أيث-روما 1:30 - ثريفيث 2020

³⁰ قَّارن ڒْبَاطڒ، تْعِيفَّان أَربِّـي، تُوْكَّارن يوْذَان، سمْغَارن يخف نْسن، ذَايْسن تَّكبُّر. تݣّن نِّيث شَّرّْ ذ جْذِيذ، عصَّان لْوَلِدِين.

أيث-روما 1:30 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 15:4

مِينْزِي أَربِّـي ينَّا: وقَّر بَابَاش ذ يمَّاش. أَقَا ونِّي غَا يُوْكَّرن بَابَاس نِغ ذ يمَّاس، أَتَاف يتْخصَّا-يَاس اَذ يمّث.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:21

سّنِّي يبْذَا عِيْسَى يسْفهَّام إِ يمحْضَارن نّس بلِّي لَابُد اَذ يرَاح نتَّا غَار ثنْدِينْت ن لْقُدْس اَذ يتْوَاعدّب خ وَاطَّاس ن ثْمسْڒَايِين خ وفُوْس ن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَث نْغن، وِيس ثڒْتِيَّام اَذ د يتْوَاسكَّر زِي ڒْمُوْث."

لوقا 21:16

أَكنِّيو زّنْزن لْوَالِدِين نْوم ذ أَيْثْمَاثْوم ذ ڒحْبَاب نْوم ذ يمدُّوْكَاڒ نْوم، أَذ نْغن ڒبْعَاض زَّايْوم.

يوحنا 7:7

دُّنشْت وَار ثْزمَّر شَا اَكنِّيو ثْعِيفّ، نش تْعِيفَّا-ٱيِي دُّنشْت مِينْزِي شهّْذغ قَا ڒخْذَايم ن دُّنشْت-أَ ذ ثِعفَّانِين.

ڒخذايم 5:36

قْبڒ إِ وُوْسَّان-أَ، ئِكَّر-د يجّن ن ورْيَاز قَّارن-اَس أَثُوْدَّاس. يَارَّا يخف نّس ذ اَمقّْرَان، ذْفَارن-ث شَان اَرْبعَا مِيَّا ن يرْيَازن. وَلَكِن نْغِين-ث، مَارَّا يِنِّي إي ث يذْفَارن مْسفْرَاقن ذوْڒن ذ وَالُو.

أيث-روما 2:17

إِيوَا شك، مڒَا ثْحسّْبذ يخف نّش ذ اَئِسْرَائِيلِي، تْرَاجِيذ زِي شَّرِيعَا، تفْتَخَارذ س لْعَلَاقَا نّش اَك أَربِّـي.

أيث-روما 2:23

شك يتفْتَخَارن زِي شَّرِيعَا، مَا وَار تْوقَّرذ شَا أَربِّـي خْمِي ثْعصِّيذ مِين ذَايس ذِي شَّرِيعَا ن مُوْسَى؟

أيث-روما 3:27

إِيوَا مَا أَ نفْتَخر س شَان ڒْحَاجث؟ لَّا، ممْنُوْع! مَا ممْنُوْع س شَّرِيعَا، يعْنِي س لْحَسَانَاث؟ لَّا، س لإِيمَان!

22 أيث-كورينث 10:15

وَار نْتفْتَخَر شَا س ڒْخذْمث إِي ݣِّين مِيدّن يعْنِى بَاش أَ نَاوِي شَّان نّس؛ لَّا، نشِّين نتْمنَّا اَذ تَرْنِيم ذِي لْإِيمَان نْوم بَاش عَاوذ لْحُدُوْد نّغ اَكِذْوم يتْمَارْنِي.

22 أيث-كورينث 12:20

شُوْف، ݣّْوْذغ خْمِي د غَا اَوْضغ وَار كنِّيو تِيفغ شَا مَامّش تْمنِّيغ اَكنِّيو اَفغ. أُو عَاوذ وَار ذَايِي تِيفم شَا مَامّش تْمنِّيم اَذَايِي ثَافم. ݣّْوْذغ اَذ اَفغ جَارَاوم اَمنْغِي ذ ڒحْسذ ذ وعَصّب، كُڒ يجّن يرزُّو إِ يِيخف نّس وَاهَا، ذ ڒْبَاطڒ ذ نَّمِيمَا، ذَايْوم تَّكبُّور ذ ڒْفَاوْضَا.

2 أيث-سلونيك 2:4

نتَّا يتْعَارَّاض إِ أَربِّـي يسمْغَار يخف نّس خ مَارَّا مِينْخف يدْجَا يسم ن أَربِّـي ذ مِين عبّْذن يِوْذَان حتَّا اَذ يقِّيم ذِي ثمْزِيذَا ثَمقّْرَانْت ن أَربِّـي اَذ يعيّض اَذ يِينِي قَا نش ذ أَربِّـي.

2 تيموتاوس 3:2

قَا يوْذَان اَذ تخْسن يخف نْسن، أَذ تخْسن تْمنْيَاث، أَذَايْسن يِيڒِي تَّكبُّر، أَذ سمْغَارن يخف نْسن، أَذ سِّيوْڒن اَوَاڒ وَار يحْڒِين خ أَربِّـي. وَار تْطِيعِين شَا إِ لْوَالِدِين نْسن، وَار تْشكَّرن حَدّ، وَار تِيڒِين شَا صْفَان،

ثبرات غار تيتوس 3:3

شُوْف، نشِّين عَاوذ تُوْغَا ذَايْنغ يجّن ن ڒقْفَاڒث، وَار نتْطِيعِي شَا، نتْوَاشمّث، حكّْمنْت خَانغ اَطَّاس ن لْأَنْوَاع ن شّهَاوَاث ذ زّْهُو. تُوْغَا نتْعِيش ذݣ يِجّن ن ڒقْبَاحث ذ ڒحْسذ، عِيفّن-اَنغ يِوْذَان، نتْعِيفَّا اَيَاوْيَا.

ثبرات غار يعقوب 3:5

ؤُڒَا ذ يڒس نّغ نتَّا ذ يجّن ن ثْمسْڒَايْث ذ ثَمزْيَانْت ذِي دَّات نّغ، وَلَكِن يتفْتَاخَر س ثْمسْڒَايِين ثِمقّْرَانِين. شُوْف، ئِجّن ن ڒْغَابث ذ ثَمقّْرَانْت ثسْحَرّق-يت يجّن ن ثْڒُوْقِيت ذ ثَمزْيَانْت!

ثبرات غار يعقوب 4:16

وَلَكِن ڒخُّو كنِّيو تفْتَخَارم، تْسمْغَارم يخْف نْوم. مَارَّا تَّكبُّر-أَ ٱم وَانِيتَا نتَّا ذ شَّرّْ.

2 بطرس 2:18

سمْغَارن يخف نْسن س وَاوَاڒن يخْوَان. س ڒقْبَاحث نِّي ن شّهْوث ن بْنَاذم تْحدْجَاقن-د يِنِّي يَالَّاه عَاذ يَروّْڒن زݣ يِوْذَان إِي تْعِيشن ذِي لْغَالَط.

ثبرات زي يهوذا 1:16

شُوْف، يثَرَّاسن-أَ تْشثْشَان وَاهَا، تنْتَاقَاذن خ مِدّن، نِثْنِي ذفَّارن شّهَاوَاث نْسن ثِعفَّانِين؛ سمْغَارن يخف نْسن س ؤُقمُّوْم نْسن، تسْڒهَّان يوْذَان بَاش اَذ نفّْعن يخف نْسن.