أيث-روما 11:22 - ثريفيث 2020

²² إِذن خْزَر مشْحَاڒ يصْبح أَربِّـي مشْحَاڒ إِي يقْسح. ئِقْسح خ يِنِّي يوْضَان؛ ئِصْبح اَكِذش شك يعْنِي مڒَا ثقِّيمذ ذِي ڒْخِير نّس. مڒَا لَّا اَتَاف اَذ تْوَاقسّذ ؤُڒَا ذ شك.

أيث-روما 11:22 ပူးပေါင်းရင်းမြစ်များ

لوقا 8:15

وَلَكِن زَّرِّيعث نِّي إِݣ يوْضَان ذِي ثْمُوْرْث ثَصبْحَانْت نتَّاث اَم يِوْذَان إِي تسْڒَان إِ وَاوَاڒ ن أَربِّـي قبْڒن-ث س وُوْڒ نْسن اَصبْحَان ذ اَشمْڒَاڒ، صبَّارن حمَا اَذ اَرْون.

يوحنا 15:2

كُڒ اَكشُّوْض إِي د يفّْغن زَّايِي وَار يتِيرو شَا يزكُّوْنن ن وضِيڒ اَث يقسّ بَابَا. أُو كُڒ اَكشُّوْض إِݣ يتَارْون يزكُّوْنن ن وضِيڒ أَث يزْبَار حمَا اَذ د يَرْنِي يزكُّوْنن نّغْنِي.

يوحنا 8:31

ينَّا-ٱسن عِيْسَى إِ يسْرَائِيلِيْن يِنِّي زَّايس يُوْمْنن: "مڒَا ثقِّيمم ذݣ وَاوَاڒ ينُو، أَذ تِيڒِيم ذ صَّح ذ يمحْضَارن ينُو.

ڒخذايم 11:23

وَامِي د يُوْوض، يُوْفَا مَامّش ثن يبَرك أَربِّـي. ئِفَرح يبْذَا يتْشجَّاع-يثن مَارَّا بَاش اَذ قِّيمن ذݣ وبْرِيذ ن سِيذِيثْنغ س مَارَّا وُوْڒَاون نْسن.

ڒخذايم 14:22

ݣِّين ؤُڒ ذݣ يمحْضَارن نِّي، شجّْعن-ثن بَاش اَذ اَرْنِين ذِي لْإِيمَان نْسن. قَّارن-اَسن: أُو لَابُد اَخَانغ ثكّ اَطَّاس ن تَمَارَا بَاش نشِّين ڒْمُوْمِنِين أَ نَاذف ذِي ڒْمُلْك ن أَربِّـي.

أيث-روما 11:21

إِيوَا، مڒَا أَربِّـي تُوْغَا وَار يحِينّ شَا ذِي ڒفْرُوْع ن لْأَصل، ؤُڒَا ذ شك وَار ذَايك يتْحِينِّي شَا.

أيث-روما 2:7

أَذَاسن يُوْش ثُوْذَارْث وَار يفنِّين شَا إِ يِنِّي يصبَّارن تݣّن لْحَسَانَاث، لِأَنَّا رزُّوْن خ لْهِمَّا ذ ؤُوقَّار ذ ثُوْذَارْث نِّي يتْدُوْمَان.

1 أيث-كورينث 15:2

أَقَا ثْنجّْمم زَّايس وَامِي ذَايس تطّْفم مْلِيح ذݣ وَاوَاڒ ن تّبْشِير نِّي ونِّي إِي زِي كنِّيو بشَّرغ. مڒَا لَّا، زَعْمَا لْإِيمَان نْوم ثسْبطّْڒم-ث.

أيث-ݣلاطيا 6:9

إِيوَا يتْخصَّا وَار نْتِيحڒ شَا ذِي ڒخْذَايم ن ڒْخِير. مَايمِّي؟ ڒَاحقَّاش اَڒ ڒْوقْث نِّي نِيشَان ن ومْجَار أَ نمْجَار يعْنِي مڒَا وَار نفْشِيڒ شَا.

1 أيث-سلونيك 3:5

خ مَانَايَا، وَامِي ؤُݣِيغ اَذ صْبَرغ عَاذ كْتَار، سّكّغ-د غَارْوم تِيْمُوْتَاوُس بَاش اَذ سّْنغ لْإِيمَان نْوم. ݣّْوْذغ ونِّي يتْغَرَّان تُوْغَا يغَرّ-يكنِّيو س يبْرِيذن نّس أُوْشَا مِين تُوْغَا نخْذم جَارَاوم يمْكن يذْوڒ اَخْمِي وَار نݣِّي وَالُو.

1 أيث-سلونيك 3:8

ڒخُّو اَقَا نتْعِيش مْلِيح وَامِي تْبدَّام نِيشَان ذݣ وبْرِيذ ن سِيذِيثْنغ.

يعيبرانيين 10:23

أَ نطّف بْڒَا مَا أَ نضْڒق ذِي لْأَمَال نِّي إِي خف نْشهّذ لِأَنَّا أَربِّـي إِي ذَانغ يوعْذن ذَايس تِّقث.

يعيبرانيين 3:14

أَقَا نشِّين أَ نِيڒِي ذ يمْعَشَارن ذِي لْمَسِيح يعْنِي مڒَا نقِّيم نطّف مْلِيح اَڒ ونݣَّارُو ذِي تِّقث نِّي إِي تُوْغَا غَارْنغ ذ اَمزْوَارُو.

يعيبرانيين 3:6

وَلَكِن لْمَسِيح نتَّا ذ مِّيس يحكّم خ اَيثْبَاب ن ثدَّارْث ن أَربِّـي، ئِتْكلَّاف زَّايْسن نِيشَان. أُو نشِّين ذ اَيثْبَاب-أَ ن ثدَّارْث نّس يعْنِي مڒَا نطّف مْلِيح ذِي زْعَامث نّغ أُو ذِي لْأَمَال نّغ إِي خف نْتفْتَاخَر.

1 يوحنا 2:19

فّْغن زَّايْنغ وَلَكِن تُوْغَا وَار دْجِين شَا زَّايْنغ. مَعْلِيك زَّايْنغ، أَتَاف قِّيمن اَكِذْنغ. نِثْنِي فّْغن بَاش اَد د يبَان بلِّي وَار دْجِين شَا زَّايْنغ.

لواحي ن يوحنا 2:5

فكَّر مشْحَاڒ ثْغلْطذ، تُوْب، اݣّ ڒخْذَايم نّش ثِمزْوُوْرَا. مڒَا ثُوْݣِيذ اَذ تُوْبذ، أَذ د اَسغ غَارك اَذ يْسِيغ ڒْقنْدِيڒ نّش زݣ ومْشَان نّس.