أيث-روما 10:9 - ثريفيث 2020

⁹ قَا مڒَا ثْشهْذذ س وقمُّوْم نّش إِلَّا عِيْسَى ذ سِيذِيش، مڒَا ثُوْمْنذ س وُوْڒ نّش إِلَّا أَربِّـي يسكَّر-يث-يذ زِي ڒْموْث، أَتَاف اَذ تْنجْمذ.

أيث-روما 10:9 ပူးပေါင်းရင်းမြစ်များ

لوقا 12:8

أَذَاوم ينِيغ: ونِّي زَّايِي غَا يشهْذن نش زَّاث إِ يِوْذَان، أَتَاف اَزَّايس شهْذغ نش مِّيس ن بْنَاذم زَّاث إِ لْمَلَائِكَاث ن أَربِّـي.

يوحنا 9:22

نَّان لْوَالِدِين نّس اَمنِّي مِينْزِي ݣّْوْذن زݣ يمقّْرَانن ن أَيث-إِسْرَائِيل. تُوْغَا يمقّْرَانن نِّي تَافْقن بلِّي ونِّي غَا يشهْذن عِيْسَى ذ لْمَسِيح، أَث طرْدن زِي ثمْزِيذَا.

ڒخذايم 16:31

نَّان-اَس: "أَمن زِي سِيذِيثْنغ عِيْسَى اَذ تْنجْمذ شك ذ ڒحْبَاب نّش."

ڒخذايم 2:24

وَلَكِن أَربِّـي نتَّا يسكَّر-يث-يذ يضْڒق-اَس زي ڒحْرِيق نِّي ن ڒْموْث خْمِي تَارو، أَقَا ڒْموْث وَار ذَاس ثْزمَّر.

ڒخذايم 2:32

عِيْسَى-يَا وَانِيتَا يسكَّر-يث-يذ أَربِّـي زِي ڒْموْث، أَقَا نشِّين مَارَّا نْشهّذ خ مَانَايَا.

ڒخذايم 8:36

ݣُّوْرن ذݣ وبْرِيذ ؤُوْضن غَار شَان وَامَان. ينَّا-ٱس وحَبَاشِي نِّي: "أَقَاش اَمَان مُوْجُوْد، مِين ذَايِي يُوْغن نش وَار تْوَاطهَّارغ شَا س وَامَان-أَ؟"

أيث-روما 10:10

لِأَنَّا س وُوْڒ نّش شك تَامْنذ، أَش يسمْصْڒَاح أَربِّـي اَكِذس. أُو س وقمُّوْم نّش شك ثْشهّْذذ، شك ثْنجْمذ.

أيث-روما 14:11

أَقَا يُوْرَا ذِي لْكِتَاب: <نش تْجَادْجِيغ س ثُوْذَارْث ينُو، ئِقَّار-يت سِيذِي أَربِّـي، أَقَا مَارَّا يوْذَان اَذَايِي سجّْذن خ يفَادّن نْسن، مْكُڒ يڒس اَذ يشْهذ نش ذ سِيذِي أَربِّـي.>

أيث-روما 14:9

لِأَنَّا خ مَانَايَا إِي خف يمُّوْث لْمَسِيح أُوْشَا ثعْقب-د ذَايس ثُوْذَارْث حمَا اَذ يِيڒِي نتَّا ذ سِيذِيثْسن ن يِنِّي يمُّوْثن ذ يِنِّي يدَّرن.

أيث-روما 4:24

لَّا، يُوْرَا عَاوذ عْلَاحْسَاب نشِّين ؤُمِي ذَانغ يسمْصْڒَاح اَكِذس وَامِي زَّايس نُوْمن زِي أَربِّـي ونِّي إِي د يسكَّرن سِيذِيثْنغ عِيْسَى زِي ڒْموث.

أيث-روما 8:34

وِي يزمَّرن اَخَاسن يحْكم؟ ؤُڒَا ذ يجّن! لِأَنَّا نتَّا عِيْسَى لْمَسِيح إِݣ يمُّوْثن. أُو كْتَار، يكَّر-د زِي ڒْموْث أُو ذ نتَّا إِي يدْجَان خ وفُوْسِي ن أَربِّـي، ئِتْشَافَاعن ذَايْنغ.

1 أيث-كورينث 12:3

س مَانَاينِّي خْسغ اَذ تْفهّْمم مْلِيح بلِّي وَار ذِنِّي حَدّ اَذ يِينِي س أَرُّوْح ن أَربِّـي <قَا عِيْسَى يتْوَانْعڒ>! عَاوذ وَار ذِنِّي حَدّ اَذ يِينِي <قَا عِيْسَى ذ مَوْلَانَا> إِلَّا س أَرُّوْح يقدّْسن.

أيث-فيليـپـي 2:11

أَذ يعْتَرف كُڒ يِيڒس اَذ يِينِي خ عِيْسَى لْمَسِيح قَا نتَّا ذ سِيذِيثْنغ اَزَّايس يسمْغَار أَربِّـي بَابَاثْنغ.

1 بطرس 1:21

زَّايس نتَّا إِي زِي تَامْنم زِي أَربِّـي إِي ثِيذ يسكَّرن زݣ يمتِّينن، يُوْشَا-ٱس لْعَظَمَا بَاش تِّقث نْوم ذ لْأَمَال نْوم تِيڒِين ذِي أَربِّـي.

1 يوحنا 4:15

ونِّي غَا يشهْذن عِيْسَى ذ مِّيس ن أَربِّـي، أَتَاف أَربِّـي يقِّيم ذَايس اَتَاف نتَّا يقِّيم ذِي أَربِّـي.

2 يوحنا 1:7

أَقَا اَطَّاس ن يثَرَّاسن نِثْنِي ذ يغدَّارن فّْغن-د غَار دُّنشْت-أَ، نكَّرن بلِّي عِيْسَى لْمَسِيح يمظْهَار-د س دَّات ن بْنَاذم. أَثَرَّاس-أَ إِي يدْجَان اَمُّو نتَّا ذ اَغدَّار وَاهَا ذ دّجَّال إِي يدْجَا.