَّا: ذݣ وُوْسَّان ينݣُّوْرَا أَذ فَرْغغ أَرُّوْح ينُو خ مَارَّا يوْذَان. ثَارْوَا نْوم ذ يِيسِّيثْوم اَذ سِّيوْڒن س مِين عڒْمن زِي أَربِّـي. ئِحنْجِيرن نْوم اَذ ࢲْرن لْوَحِي، ئِوسُّوْرَا نْوم اَذ اَرْجَان ثِيرْجَا.

ڒخذايم 21:9

نتَّا غَارس اَرْبعَا ن ثْحنْجِيرِين ذ ثِعْزْرِيِين سَّاوَاڒنْت س مِين عدْجْمنْت زِي أَربِّـي.

أيث-روما 1:11

نش رزُّوْغ س وَاطَّاس اَكنِّيو ࢲرغ حمَا اَذَاوم ؤُشغ يجّن ن لْقُدْرَا رُوْحِيَا إِي ذَاوم غَا يُوْشن جّْهذ.

أيث-روما 12:3

فَا س لْبَرَكَا إِي ذَايِي يُوْشَا أَربِّـي قَّارغ إِ مْكُڒ يجّن زَّايْوم: وَار حسّب شَا يخف نّش كْتَار زِي مِين ثعْنِيذ. شك فكَّر س ڒَعْقڒ نّش عْلَاحْسَاب مشْحَاڒ ن لإِيمَان إِي ذَاش يُوْشَا أَربِّـي.

1 أيث-كورينث 12:18

وَلَكِن ڒخُّو أَربِّـي يستّف طْرُوْفَاث ن دَّات يسّن كُڒ يشِتن مَامّش يخس اَت يݣّ.

1 أيث-كورينث 13:2

نش مَعْلِيك غَارِي لْقُدْرَا اَذ سِّيوْڒغ اَم لْأَنْبِيَا، مَعْلِيك فهْمغ مَارَّا مِين ينُوْفَّرن ذ مَارَّا ثُوْسْنَا، مَعْلِيك سْخدَّامغ لْإِيمَان اَذ سْمُوْتِّيغ يذُوْرَار-أَ، إِڒِي ذ وَالُو إِي دْجِيغ نش مڒَا وَار تْحِبِّيغ شَا.

1 أيث-كورينث 14:1

ذْفَارث اَبْرِيذ ن ڒمْحِبّث، رْزُوْث مْلِيح خ لْقُدْرَاث رُوْحِيَاث خَاصَّتَن ثنِّي ن وَاوَاڒ يتْوَاعڒْمن زِي أَربِّـي.

1 أيث-كورينث 14:24

وَلَكِن، مڒَا ثسَّاوَاڒم مَارَّا كنِّيو س وَاوَاڒن إِي ثْعڒْمم زِي أَربِّـي يُوْذف-د جَارَاوم حَدّ زِي بَارَّا نِغ ذ يجّن ن لْكَافِر، أَتَاف اَذ يحسّ ذݣ يِيخف نّس قَا اَذ يتْوَاحَاسب اَذ يقْنع زَّايْوم مَارَّا نتَّا ذ لْعَاصِي، أَتَاف اَزَّايس تْوَاسُوْفْغن مَارَّا لْأَسْرَار ن وُوْڒ نّس. ثُمَّا اَذ يسجّذ اَذ يعْبذ أَربِّـي اَذ يِينِي قَا أَربِّـي ذ صَّح اَقَاث جَارَاوم!

1 أيث-كورينث 14:29

فَا لْأَنْبِيَا أُو لَابُد اَذ سِّيوْڒن ثْنَاين نِغ ثْڒَاثَا. ئِنّغْنِي اَذ ميّْزن اَوَاڒن نِّي.

1 أيث-كورينث 3:5

إِيوَا مِين يعْنَا أَپُــوْلُّوْس؟ مِين يعْنَا بُوْلُس؟ نشِّين ذ يخدَّامن وَاهَا، ثُوْمْنم خ وفُوْس نّغ مَامّش ذَانغ د يُوْشَا سِيذِي أَربِّـي أَ نخْذم.

1 أيث-كورينث 7:7

رزُّوْغ مَارَّا يرْيَازن اَذ يڒِين اَم نش. وَلَكِن كُڒ يجّن غَارس ثِزمَّار إِي ذَاس يُوْشَا أَربِّـي، ئِجّن غَارس ثِين، ئِجّن غَارس ثَا.

22 أيث-كورينث 8:12

لِأَنَّا بْنَاذم مڒَا س ڒْخَاضَر نّس، مِين غَا يصدّق اَذ يتْوَاقْبڒ. وَلَكِن عْلَاحْسَاب مِين غَارس ذ اَݣْڒَا مَاشِي عْلَاحْسَاب مِين وَار غَارس.

أيث-ؤفسوس 3:5

ڒْمَعْنَا-يَا وَار ثِيذ يسْمظْهَار شَا أَربِّـي إِ ثَارْوَا ن آدَم ذِي زْمَانَاث إِي يعْذُوْن اَم مَامّش ثِيذ يسْمظْهَار ڒخُّو س أَرُّوْح يقدّْسن إِ اَرُّسُل صَّالِحِين اَك لْأَنْبِيَا.

أيث-ؤفسوس 4:11

ذ نتَّا إِݣ يخْضَرن اَرُّسُل ذ لْأَنْبِيَا ذ يِنِّي إِݣ يتْبشَّارن س لْإِنْجِيل ذ ڒْفُقَهَا ذ يمْسڒْمَاذن.

أيث-فيليـپـي 3:15

فَلِيهَاذَا مَارَّا نشِّين إِݣ يتمْغُوْرن ذِي لْإِيمَان يتْخصَّا أَ نفكَّر اَمنِّي. مڒَا كنِّيو وَار ثْفكَّرم شَا اَمنِّي ذ أَربِّـي إِي كنِّيو غَا يسْفهْمن.

1 أيث-سلونيك 5:20

وَار تْسحْقَارم شَا اَوَاڒن نِّي إِي عڒْمن يِوْذَان زِي أَربِّـي قَّارن-ثن.

2 بطرس 1:20

مِينْ يدْجَان مُهِم قَاع يتْخصَّا أُو لَابُد اَذ تْفهْمم بلِّي ؤُڒَا ذ يجّن ن وَاوَاڒ زِي لْأَنْبِيَا إِي يدْجَان ذِي لْكِتَاب، لْأَصل نّس وَار د يكِّي شَا زِي مِين يتْفسَّاڒ بْنَاذم.