أيث-روما 1:5 - ثريفيث 2020

⁵ أَقَا زِي عِيْسَى أُو خ سَّبَاب ن يِيسم نّس يݣَّا ذَايِي أَربِّـي لْبَرَكَا حمَا اَذ يڒِيغ ذ اَرَّسُوْل، أَذ بشَّرغ يوْذَان زِي مَارَّا ڒݣْنُوْس اَزَّايس اَمْنن اَذَاس طَاعن.

أيث-روما 1:5 ပူးပေါင်းရင်းမြစ်များ

يوحنا 1:16

س لْبَرَكَا نّس ثَمقّْرَانْت يبَرك-اَنغ مَارَّا س اَرْضَا خ اَرْضَا.

ڒخذايم 1:25

أَكِذْنغ يِيڒِي ذِي ڒْخذْمث-أَ، أَذ يذْوڒ ذ اَرَّسُوْل ذݣ ومْشَان ن يَهُوْذَا ونِّي إِݣ يسمْحن ذِي ڒْخذْمث-أَ يرُوْح غَار ومْشَان نّس اَعفَّان."

ڒخذايم 15:14

ئِعَاوذ-اَنغ سِمْعَان خ مَامّش ذݣ ومزْوَارُو يفْقذ أَربِّـي يِنِّي وَار يدْجِين شَا زِي أَيث-إِسْرَائِيل يخْضَر شَا زَّايْسن اَذ يڒِين ذ شَّعْب نّس.

ڒخذايم 6:7

ئِنْتَاشَار وَاوَاڒ ن أَربِّـي، مَارْنِين-د اَطَّاس ن يمحْضَارن ذِي لْقُدْس، ؤُمْنن اَطَّاس ن ڒْفُقَهَا ن أَيث-إِسْرَائِيل زِي لْإِنْجِيل.

ڒخذايم 9:15

ينَّا-ٱس سِيذِيثْنغ: "لَّا رُوْح، قَا اَرْيَاز-أَ ذ نش إِي ث يخْضَرن اَث سّكّغ حمَا اَذ يسِّيوض يسم ينُو إِ ينِّي وَار يدْجِين شَا زِي أَيث-إِسْرَائِيل، ذ يزدْجِيذن نْسن، ذ يسْرَائِيلِيْين.

أيث-روما 12:3

فَا س لْبَرَكَا إِي ذَايِي يُوْشَا أَربِّـي قَّارغ إِ مْكُڒ يجّن زَّايْوم: وَار حسّب شَا يخف نّش كْتَار زِي مِين ثعْنِيذ. شك فكَّر س ڒَعْقڒ نّش عْلَاحْسَاب مشْحَاڒ ن لإِيمَان إِي ذَاش يُوْشَا أَربِّـي.

أيث-روما 16:26

ڒخُّو يبَان-د مَانَايَا إِ يِوْذَان يتْوَاسّن س لْكُتُب ن لْأَنْبِيَا. أَربِّـي يعْنِي ونِّي يتْدُوْمَان إِ ڒبْدَا يُوْمَر اَزَّايس اَمْنن مَارَّا ڒݣْنُوْس اَذَاس طَاعن.

أيث-روما 3:29

إِيوَا أَربِّـي، مَا نتَّا ذ أَربِّـي ن أَيث-إِسْرَائِيل وَاهَا؟ لَّا! مَا وَار يدْجِي ؤُڒَا ذ أَربِّـي ن يِوْذَان وَار يدْجِين شَا زِي أَيث-إِسْرَائِيل؟ وَاه، ذ أَربِّـي نْسن ؤُڒَا ذ نِثْنِي.

1 أيث-كورينث 15:10

وَلَكِن نش س اَرْضَا ن أَربِّـي ذوْڒغ مَامّش دْجِيغ ڒخُّو. ثُمَّا اَرْضَا نّس وَار يدْجِي بُو خَافِي س بْڒَا نّْفَع؛ لَّا، نش شَّاثغ تَمَارَا كْتَار زَّايْسن مَارَّا. مَاشِي ذ نش زَعْمَا؛ لَّا، ذ اَرْضَا ن أَربِّـي إِي كِذِي.

1 أيث-كورينث 9:2

مڒَا وَار دْجِيغ ذ اَرَّسُوْل إِ شَان يِوْذَان نّغْنِي، أَتَاف إِ كنِّيو إِي غَا دْجِيغ ذ اَرَّسُوْل. لِأَنَّا كنِّيو ذ دَّلِيل يݣَّا-ٱيِي نش سِيذِيثْنغ ذ اَرَّسُوْل.

أيث-ؤفسوس 1:12

حمَا نشِّين إِي يُوْمْنن ذ يمزْوُوْرَا ذِي لْمَسِيح أَ نحْمذ أَربِّـي خ لْعَظَمَا نّس.

أيث-ؤفسوس 1:6

أَذ يتْوَابَرَك اَرْضَا نّس يمْغَارن، ئِفَرغ-يث-يذ خَانغ أَربِّـي س مِّيس يعِيزّن.

يعيبرانيين 5:9

وَامِي يعْذُو اَعدّب نِّي بْڒَا ڒْمُعْصِيّث، ئِذْوڒ نتَّا ذ ڒْعُنْصَر ن وسنْجم يعْنِي يزمَّر اَذ يسنْجم مَارَّا يِنِّي إِي ث يتْطَاعَان.