أيث-روما 1:23 - ثريفيث 2020

²³ بدّْڒن لْعَظَمَا ن أَربِّـي يدَّرن إِ ڒبْدَا س لْأَصْنَام يتْشَابَّاهن ذݣ يِوْذَان إِي غَا يفْنَان، ذ لْأَصْنَام يتْشَابَّاهن ذݣ يِجْضَاض ذ لْحَيَوَانَاث ذ مِين يتنْحُوْرُوْذن.

أيث-روما 1:23 ပူးပေါင်းရင်းမြစ်များ

ڒخذايم 10:12

ذَايس مَارَّا لْحَيَوَانَاث يݣُّوْرن خ اَرْبعَا ن يضَارن ذ مِين يتنْحُوْرُوْذن خ وعدِّيس ذ يجْضَاض ن وجنَّا.

ڒخذايم 17:29

شُوْف، نشِّين مڒَا ذ ثَارْوَا ن أَربِّـي، ئِتْخصَّا-يَانغ وَار نتْفكِّير شَا بلِّي ونِّي يُوْعْڒَان قَا نتَّا اَم دّْهب نِغ اَم نُّقَارْث نِغ اَم وزْرُو. أَربِّـي وَار يدْجِي شَا ذ لْأَصْنَام إِݣ يتْصنَّاع بْنَاذم س لْفِكْرَا نّس ذ ثْزمَّار نّس.

أيث-روما 1:25

كَّرن بدّْڒن لْحَقِيقَا ن أَربِّـي س يخَرِّيقن. عبّْذن خدّْمن إِ مِين يتْوَاخڒْقن مَاشِي إِ أَربِّـي لْخَالِق، ونِّي إِي ذِي ثدْجَا لْبَرَكَا إِ ڒبْدَا ن ڒبْدَاث. آمِين.

1 أيث-كورينث 12:2

قَا ثسّْنم بلِّي وَامِي تُوْغَا كنِّيو ذ لْكُفَّار تْوَاسُوْفْغم زݣ وبْرِيذ غَار لْأَصْنَام يزيْنُوْنن.

1 بطرس 4:3

إِيوَا صَافِي، ثجِّيْوْنم زِي مِين تُوْغَا تْعِيشم عْلَاحْسَاب مِين رزُّوْن اَذ ݣّن لْكُفَّار يعْنِي ڒقْبَاحث ذ شّهَاوَاث ثِعفَّانِين ذ وَاطَّاس ن شّْرب ذ لْفَسَاد ذ زّْهُو ذ لْعِبَادَا ن لْأَصْنَام يعِيفّن.

لواحي ن يوحنا 9:20

وَلَكِن يِوْذَان إِݣ ينجْمن زِي لْمُصِيبَاث-أَ وَار تُوْبن شَا س مِين ݣِّين س يفَّاسن نْسن. قِّيمن عَاذ عبّْذن شَّيَاطِن ذ لْأَصْنَام ن دّْهب ذ نُّقَارْث ذ نّحَّاس ذ وزْرُو ذ وكشُّوْض إِي وَار يتْوِيڒِين شَا إِي وَار يتْسْڒِين شَا إِي وَار يݣُّوْرن شَا.