أيث-روما 11:2 - ثريفيث 2020

² أَربِّـي وَار ينْكَر شَا شَّعْب نّس تُوْغَا يسّن-يثن زِي قْبڒ. مَا وَار ثسِّينم شَا كنِّيو مِين يقَّار لْكِتَاب خ نَّبِي إِلْيَاس؟ وَامِي يشثْشَا غَار أَربِّـي زِي أَيث-إِسْرَائِيل ينَّا-ٱس:

أيث-روما 11:2 ပူးပေါင်းရင်းမြစ်များ

مرقس 12:26

وَلَكِن شُوْف، يِنِّي يمُّوْثن اَذ د كَّرن زِي ڒْموْث. مَا عمَّارْص وَار ثغْرِيم مِين يُوْرِين ذِي لْكِتَاب ن مُوْسَى؟ ذِي ڒْقِصَّا ن ؤُخْشَاب، وَامِي يسِّيوڒ أَربِّـي اَك مُوْسَى ينَّا-ٱس قَا نش ذ أَربِّـي ن بْرَاهِيم، ذ أَربِّـي ن إِسْحَاق، ذ أَربِّـي ن يَعْقُوْب."

لوقا 4:1

ئِذْوڒ-د عِيْسَى زݣ يِغْزَار ن لْأُرْدُن يشُّوْر س أَرُّوْح يقدّْسن، ڒخْدّنِّي يُوْوِي-ث أَرُّوْح نِّي غَار ڒخْڒَا.

يوحنا 4:11

ثنَّا-ٱس: "آ سِيذِي، وَار غَارك شَا مِينْزِي غَا ثَايْمذ. أَنُو-يَا يُوْدْجغ، مَانِيس د غَا ثَاوِيذ اَمَان نِّي ن ثُوْذَارْث؟

ڒخذايم 13:48

يِنِّي وَار يدْجِين شَا زِي أَيث-إِسْرَائِيل وَامِي سْڒِين مِين ينَّا بُوْلُس، فَرْحن حمّْذن إِ وَاوَاڒ ن سِيذِي أَربِّـي. ؤُمْنن مَارَّا يِنِّي يخْضَر أَربِّـي إِ ثُوْذَارْث ن ڒبْدَا.

ڒخذايم 3:17

ڒخُّو سّْنغ آي أَيثْمَا بلِّي ثݣِّيم مَانَاينِّي إِ عِيْسَى س ڒقْفَاڒث نْوم كنِّيو ذ اَرُّوْيَاس نْوم.

ڒخذايم 7:40

نَّان-اَس إِ هَارُون: صْنع-اَنغ لْأَصْنَامَاث حمَا اَذ يڒِين ذ أَربِّـيثن نّغ اَثن نيْسِي غَار زَّاث نّغ. وَار نسِّين شَا مَانِيس يكَّا مُوْسَى-يَا إي ذَانغ د يسُوْفْغن زِي مِصْرَا!

أيث-روما 6:16

مَا وَار ثسِّينم شَا؟ مڒَا ثْسلّْمم يخف نْوم إِ شَان يِجّن ثْذوْڒم ذ يسمْغَان ثْطَاعَام-اَس، أَتَاف اَذ تْذوْڒم ذ يسمْغَان إِ ونِّي ؤُمِي ثْطَاعَام. إِمَّا اَذ تْطَاعم إِ ڒْمُعْصِيّث يتَاوِين غَار ڒْموْث، إِمَّا اَذ تْطَاعم إِ ونِّي إِي كنِّيو غَا يَاوِين غَار صُّلْح اَكِذس.

أيث-روما 9:23

يݣَّا اَمنِّي لِأَنَّا يخس اَذ يسْمظْهَار لْعَظَمَا نّس يمْغَارن خ يِيْنَا إِݣ يرْحم، يعْنِي يغرَّافن-أَ إِݣ يسوْجذ زِي قْبڒ إِ لْعَظَمَا، يعْنِي ذ نشِّين. ئِڒَاغَا-يَانغ-د إِ نشِّين إِي د يُوْسِين زِي أَيث-إِسْرَائِيل ؤُڒَا ذ يِنِّي وَار يدْجِين شَا زِي أَيث-إِسْرَائِيل.

أيث-روما 9:6

وَلَكِن، أَوَاڒ ن أَربِّـي مَا وَار ينْجِيح شَا؟ لَّا، ئِنْجح! فَا مَاشِي أَيث-إِسْرَائِيل قَاع إِݣ يدْجَان ذ يسْرَائِلِيْين ذ صَّح.

1 أيث-كورينث 6:2

مَا وَار ثسِّينم شَا بلِّي نِثْنِي صَّالِحِين إِي غَا يحكْمن خ دُّنشْت-أَ؟ ئِي كنِّيو مڒَا ثْحكْمم خ دُّنشْت-أَ، مَايمِّي وَار ثْزمَّرم شَا اَذ تْحلّم شِّكَايَاث ثِمزْيَانِين؟

1 أيث-كورينث 8:3

وَلَكِن ونِّي يتْحِبَّان أَربِّـي، أَتَاف أَربِّـي يسّن-يث نتَّا.

أيث-فيليـپـي 1:22

مڒَا قِّيمغ دَّرغ س دَّات-أَ ينُو، أَتَاف اَذ اَرْنِيغ مْلِيح ذِي ڒْخذْمث ينُو. وَلَكِن نش وَار سِّينغ شَا مِين غَا يخْضَرغ.

يعيبرانيين 1:1

ذِي زْمَان يسَّاوَاڒ أَربِّـي اَك ڒجْذُوْذ نّغ س وقمُّوْم ن لْأَنْبِيَا س وَاطَّاس ن ثْوَاڒَاثِين س وَاطَّاس ن يبْرِيذن.

1 بطرس 1:2

أَربِّـي بَابَاثْنغ يخْضَر-يكنِّيو عْلَاحْسَاب مَامّش تُوْغَا يسّن نتَّا زِي قْبڒ، ئِسِّيصْفَا-كنِّيو س يِجّن ن ڒْخذْمث ن أَرُّوْح يقدّْسن حمَا اَذ تْطَاعم إِ عِيْسَى لْمَسِيح اَذ تْوَارُوْشّم س يذَامّن نّس إِي يُوْزّْڒن. أَذَايْوم يمَارْنِي اَرْضَا ذ ڒهْنَا س وَاطَّاس.