أيث-روما 12:13 - ثريفيث 2020

¹³ عَاوْنث ڒْمُوْمِنِين صَّالِحِين يِنِّي يتحْذَاجن. رحّْبث خ يِنِّي يتْسَفَارن.

أيث-روما 12:13 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:35

ڒَاحقَّاش ثُوْفِيم-اَيِي دْجُوْزغ ثْسّشم-اَيِي. ثُوْفِيم-اَيِي فُّوْذغ ثْسسّْوم-اَيِي. ثُوْفِيم-اَيِي ذ اَغْرِيب ثْسزْذْغم-اَيِي.

ڒخذايم 10:4

ئِخْزَر ذَايس كُوْرْنِينْيُوْس مْلِيح يݣّْوذ ينَّا-ٱس: "آ سِيذِي، مِين ثْرزُّوْذ؟" ينَّا-ٱس لْمَلَاك نِّي: "قَا ثْࢲَادْجِيث نّش ذ صَّذَقَا نّش اَقَا يقْبڒ-يثنْت زَّايك أَربِّـي، نتَّا قَا يفْقذ-يشك.

ڒخذايم 4:35

سْرُوْسَان-ثنت غَار يضَارن ن اَرُّسُل تْفرَّاقنْت-ثنْت عْلَاحْسَاب مْكُڒ يجّن مِين يحْذَاج.

أيث-روما 12:8

ئِجّن مڒَا يتْشجَّاع، أُو لَابُد اَذ يشجّع. ئِجّن مڒَا يتْصدَّاق، أُو لَابُد اَذ يِيڒِي ذ اَسخَّاي. ئِجّن مڒَا يتْرَايَا، أُو لَابُد اَذ يرَاي س وُوْڒ نّس. ئِجّن مڒَا يرحّم، أُو لَابُد اَذ يرْحم س ڒفْرَاحث نّس.

1 أيث-كورينث 16:15

أَقَا ثسّْنم سِتِيفَانُوْس ذ ڒحْبَاب نّس ذ نِثْنِي إِي يُوْمْنن زِي لْمَسِيح ذ يمزْوُوْرَا ذِي لْإِقْلِيم ن ؤُخَايَا، طوّْعن يخف نْسن اَذ سخَّارن إِ ڒْمُوْمِنِين صَّالِحِين. آي أَيثْمَا، تتَّارغ زَّايْوم اَذ تْثْطَاعم إِ يِوْذَان-أَ اَم يِيْنَا أُو ذ يِنِّي مَارَّا يشَرّْشن ذِي ڒْخذْمث-أَ تَمَارَان ذَايس اَطَّاس.

22 أيث-كورينث 9:1

أَمَّا صَّذَاقَا إِ صَّالِحِين بْڒَا مَا ذَاوم د اَرِيغ، قَا نش سّْنغ ثْرزُّوْم اَذ تْعَاوْنم ذغْيَا. تفْتَخَرغ نش س مَانَايَا غَار أَيث-مَاسِدُوْنْيَا، قَّارغ-اَسن قَا زݣ وَازذْغَاث كنِّيو ذِي لْإِقْلِيم ن وخَايَا ثْسوْجَاذم-د بَاش اَذ تْصدّْقم. ڒْخَاضَر-أَ نْوم يتْشجَّاع اَزين-اَمقّْرَان اَذ صدّْقن.

22 أيث-كورينث 9:12

لِأَنَّا صَّذَاقَا-يَا إِي تݣّم مَاشِي غِير تْعمَّر زَّايس يفَاسّن يخْوَان ن ڒْمُوْمِنِين صَّالِحِين ذِي لْقُدْس؛ لَّا، نتَّاث عَاوذ ئِتنْفيَّاض زَّايس اَطَّاس ن شُّكر إِ أَربِّـي.

أيث-ݣلاطيا 6:10

إِذن مڒْمِي مَا نُوْفَا لْفُرْصَا، لَابُد أَ نݣّ ڒْخِير ذِي مَارَّا يوْذَان خَصَّاتَن اَك أَيثْمَاثْنغ ذِي لْإِيمَان.

1 تيموتاوس 3:2

فَا اَرَّايس ن جْمَاعث مَاشِي اَم يِجّن ن بْنَاذم إِي تْعيَّابن يِوْذَان. أُو لَابُد اَغَارس ثِيڒِي يجّن ن ثمْغَارْث وَاهَا. أُو لَابُد اَذ يحْكم خ يِيخف نّس اَذَايس يِيڒِي لْمَعْقُوْل ذ لْإِحْتِرَام اَذ يتْرحَّاب زݣ ينوْجِيون اَغَارس ثِيڒِي ثْزمَّار اَذ يسڒْمذ يوْذَان.

1 تيموتاوس 5:10

لَابُد اَذ تِيڒِي مَعْرُوْفَا س لْحَسَانَاث نّس يعْنِي مڒَا ثربَّا ثَارْوَا نّس، تْرحَّاب س ينوْجِيون، ثْسِيڒِيذ يضَارن ن صَّالِحِين، تْعَاوَان يِنِّي يتْزيَّارن، ثْذفَّار مَارَّا ثِمسْڒَايِين ثِصبْحَانِين.

ثبرات غار تيتوس 1:8

وَاه، ئِتخصَّا اَذ يتْرحَّاب زݣ ينوْجِيون، أَذَاس يتعْجِيب مِين يدْجَان ذ اَصبْحَان، أَذ يحْكم خ ثْنفْسِيث نّس، أَذَايس يِيڒِي لْمَعْقُوْل، أَذ يِيڒِي يصْفَا، أَذ يربَّا يخف نّس.

ثبرات غار تيتوس 3:14

ئِوْذَان نّغ يتْخصَّا وَار تْعِيشن شَا بْڒَا نّْفَع، ئِتْخصَّا اَذ طوّْعن يخف نْسن س لْحَسَانَاث حمَا اَذ دبَّرن إِ يِيْنَا يتحْذَاجَان.

ثبرات غار فليمون 1:7

آي ؤُمَا، ڒمْحِبّث إِي غَارش شك تِيشّ-اَيِي-د يجّن ن ڒفْرَاحث ذ ؤُشجَّع ذ اَمقّْرَان مِينْزِي شك ثْسِيْحمِّيذ ؤُڒَاون ن صَّالِحِين.

يعيبرانيين 13:16

أُو وَار تتُّوْث شَا اَذ تݣّم ڒْخِير اَذ تْشَرْشم اَك ينّغْنِي مِينْزِي س دْبِيحَاث-أَ اَم ثِيْنَا إِي ذَاس يتعْجِيبن إِ أَربِّـي.

يعيبرانيين 13:2

وَار تتُّوْث شَا اَذ تْرحّْبم زِي مِدّن مِينْزِي ڒبْعَاض إِي ݣِّين مَانَاينِّي تْرحَّابن زِي لْمَلَائِكَاث بْڒَا مَا ثنْت سّْنن.

يعيبرانيين 6:10

إِيوَا أَربِّـي، مَا يتِيشّ ڒْحَقّ مَا لَّا؟ وَاه، أَربِّـي وَار يتتُّو شَا ڒْخذْمث نْوم ذ ڒمْحِبّث نِّي ذَاس د ثْسظْهَارم وَامِي ثْعَاوْنم صَّالِحِين. أُو عَاذ تݣّم مَانَايَا.

1 بطرس 4:9

لَابُد اَذ تْرحّْبم زݣ وَايَاوْيَا اَم ينوْجِيون بْڒَا مَا ٱذ تْشثْشَام.

1 يوحنا 3:17

ونِّي غَار يدْجَا وَاݣْڒَا ن دُّنشْت-أَ يتْوَاڒَا ؤُمَاس وَار غَارس شَا يتحْذَاجَا أُوْشَا يسقْسح ؤُڒ نّس خَاس، مَامّش غَا ثِيڒِي ڒمْحِبّث ن أَربِّـي ذݣ وَانِيتَا؟

3 يوحنا 1:5

آي ؤُمَا ينُو يعِيزّن، شك ذَايش تِّقث وَامِي تݣّذ لْمجْهُوْد نّش عْلَاحْسَاب اَوْمَاثن-أَ وَاخَّا نِثْنِي تَاسن-د غَارك ذ يبَرَّانِيْين.