أيث-روما 10:6 - ثريفيث 2020

⁶ وَلَكِن مِين يقَّار لْكِتَاب خ ونِّي يرزُّوْن اَذ يمصْڒَاح اَك أَربِّـي اَزَّايس يَامن؟ ئِقَّار: وَار قَّار شَا ذݣ وُوْڒ نّش: مِين يعْنَا وِي غَا يݣَعّْذن غَار وجنَّا (يعْنِي بَاش اَذ د يسهْوَا لْمَسِيح)؟

أيث-روما 10:6 ပူးပေါင်းရင်းမြစ်များ

يوحنا 6:33

مِينْزِي اَغْرُوْم ن أَربِّـي نتَّا ذ ونِّي إِي د يهوَّان زݣ وجنَّا يتِيشّ-اَس ثُوْذَارْث إِ دُّنشْت."

يوحنا 6:38

مِينْزِي نش هْوِيغ-د زݣ وجنَّا، وَار يدْجِي شَا اَذ ݣّغ مِين خْسغ؛ لَّا، هْوِيغ-د اَذ ݣّغ مِين يخس ونِّي إِي ذَايِي د يسّكّن.

يوحنا 6:58

صَافِي، ذ وَانِيتَا ذ اَغْرُوْم إِي د يهْوَان زݣ وجنَّا. وَار يدْجِي شَا اَم ڒجْذُوْذ نْوم إِي شِّين اَغْرُوْم نِّي ؤُمِي قَّارن لْمَنَّا منْبَعْد مُّوْثن؛ لَّا، ونِّي غَا يشّن زݣ وغْرُوْم-أَ اَذ يدَّر إِ ڒبْدَا."

أيث-روما 3:22

يعْنِي، أَربِّـي يسمْصْڒَاح اَكِذس مَارَّا ونِّي يتَامْنن زِي عِيْسَى لْمَسِيح، وَار يتْفرَّق جَار يِوْذَان. أَقَا مَارَّا عْصَان أَربِّـي، تْوَاحَرَّامن زِي لْعَظَمَا نّس.

أيث-روما 3:25

أَربِّـي يقدّم-يث ذ لْفِدْيَا حمَا اَذ تْوَاغْفَارنْت ڒْمُعْصِيَاث س يذَامّن نّس، يعْنِي إِ يِنِّي يقبّْڒن مَانَاينِّي س لْإِيمَان نْسن. س مَانَاينِّي يسْمظْهَار-د أَربِّـي ڒْحَقّ نّس. نتَّا تُوْغَا يصبَّار، وَار ت يُوْوِي شَا ذِي ڒْمُعْصِيَاث نِّي إِي يعْذُوْن،

أيث-روما 4:13

ڒْعَهذ إِي زِي يوْعذ أَربِّـي بْرَاهِيم ذ دُّوْرِّيث نّس حمَا اَذ يوَارث نتَّا دُّنّشْت. ڒْعَهذ نِّي وَار د يُوْسِي شَا س شَّرِيعَا، يُوْسَا-د س لإِيمَان نِّي إِݣ يسمْصْڒَاحن يوْذَان اَك أَربِّـي.

أيث-فيليـپـي 3:9

حمَا اَذَايِي اَفن ذَايس بْڒَا شَا ن صُّلْح اَك أَربِّـي إِي د يتَاسن زَّايِي نش وَاهَا عْلَاحْسَاب شَّرِيعَا. لَّا، صُّلْح نِّي ينُو اَك أَربِّـي يتَاس-د س لْإِيمَان ينُو زِي لْمَسِيح، يعْنِي صُّلْح نِّي يتَاس-د زِي أَربِّـي يتَاس-د س لْإِيمَان.

يعيبرانيين 1:3

نتَّا ذ نُّوْر ن لْعَظَمَا ن أَربِّـي ذ صِّفث ن طَّبِيعَا نّس بْڒَا اَخطِّي. س جّْهذ ن وَاوَاڒ نّس إِي زِي يربُّو مَارَّا ثِمسْڒَايِين. وَامِي يحلّ ڒْمُعْصِيَاث ن بْنَاذم يسِّيصْفَا-ثنْت، سّنِّي يقِّيم خ وفُوْسِي ن أَربِّـي سُبْحَانَا وَتَعَالَى.

يعيبرانيين 11:7

س لْإِيمَان نَّبِي نُوْح وَامِي ذَاس يعْڒم أَربِّـي خ ثْمسْڒَايِين نِّي وَار ثنْت ࢲْرِين يِوْذَان عمَّارْص، ئِكَّر نتَّا س يِجّن ن ثِيݣّْوْذِي ذ يِجّن ن ڒحْيَا يݣَّا اَغَرَّابُو بَاش اَذ يسنْجم أَيثْبَاب ن ثدَّارْث نّس. وَامِي يݣَّا مَانَاينِّي نتَّا يعيّب دُّنشْت، ئِوَارث صُّلْح نِّي إِي د يتَاسن س لْإِيمَان.