أيث-روما 1:32 - ثريفيث 2020

³² وَاخَّا سّْنن أَربِّـي يحكّم خَاسن س ڒْموْث خ يِنِّي يتݣّن ثِمسْڒَايِين-أَ، نِثْنِي كَّرن تݣّن-ثنْت. كْتَار زِي مَانَايَا، رطَّان خ يِنِّي إِي ثنْت يتݣّن.

أيث-روما 1:32 ပူးပေါင်းရင်းမြစ်များ

لوقا 11:48

تَافَاقم اَك ڒجْذُوْذ نْوم، كنِّيو ذ ڒشْهُوْذ خ مِين خذْمن مِينْزِي ذ نِثْنِي إِݣ ينْغِين لْأَنْبِيَا أُو كنِّيو ثْبنَّام يمْرَابذن نْسن.

ڒخذايم 22:20

حْضَارغ نش وَامِي سِيزّْڒن يذَامّن ن سْتِيفَان ونِّي خَاك يشهّْذن. وَافْقغ خ ڒْموْث نّس، حْضِيغ-اَسن ؤُڒَا ذ اَرُّوْض ن يِنِّي إِي ث ينْغِين.

ڒخذايم 8:1

وَامِي نْغِين سْتِيفَان، ئِجّن قَّارن-اَس شَاوُل اَقَاث ذِنِّي يحْضَار يتَافق اَكِذْسن. نْهَار نِّي بْذَان تْعدَّابن جْمَاعث ن ڒْمُوْمِنِين ذِي ثنْدِينْت ن لْقُدْس. مسْفْرَاقن مَارَّا ڒْمُوْمِنِين رُوْحن غَار جْوَايه ن يَهُوْذِيَا ذ سَامَرْيَا كُڒ يجّن مَانِي يرُوْح، وَار يقِّيم حَدّ ذِي لْقُدْس إِلَّا اَرُّسُل.

أيث-روما 1:18

فَا يمظْهَار-د وغْضَاب ن أَربِّـي زݣ وجنَّا خ مَارَّا شَّرّْ ذ ڒْبَاطڒ إِي تݣّن يِوْذَان يعْنِي يِنِّي يتْبطَّاڒن لْحَقِيقَا س شَّرّْ نْسن.

أيث-روما 1:21

وَاخَّا نِثْنِي تُوْغَا سّْنن أَربِّـي، وَلَكِن وَار ث حمِّيذن شَا وَار ث ثْشكَّرن شَا مَامّش يتْخصَّا اَذ ݣّن اَك أَربِّـي. لْأَفْكَار نْسن ذوْڒنْت خْوَانْت، ؤُڒَاون نْسن ذ يبُوْهَاڒِيْين ذوْڒن ذ ثَادْجسْت.

أيث-روما 6:21

ذِي ڒْوقْث نِّي، ثِمسْڒَايِين نِّي مَا ذَايْسنْت شَان نّْفَع مِينْزِي ڒخُّو تْسذْحَام؟ وَالُو، لِأَنَّا ثِمسْڒَايِين نِّي تَاوِينْت غَار ڒْموْث.

أيث-روما 6:23

أَقَا اَخدْجس ن ڒْمُعْصِيّث نتَّا ذ ڒْموْث، وَلَكِن لْهَادِيَا ن أَربِّـي نتَّاث ذ ثُوْذَارْث ن ڒبْدَا ذِي سِيذِيثْنغ عِيْسَى لْمَسِيح.

2 أيث-سلونيك 2:12

حمَا اَذ تْوَاحَاسْبن مَارَّا يِنِّي وَار يُوْمِينن شَا س لْحَقِيقَا اَرْضَان س شَّرّْ.