أيث-روما 10:19 - ثريفيث 2020

¹⁹ عَاوذ نش تْسقْسِيغ، أَيث-إِسْرَائِيل مَا وَار فْهِيمن شَا؟ ذ اَمزْوَارُو ينَّا-ٱسن مُوْسَى: <أَكنِّيو جّغ اَذ تْحسْذم يِنِّي وَار يدْجِين شَا ذ لْأُمَّا، أَكنِّو سْعصّْبغ س يِجّن ن لْأُمَّا وَار يفهّْمن.>

أيث-روما 10:19 ပူးပေါင်းရင်းမြစ်များ

أيث-روما 10:18

وَلَكِن نش تْسقْسِيغ، مَا وَار سْڒِين شَا؟ وَاه، سْڒِين. أَقَّا مِين يقَّار لْكِتَاب: <ذِي مَارَّا ثَمُوْرْث يفّغ-د صُّوْت نْسن، أَوَاڒن نْسن ؤُوْضن اَڒ ڒَاحدّ ن دُّنشْت.>

أيث-روما 11:11

إِيوَا تْسقْسِيغ، أَيث-إِسْرَائِيل مَا صَافِي نْقڒْظن وضَان؟ لَّا، عمَّارْص! لْعَكْس، س ڒْمُعْصِيّث-أَ ن أَيث-إِسْرَائِيل يسنْجم أَربِّـي يِنِّي وَار يدْجِين شَا زِي أَيث-إِسْرَائِيل بَاش اَذ تكَّر لْغِرَا ذِي أَيث-إِسْرَائِيل.

أيث-روما 11:14

رزُّوْغ اَذ سْنكَّرغ لْغِرَا ذݣ أَيثْمَا يسْرَائِيلِيْين حمَا اَذ سْنجْمغ ڒبْعَاض زَّايسن.

أيث-روما 3:26

حمَا ٱذ د يسْمظْهَار ذِي زْمَان-أَ ڒْحَقّ نّس. لِأَنَّا أَربِّـي نتَّا نِيشَان إِݣ يدْجَا، نتَّا يسمْصْڒَاح اَكِذس ونِّي غَا يَامْنن زِي عِيْسَى.

1 أيث-كورينث 1:12

يعْنِي، ئِجّن يقَّار نش ذفَّارغ بُوْلُس. ئِجّن يقَّار نش ذفَّارغ أَپُّــوْلُّوْس. ئِجّن يقَّار نش ذفَّارغ بُطْرُس. ئِجّن يقَّار نش ذفَّارغ لْمَسِيح.

1 أيث-كورينث 10:19

مِين خْسغ نش اَذ ينِيغ؟ مَا قَّارغ بلِّي لْمَكْلَا نِّي يتْقدَّامن إِ لْأَصْنَام نتَّاث ذ شَا ن ڒْحَاجث؟ نِغ قَّارغ بلِّي لْأَصْنَام نِثْنِي ذ شَا ن ڒْحَاجث؟

1 أيث-كورينث 11:22

شُوْف، مَا وَار غَارْوم بُو ثُوْذْرِين مَانِي إِي غَا ثشّم نِغ ذ مَانِي إِ غَا ثسْوم؟ كنِّيو، مَا تْسحْقَارم جْمَاعث ن ڒْمُوْمِنِين ن أَربِّـي تْحݣَّرم يِنِّي وَار غَار يدْجِي وَالُو؟ مِين ذَاوم غَا ينِيغ؟ مَا كنِّيو إِي غَا شكَّرغ خ مَانَايَا؟ لَّا، وَالُو.

1 أيث-كورينث 12:2

قَا ثسّْنم بلِّي وَامِي تُوْغَا كنِّيو ذ لْكُفَّار تْوَاسُوْفْغم زݣ وبْرِيذ غَار لْأَصْنَام يزيْنُوْنن.

1 أيث-كورينث 15:50

فَا قَّارغ-اَوم آي أَيثْمَا، قَا اَيْسُوْم ذ يذَامّن وَار زمَّرن اَذ وَارْثن ذِي ڒْمُلْك وجنَّا. مِين يفنَّان وَار يوَارّث شَا مِين وَار يفنِّين.

1 أيث-كورينث 7:29

فَا آي اَيثْمَا، مِين رزُّوْغ اَذ ينِيغ؟ ڒْوقْث اَقَا ثْقَارّب-د. سَّا ٱڒ ثْسَاونْت يِنِّي يمڒْشن اَذ عِيشن اَخْمِي وَار مْڒِيشن شَا،

ثبرات غار تيتوس 3:3

شُوْف، نشِّين عَاوذ تُوْغَا ذَايْنغ يجّن ن ڒقْفَاڒث، وَار نتْطِيعِي شَا، نتْوَاشمّث، حكّْمنْت خَانغ اَطَّاس ن لْأَنْوَاع ن شّهَاوَاث ذ زّْهُو. تُوْغَا نتْعِيش ذݣ يِجّن ن ڒقْبَاحث ذ ڒحْسذ، عِيفّن-اَنغ يِوْذَان، نتْعِيفَّا اَيَاوْيَا.

1 بطرس 2:10

تُوْغَا كنِّيو ذݣ يِجّن ن ڒْوقْث مَاشِي ذ ڒْݣنْس، ڒخُّو كنِّيو ثْذوْڒم ذ شَّعْب ن أَربِّـي. تُوْغَا ذݣ يِجّن ن ڒْوقْث وَار ثسِّينم شَا اَرَّاحْمث ن أَربِّـي، ڒخُّو ثسّْنم اَرَّاحْمث نّس.