أيث-روما 10:15 - ثريفيث 2020

¹⁵ أُو مَامّش غَا ݣّن اَذ حدّْثن مڒَا وَار ذَاسن د يسّكّ حَدّ؟ أَقَا يقَّار لْكِتَاب: <مشْحَاڒ صبْحَان يضَارن ن يِنِّي يتْبشَّارن س لْإِنْجِيل.>

أيث-روما 10:15 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 9:38

تَّارث زِي بَاب ن ثْفدْجَاحْث اَد يَرْنِي يشوَّارن ذݣ ومَرْجع نّس."

لوقا 10:1

منْبَعْد إِ مَانَايَا يخْضَر سِيذِيثْنغ يجّن ثْنَاين أُو سبْعِين ن يمحْضَارن، ئِسّكّ-يثن ثْنَاين ثْنَاين يزْوَارن-اَس غَار كُڒ ثنْدِينْت ذ ومْشَان إِݣ يݣَّا نتَّا اَغَارْسن يرَاح.

لوقا 2:10

ثنَّا-ٱسن لْمَلَائِكَا نِّي: "وَار تݣّْوْذم شَا. أَقَا نش تْبشَّارغ-كنِّيو س يِجّن ن ڒخْبَار يمْغَر اَطَّاس اَزَّايس يفَرح مَارَّا شَّعْب.

لوقا 2:14

"لْعَظَمَا إِ أَربِّـي يُوْعْڒَان، ذ ڒهْنَا ن يِنِّي ذِي ثْمُوْرْث مِيخف يرْضَا."

لوقا 8:1

منْبَعْد إِ مَانَايَا يݣُّوْر عِيْسَى زِي دْشَا غَار دْشَار زݣ وبِيلَّاج غَار وبِيلَاج يتحدَّاث يتْبشَّار س ڒْمُلْك ن أَربِّـي. أَكِذس ثنْعَاش ن يمحْضَارن نّس

يوحنا 20:21

ينَّا-ٱسن عَاوذ عِيْسَى: "سْڒَام خَاوم. مَامّش ذَايِي د يسّكّ بَابَا، أَمُّو نش اَكنِّيو سّكّغ."

ڒخذايم 10:36

ثسّْنم أَربِّـي يسّكّ-د اَوَاڒ نّس غَار أَيث-إِسْرَائِيل يتْبشَّار-يثن س لْإِنْجِيل ن ڒهْنَا س عِيْسَى لْمَسِيح، نتَّا ذ سِيذِيثْنغ ن مَارَّا يوْذَان.

ڒخذايم 13:26

ينَّا-ٱسن بُوْلُس: "آي اَيثْمَا، آ ثَارْوَا ن بْرَاهِيم، آي يِنِّي يتݣّْوْذن أَربِّـي! قَا ذ نشِّين ؤُمِي د يسّكّ أَربِّـي اَوَاڒ-أَ إِي زِي غَا ننْجم.

ڒخذايم 22:21

ينَّا-ٱيي سِيذِي: رُوْح، شك اَش سّكّغ غَار يمُوْشَان ݣّْوْجن اَطَّاس، غَار يِنِّي وَار يدْجِين شَا زِي أَيث-إِسْرَائِيل."

ڒخذايم 9:15

ينَّا-ٱس سِيذِيثْنغ: "لَّا رُوْح، قَا اَرْيَاز-أَ ذ نش إِي ث يخْضَرن اَث سّكّغ حمَا اَذ يسِّيوض يسم ينُو إِ ينِّي وَار يدْجِين شَا زِي أَيث-إِسْرَائِيل، ذ يزدْجِيذن نْسن، ذ يسْرَائِيلِيْين.

أيث-روما 1:15

س مَانَايَا نش رزُّوْغ اَطَّاس اَكنِّيو بشَّرغ س لْإِنْجِيل ؤُڒَا ذ كنِّيو إِي يدْجَان ذِي ثنْدِينْت ن رُوْمَا.

أيث-روما 15:20

أُو نش رزُّوْغ اَذ تْبشَّارغ ڒبْدَا س لْإِنْجِيل ذِي ثْمُوْرَا مَانِي وَار خَاس تسْڒِين شَا خ لْمَسِيح بَاش وَار بنِّيغ شَا خ شَا ن دْسَاس إِݣ يݣَّا حَدّ نّغْنِي.

أيث-ؤفسوس 2:17

أَقَا يُوْسَا-د عِيْسَى يتْبشَّار نتَّا س لْإِنْجِيل يُوْوِي-اَوم-د ڒهْنَا إِ كنِّيو تُوْغَا يدْجَان ثبعّْذم خ أَربِّـي أُو ذ يِنِّي إِي د يُوْذْسن غَار أَربِّـي.

أيث-ؤفسوس 3:8

لْبَرَكَا-يَا يُوْشَا-ٱيِي-ت أَربِّـي وَاخَّا ذ اَمزْيَان إِي دْجِيغ خ مَارَّا صَّالِحِين بَاش نش اَذ بشَّرغ يِنِّي وَار يدْجِين شَا زِي أَيث-إِسْرَائِيل اَذ سّْنن اَݣْڒَا نِّي ن لْمَسِيح إِي وَار يتْوَاشرِّيحن شَا.

أيث-ؤفسوس 6:15

قّْنم ثِسِيڒَا إِ يضَارن نْوم بَاش اَذ تسْوجْذم يخف نْوم اَذ تْبشَّرم س لْإِنْجِيل ن ڒهْنَا.

1 بطرس 1:12

ئِسْمظْهَار-اَسن-د إِ لْأَنْبِيَا بلِّي مَانَايَا وَار ث خدّْمن شَا إِ يِيخف نْسن، خدّْمن-ث إِ كنِّيو وَامِي سَّاوَاڒن س ثْمسْڒَايِين-أَ. أُو ڒخُّو نَّان-اَوم ثِمسْڒَايِين-أَ يِنِّي إِ كنِّيو يتْبشَّارن س لْإِنْجِيل س جّْهذ ن أَرُّوْح يقدّْسن إِي ذَاوم د يتْوَاسّكّن زݣ وجنَّا. وَاخَّا ذ لْمَلَائِكَاث ذَايْسنْت مزْڒِي اَذ خْزَرنْت ذِي ثْمسْڒَايِين-أَ.