أيث-روما 1:3 - ثريفيث 2020

^3-4 أُو مَانَايَا خ مِّيس سِيذِيثْنغ عِيْسَى لْمَسِيح. عْلَاحْسَاب دَّات نّس ذ بْنَاذم نتَّا زِي دُّوْرِّيث ن سِيذْنَا دَاود. وَلَكِن عْلَاحْسَاب أَرُّوح نّس يصْفَان يمظْهَار-د ذ مِّيس ن أَربِّـي س يِجّن ن جّْهذ يمْغَر وَامِي إِي د يكَّر زِي ڒْموْث.

أيث-روما 1:3 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 1:1

وَا ذ لْكِتَاب ن ڒجْذُوْذ ن عِيْسَى لْمَسِيح، ونِّي يدْجَان زِي دُّوْرِّيث ن دَاود ذ بْرَاهِيم.

أَسڒْمذ ن سِيذِيثْنغ عِيْسَى لْكِتَاب ن مَتَّى 1:16

يَعْقُوْب يجَّا-د يُوْسف اَرْيَاز ن مَرْيَم نتَّاث إِي د يجِّين عِيْسَى إِݣ يتْوَاسمَّان س لْمَسِيح.

أَسڒْمذ ن سِيذِيثْنغ عِيْسَى لْكِتَاب ن مَتَّى 1:6

يَسَّى يجَّا-د دَاود اَزدْجِيذ. دَاود اَزدْجِيذ يجَّا-د سُلِيْمَان زِي ثنِّي تُوْغَا يدْجَان ذ ثَمْغَارْث ن أُوْرْيَاح.

أَسڒْمذ ن سِيذِيثْنغ عِيْسَى لْكِتَاب ن مَتَّى 12:23

قِّيمن ڒْغَاشِي نِّي تْعجّْبن مَارَّا نَّان: "مَاشِي ذ وَانِيتَا إِݣ يدْجَان ذ مِّيس ن دَاود نِغ؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 15:22

ثُوْسَا-د غَارس يجّن ن ثمْغَارْث زِي أَيث-كَنْعَان ثْزدّغ ذِنِّي. تْرَاغَا ثقَّار-ٱس إِ عِيْسَى: "رْحم-اَيِي آ سِيذِي، آ مِّيس ن أَيث-دَاود! قَا يدْجِي ذَايس يجّن ن جّنّ ذ اَعفَّان يتْعدَّاب-يت اَطَّاس."

أَسڒْمذ ن سِيذِيثْنغ عِيْسَى لْكِتَاب ن مَتَّى 26:63

ئِقِّيم عِيْسَى يسْقَر وَار ذَاس يِينِّي وَالُو. أُوْشَا ينَّا-ٱس اَرَّايس نِّي: "تتَّارغ زَّايش اَذَانغ ثجَّادْجذ س أَربِّـي يدَّرن حمَا اَذَانغ ثِينِيذ: مَا شك ذ لْمَسِيح، ذ مِّيس ن أَربِّـي؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 27:43

ئِتْوكّڒ خ أَربِّـي؛ مڒَا يرْضَا خَاس أَربِّـي اَث يسنْجم ڒخُّو! ڒَاحقَّاش ينَّا: نش ذ مِّيس ن أَربِّـي."

أَسڒْمذ ن سِيذِيثْنغ عِيْسَى لْكِتَاب ن مَتَّى 3:17

سّنِّي يڒَاغَا-د يجّن ن صُّوْت زݣ وجنَّا ينَّا-د: "وَا ذ ممِّي يعِيزّن، نش فَرّْحغ زَّايس."

أَسڒْمذ ن سِيذِيثْنغ عِيْسَى لْكِتَاب ن مَتَّى 9:27

يُوْيُوْر سّنِّي عِيْسَى، ذْفَارن-ث ثْنَاين ن يضَرْغَاڒن تْڒَاغَان قَّارن: "آ مِّيس ن أَيث-دَاود، رْحم-اَنغ!"

لوقا 1:35

ئِنْدق-د لْمَلَاك نِّي ينَّا-ٱس: "أَخَام د يهْوَا اَرُّوْح يقدّْسن ذ جّْهذ ن ونِّي يُوْعْڒَان اَخَام يَارّْ ثِيڒِي. س مَانَاينِّي اَحنْجِير يقدّْسن إِي غَا د ثجّذ اَتَاف تْڒَغَان-اَس آ مِّيس ن أَربِّـي.

لوقا 1:69

ئِسْمظْهَار-اَنغ-د ونِّي ذݣ يدْجَا جّْهذ إِي ذَانغ غَا يسْنجْمن، يُوْسَا-د زِي دُّوْرِّيث ن دَاود ڒْعَبْذ ن أَربِّـي.

يوحنا 1:14

أَوَاڒ-أَ يذْوڒ ذ بْنَاذم، ئِزْذغ جَارَانغ. نشِّين نࢲْرَا لْعَظَمَا غَارس يدْجَان، لْعَظَمَا-يَا ثدْجَا غَار مِّيس وَاحْذس ن بَابَاس. نتَّا يشُّوْر س اَرْضَا ذ لْحَقِيقَا.

يوحنا 1:34

نش ࢲْرِيغ مَانَايَا س يِيخف ينُو، شهّْذغ خَاس بلِّي نتَّا ذ مِّيس ن أَربِّـي."

يوحنا 1:49

ينَّا-ٱس نَاثْنَاهِيل إِ عِيْسَى: "آ لْمُعَلِّم، قَا شك ذ مِّيس ن أَربِّـي، شك ذ اَزدْجِيذ ن أَيث-إِسْرَائِيل."

يوحنا 10:30

نش ذ بَابَا ذ يجّن."

يوحنا 10:36

مَا ثقَّارم إِ ونِّي يخْضَر بَابَا يسّكّ-يث-يذ غَار دُّنشْت شك ثنِّيذ لْبُهْتَان خ أَربِّـي مِينْزِي نِّيغ نش ذ مِّيس ن أَربِّـي؟

يوحنا 20:28

ينْدق-د تُوْمَا ينَّا-ٱس: "آ سِيذِي ينُو، آي أَربِّـي ينُو!"

يوحنا 20:31

ثِمسْڒَايِين-أَ ؤُرِينْت حمَا اَذ تَامْنم بلِّي عِيْسَى نتَّا ذ لْمَسِيح مِّيس ن أَربِّـي بَاش مڒَا ثُوْمْنم اَغَارْوم ثِيڒِي ثُوْذَارْث ذݣ يِيسم نّس.

يوحنا 5:25

أَقَا تسْڒَام ڒْحَقّ: أَذ د تَاس ڒْوقْث اَقَا ڒخُّو ثُوْسَا-د، أَذ سْڒن يمتِّينن إِ صُّوْت ن مِّيس ن أَربِّـي أُو يِنِّي ذَاس غَا يسْڒن اَذ دَّرن.

يوحنا 7:42

ينَّا لْكِتَاب اَقَا لْمَسِيح اَذ د يَاس زِي دُّوْرِّيث ن دَاود، يعْنِي زِي بَيْت لَحْم زِي دْشَار مَانِيس د يُوْسَا دَاود."

ڒخذايم 2:30

أَزدْجِيذ دَاود تُوْغَا ذ نَّبي يعْنِي يسّن بلِّي يوْعذ-يث أَربِّـي ينَّا-ٱس اَقَا اَذ سْغِيمغ يجّن زِي دُّوْرِّيث نّش خ لْعَرْش نّش.

ڒخذايم 3:13

لَّا، ذ أَربِّـي ن ڒجْذُوْذ نّغ يعْنِي أَربِّـي ن بْرَاهِيم ذ أَربِّـي ن إِسْحَاق ذ أَربِّـي ن يعْقُوْب. لِأَنَّا ذ نتَّا إِي د يسْبيّْنن لْعَظَمَا نّس ذݣ وخدَّام نّس عِيْسَى. وَلَكِن ذ كنِّيو إي ث يسلّْمن إ لْحُكَّام ثنْكَرم-ث زَّاث إِ بِيلَاطُوْس وَامِي تُوْغَا يرزُّو اَذَاس يضْڒق.

ڒخذايم 8:36

ݣُّوْرن ذݣ وبْرِيذ ؤُوْضن غَار شَان وَامَان. ينَّا-ٱس وحَبَاشِي نِّي: "أَقَاش اَمَان مُوْجُوْد، مِين ذَايِي يُوْغن نش وَار تْوَاطهَّارغ شَا س وَامَان-أَ؟"

ڒخذايم 9:20

ڒخْدّنِّي يبْذَا يتْحدَّاث ذِي ثمْزِيذَاوِين ن أَيث-إِسْرَائِيل يقَّار-اَسن قَا عِيْسَى ذ مِّيس ن أَربِّـي.

أيث-روما 1:9

لِأَنَّا أَربِّـي إِي عبّْذغ س مَارَّا ؤُڒ ينُو تْبشَّارغ س لْإِنْجِيل ن مِّيس، نتَّا قَا يسّن تْفكَّرغ ذَايْوم ڒبْدَا ذِي ثْࢲَادْجِيث ينُو. تتَّارغ مڒَا يخس أَربِّـي اَڒ ونݣَّارُو اَذ اَفغ اَبْرِيذ اَغَارْوم د اَسغ.

أيث-روما 4:1

إِيوَا مِين غَا نِينِي خ جدِّيثْنغ بْرَاهِيم؟ مِين ذَاس يوقْعن إِ نتَّا؟

أيث-روما 9:5

ؤُسِين-د زِي سَّلَف صَّالِحِين، أُو زݣ وࢲْور نْسن إِي د يُوْسَا لْمَسِيح ذ دَّات ذ بْنَاذم. أَربِّـي يتْوَاحْمذ إِ ڒبْدَا، ونِّي يحكّْمن خ مَارَّا. آمِين.

1 أيث-كورينث 1:9

أَربِّـي ذَايس تِّقث، زَّايس إِي ذَانغ د يُوْسَا ؤُڒَاغِي أَ نْعَاشَر ممِّيس يعْنِي سِيذِيثْنغ عِيْسَى لْمسِيح.

1 أيث-كورينث 10:18

فكَّرث ذِي أَيث-إِسْرَائِيل، يَاك يِنِّي يتتّن دْبِيحَاث نِثْنِي شَرّشن ذِي ڒْمذْبَاح نِّي، نِغ لَّا؟

أيث-ݣلاطيا 4:4

وَلَكِن وَامِي د ثُوْوض ڒْوقْث إِݣ يزمّم أَربِّـي، ئِكَّر نتَّا يسّكّ-د مِّيس يتْوَاخْڒق-د زݣ يِجّن ن ثمْغَارْث، يتْوَاخْڒق-د ثْحكّْم خَاس شَّرِيعَا ن مُوْسَى.

1 أيث-سلونيك 1:10

حمَا اَذ تْرَاجَام مِّيس إِي د غَا يَاسن زݣ وجنَّا ونِّي إِي د يسكَّر أَربِّـي زݣ يمتِّينن يعْنِي عِيْسَى إِي ذَانغ يسنْجَامن زݣ وغْضَاب نِّي إِي د غَا يَاسن.

1 تيموتاوس 2:5

لِأَنَّا ذِنِّي يجّن ن أَربِّـي وَاحْذس ذ يِجّن لْوَاسِيط وَاحْذس جَار أَربِّـي ذ يِوْذَان يعْنِي اَرْيَاز-أَ ذ عِيْسَى لْمَسِيح.

1 تيموتاوس 3:16

أُو بْڒَا شّكّ مشْحَاڒ ثدْجَا ذ ثَمقّْرَانْت ڒْمَعْنَا ينُوْفَّرن ن لْإِيمَان: نتَّا، ذ بْنَاذم إِي د يمظْهَارن، ذ أَرُّوْح إِي خَاس يشهْذن. نتَّا، ذ لْمَلَائِكَاث إِي ذَايس يخْزَرن، ذ ڒݣْنُوْس إِي زَّايس يتْوَابشَّرن. نتَّا، ذِي دُّنشْت-أَ يِنِّي إِي زَّايس يُوْمْنن، ذ لْعَظَمَا ن وجنَّا إِي ث يقبْڒن.

2 تيموتاوس 2:8

فكَّر ذِي عِيْسَى لْمَسِيح ونِّي إِي د يسكَّر أَربِّـي زِي ڒْموْث، نتَّا لْأَصل نّس زِي دَاود. ذ مَانَايَا إِݣ يدْجَان ذِي لْإِنْجِيل إِي تْبشَّارغ نش.

1 يوحنا 1:3

مِين نࢲْرَا ذ مِين نتْسْڒَا نتْبشَّار-يكنِّيو زَّايس حمَا ؤُڒَا ذ كنِّيو اَذ تمْعَاشَرم اَكِذْنغ. مَارَّا نشِّين ثَمْعَاشَرْث نّغ اَقَات اَك بَابَاثْنغ ذ مِّيس عِيْسَى لْمَسِيح.

1 يوحنا 3:23

أَقَا ثَانِيتَا ذ ڒُوْصِيّث نّس أَ نَامن زݣ يِيْسم ن مِّيس عِيْسَى لْمَسِيح، أَ نْتخْس اَيَاوْيَا اَم مَامّش إِي ذَانغ د يوصَّا نتَّا.

1 يوحنا 3:8

ونِّي إِݣ يقِّيمن يسْخدَّام ڒْمُعْصِيَاث نتَّا زݣ إِبْڒِيس ڒَاحقَّاش إِبْڒِيس يقِّيم يعصَّا زݣ ومزْوَارُو. مَايمِّي د يمظْهَار مِّيس ن أَربِّـي؟ ئِمظْهَار-د بَاش اَذ يرز ڒفْعَايڒ ن إِبْڒِيس.

1 يوحنا 4:15

ونِّي غَا يشهْذن عِيْسَى ذ مِّيس ن أَربِّـي، أَتَاف أَربِّـي يقِّيم ذَايس اَتَاف نتَّا يقِّيم ذِي أَربِّـي.

1 يوحنا 5:1

مَارَّا ونِّي غَا يَامْنن عِيْسَى نتَّا ذ لْمَسِيح اَتَاف يخْڒق-د زِي أَربِّـي. أُو مَارَّا ونِّي يتخْسن بَابَاثْنغ اَتَاف نتَّا عَاوذ يتخْس ثَارْوَا نّس إِي زَّايس د يخڒْقن.

1 يوحنا 5:20

نسّن عَاوذ اَقَا مِّيس ن أَربِّـي يُوْسَا-د يُوْشَا-ٱنغ ڒفْهَامث بَاش أَ نسّن ونِّي يدْجَان ذ صَّح. نشِّين اَقَانغ ذݣ ونِّي يدْجَان ذ صَّح س مِّيس عِيْسَى لْمَسِيح. وَانِيتَا إِݣ يدْجَان ذ أَربِّـي ن صَّح ذ ثُوْذَارْث ن ڒبْدَا ن ڒبْدَاث.

1 يوحنا 5:5

مِين يعْنَا ونِّي يغلّْبن خ دُّنشْت-أَ؟ ونِّي يغلّْبن ذ ونِّي يُوْمْنن إِلَّا عِيْسَى ذ مِّيس ن أَربِّـي.

2 يوحنا 1:7

أَقَا اَطَّاس ن يثَرَّاسن نِثْنِي ذ يغدَّارن فّْغن-د غَار دُّنشْت-أَ، نكَّرن بلِّي عِيْسَى لْمَسِيح يمظْهَار-د س دَّات ن بْنَاذم. أَثَرَّاس-أَ إِي يدْجَان اَمُّو نتَّا ذ اَغدَّار وَاهَا ذ دّجَّال إِي يدْجَا.

لواحي ن يوحنا 2:18

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن ثِيَاتْرَا، إِنِي-يَاس قَا ونِّي يدْجَان ذ مِّيس ن أَربِّـي، ثِيطَّاوِين نّس ݣِّينْت اَم ؤُحَذُوْق ن ثْمسِّي، ئِضَارن نّس ݣِّين اَم نّحَّاس يصْفَان، ئِقَّار-اَش: