أيث-روما 1:8 - ثريفيث 2020

⁸ ذ اَمزْوَارُو، تْشكَّرغ أَربِّـي خَاوم مَارَّا إِذْوم س يِيسم ن عِيْسَى لْمَسِيح ڒَاحقَّاش لإِيمَان نْوم اَرِّين-اَس-د ڒخْبَار ذِي دُّنشْت-أَ ثكْمَاڒ.

أيث-روما 1:8 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:14

لْإِنْجِيل ن ڒْمُلْك ن أَربِّـي اَخَاس حدّْثن يِوْذَان ذِي مَارَّا ثِمُوْرَا ن دُّنشْت حمَا اَغَارْسن ثِيڒِي شْهَاذث خَافِي. ڒخْدّنِّي إِي د غَا يَاس ڒفْنَا.

لوقا 2:1

ذِي ڒِيَّام نِّي اَزدْجِيذ قَيْصَر أَݣُسْطُس يُوْشَا لْأَمَار اَذ حسْبن مَارَّا يمزْذَاغ ن ثْمُوْرَا إِي ذِي يحْكم.

ڒخذايم 11:28

ئِكَّر يجّن زَّايْسن قَّارن-اَس غَابُوْس، ئِخْبَر إِ ڒْمُوْمِنِين ذِنِّي س مِين ذَاس ينَّا أَرُّوْح ن أَربِّـي. ينَّا-ٱسن قَا ٱذ يوْقع يجّن ن بُوْهيُّوْف ذ اَمقّْرَان خ ثْمُوْرْث مَارَّا (أُو ذ صَّح يوْقع مَانَاينِّي ذِي ڒْوقْث ن لْمَلِك قَيْصَار كْلُوْدْيُوْس).

ڒخذايم 28:22

وَلَكِن نخْس اَذَاش نْصنّط لْأَفْكَار نّش، مِينْزِي نسّن اَطَّاس ن يِوْذَان ذِي مْكُڒ اَمْشَان تْعَارَّاضن إِ ڒْحِزب-أَ وَانِيتَا."

أيث-روما 10:18

وَلَكِن نش تْسقْسِيغ، مَا وَار سْڒِين شَا؟ وَاه، سْڒِين. أَقَّا مِين يقَّار لْكِتَاب: <ذِي مَارَّا ثَمُوْرْث يفّغ-د صُّوْت نْسن، أَوَاڒن نْسن ؤُوْضن اَڒ ڒَاحدّ ن دُّنشْت.>

أيث-روما 16:19

كنِّيو، سْڒِين خَاوم يوْذَان مَارَّا خ طَّاعَا نْوم، نش فَرْحغ زَّايْوم خ مَانَاينِّي. وَلَكِن خْسغ كنِّيو اَذ تِيڒِيم ذ يفْطَانن خ مِين يدْجَان ذ اَصبْحَان، أَذ تْغفْڒم خ مِين يدْجَان ذ شَّرّْ.

أيث-روما 6:17

وَلَكِن أَ نحْمذ أَربِّـي! وَاخَّا ثْطَاعم إِ ڒْمُعْصِيّث قْبڒ، ڒخُّو ثْطَاعَام س وُوْڒَاون نْوم إِ ؤُسڒْمذ نِّي إِي كنِّيو يسِّيوْضن. ثهْنَام زِي ڒْمُعْصِيّث، ثْذوْڒم ذ يسمْغَان إِ مِين يدْجَان نِيشَان.

1 أيث-كورينث 1:4

تْشكَّارغ أَربِّـي خَاوم ڒبْدَا خ اَرْضَا إِي ذَاوم يُوْشَا ذِي عِيْسَى لْمَسِيح.

22 أيث-كورينث 2:14

وَلَكِن أَ نحْمذ أَربِّـي. نتَّا ڒبْدَا يسُوْݣُّوْر-اَنغ ذݣ وبْرِيذ ن اَرْبَاح س لْمَسِيح أُو زَّايْنغ نشِّين يتنْتَاشَار ڒفْوَاح ن ثُوْسْنَا خ لْمَسِيح.

أيث-ؤفسوس 1:15

خ مَانَايَا، نش زݣ وَامِي تُوْغَا تسْڒِيغ خ لِإِيمَان نْوم زِي سِيذِيثْنغ عِيْسَى ذ ڒمْحِبّث نْوم إِ مَارَّا صَّالِحِين

أيث-ؤفسوس 1:16

تْشكَّرغ أَربِّـي خَاوم بْڒَا مَا ٱذ بدّغ أُو ڒبْدَا تْفكَّرغ ذَايْوم ذِي ثْࢲَادْجِيث ينُو.

أيث-ؤفسوس 3:21

أَغَارس ثِيڒِي لْعَظَمَا ذِي جْمَاعث ن ڒْمُوْمِنِين أُو عَاوذ ذِي عِيْسَى لْمَسِيح زِي لْجِيل غَار لْجِيل إِ ڒبْدَا ن ڒبْدَاث. آمِين!

أيث-ؤفسوس 5:20

شكَّرم ڒبْدَا أَربِّـي بَابَاثْنغ خ مَارَّا ثِمسْڒَايِين ذݣ يِيسم ن سِيذِيثْنغ عِيْسَى لْمَسِيح.

أيث-فيليـپـي 1:11

زَّايس زِي عِيْسَى لْمَسِيح اَذ تِيڒِيم ثْعمَّرم س مِين د يتَارْون ڒْحَقّ. مَارَّا مَانَايَا إِ لْعَظَمَا ن أَربِّـي ذ لْحَمْد نّس.

أيث-فيليـپـي 1:3

تْشكَّرغ أَربِّـي كُڒ ثْوَاڒَات خْمِي ذَايْوم تْفكَّرغ.

أيث-كولوس 1:3

نشِّين ڒبْدَا نتْشكَّار أَربِّـي بَابَاس ن سِيذِيثْنغ عِيْسَى لْمَسِيح خْمِي ذَاس نْتتَّار خَاوم.

1 أيث-سلونيك 1:2

نشِّين ڒبْدَا نتْشكَّر أَربِّـي خَاوم مَارَّا، نْتتَّار إِ أَربِّـي خَاوم بْڒَا مَا ٱ نْبدّ.

1 أيث-سلونيك 2:13

نشِّين نتْشكَّر أَربِّـي خَاوم بْڒَا مَا ٱ نْبدّ وَامِي ثْقبْڒم اَوَاڒ نّس إِي ذَاوم د نْسِيْوض. ثْقبْڒم-ث مَاشِي اَم وَاوَاڒ ن يِوْذَان، ثْقبْڒم-ث اَم وَاوَاڒ ن أَربِّـي نِيشَان. ئِخدّم وَاوَاڒ-أَ عَاوذ ذَايْوم كنِّيو إِي يُوْمْنن.

2 أيث-سلونيك 1:3

آي أَيثْمَا، ئِتْخصَّا أُو لَابُد أَ نْشكَّر أَربِّـي خَاوم ڒبْدَا. قَا مَانَايَا نِيشَان مِينْزِي لْإِيمَان نْوم يتمْغُوْر س وَاطَّاس، مِينْزِي عَاوذ ڒمْحِبّث نْوم ثْرنِّي اَك وَايَاوْيَا.

2 تيموتاوس 1:3

تْشكَّرغ أَربِّـي ونِّي عبّْذغ زِي ڒجْذُوْذ ينُو س يِجّن ن ضَّمِير يصْفَان. تتَّارغ-اَس إِ أَربِّـي خَاش دْجِيڒث ذ نْهَار بْڒَا مَا ٱذ بدّغ.

ثبرات غار فليمون 1:4

ڒبْدَا تْشكَّرغ أَربِّـي ينُو خْمِي تْفكَّرغ ذَايش ذِي ثْࢲَادْجِيث ينُو.

يعيبرانيين 13:15

إِذن لَابُد س عِيسَى إِي زِي غَا نحْمذ أَربِّـي ذِي مْكُڒ ڒْوقْث. ذ ثَانِيتَا ذ دْبِيحث إِي غَا نْقدّم إِ أَربِّـي، يعْنِي مڒَا نعْتَرف س يِيسم نّس.

1 بطرس 2:5

ؤُڒَا ذ كنِّيو عَاوذ اَم شَا ن يِزْرَا يدَّرن زَّايْوم إِي ثْبنَّا يجّن ن ثدَّارْث ن أَرُّوْح يقدّْسن. حمَا اَذ تِيڒِيم كنِّيو ذ يجّن ن جْمَاعث ن ڒْفُقَهَا صَّالِحِين، تْقدَّامم دْبِيحَاث رُّوْحِيَاث يَارْضَا خَاسنْت أَربِّـي س وفُوْس ن عِيْسَى لْمَسِيح.

1 بطرس 4:11

ونِّي ؤُمِي يمُّوْش اَذ يسِّيوڒ يتْخصَّا-يَاس اَذ يسِّيوڒ اَم ونِّي يسَّاوَاڒن اَوَاڒن ن أَربِّـي. ونِّي ؤُمِي يمُّوْش اَذ يخْذم يتْخصَّا-يَاس اَذ يخْذم اَم ونِّي يخدّْمن س جّْهذ إِݣ يتِيشّ أَربِّـي. حمَا س مَارَّا ثِمسْڒَايِين-أَ اَذ يتْوَاحْمذ أَربِّـي س وفُوْس ن عِيْسَى لْمَسِيح. أَغَارس ثِيڒِي لْعَظَمَا ذ ڒحْكَام إِ ڒبْدَا ن ڒبْدَاث. آمِين.