أيث-روما 1:16 - ثريفيث 2020

¹⁶ أَقَا نش وَار تْسذْحِيغ شَا زِي لْإِنْجِيل لِأَنَّا لْإِنْجِيل ذ جّْهذ نِّي إِݣ يسْخدَّام أَربِّـي بَاش اَذ يسنْجم مَارَّا وِي غَا يَامْنن: أَيث-إِسْرَائِيل ذ يمزْوُوْرَا ثُمَّا يِنِّي وَار يدْجِين شَا زِي أَيث-إِسْرَائِيل.

أيث-روما 1:16 ပူးပေါင်းရင်းမြစ်များ

مرقس 8:38

ونِّي خَافِي غَا يعفَّرن نش نِغ اَذ يعفَّر خ وَاوَاڒ ينُو ذِي زْمَان-أَ اَعفَّان يخدّْعن أَربِّـي، أَتَاف اَخَاس يعفَّر مِّيس ن بْنَاذم خْمِي د غَا يَاس س لْعَظَمَا ن بَابَاس اَك لْمَلَائِكَاث يقدّْسن.

لوقا 9:26

ونِّي خَافِي غَا يعفَّرن نش نِغ اَذ يعفَّر خ وَاوَاڒ ينُو، أَتَاف اَخَاس يعفَّر مِّيس ن بْنَاذم خْمِي د غَا يَاس س لْعَظَمَا نّس ذ لْعَظَمَا ن بَابَاس اَك لْمَلَائِكَاث يقدّْسن.

يوحنا 7:35

مْسقْسَان يسْرَائِيلِيْين جَارَاسن نَّان: "مَانِي غَا يرَاح وَانِيتَا وَار ث نْتِيف شَا؟ مَا ٱذ يرَاح غَار يسْرَائِيْلِيْين إِي يتمْزدْجَاعن ذِي ثْمُوْرَا ن ييُوْنَانِيْين بَاش اَذ يسڒْمذ ييُوْنَانِيْين؟

ڒخذايم 3:26

وَامِي ذَاوم د يُوْشَا أَربِّـي اَخدَّام نّس عِيسَى، ذ اَمزْوَارُو يسّكّ-اَوم-ث-يذ إِ كنِّيو بَاش اَكنِّيو يبَرك، يعْنِي اَذ يسْبعّذ مْكُڒ يجّن زَّايْوم خ شَّرّْ نّس."

أيث-روما 10:17

فَلِهَذَا، لإِيمَان يتَاس-د زِي مِين نتْسْڒَا، أُو مِين نْتسْڒَا نتَّا ذ اَوَاڒ ن لْمَسِيح.

أيث-روما 15:19

يعْنِي س جّْهذ ن لْمُعْجِزَاث ذ لْبُرْهَانَاث إِي د يُوْسِين س جّْهذ ن اَرُّوْح ن أَربِّـي. أَمُّو إِي بشَّرغ س لْإِنْجِيل ن لْمَسِيح ذِي مْكُڒ اَمْشَان يعْنِي زِي ثنْدِينْت ن لْقُدْس اَڒ جْوَايه ن إِلِيرْيَا.

أيث-روما 15:29

أُو نش سّْنغ خْمِي غَارْوم د غَا اَسغ، أَذ د اَسغ س يِجّن ن ڒْمُوْدّ يشُّوْر س لْبَرَكَا ن لْمَسِيح.

أيث-روما 2:9

أَذ يِيڒِي ؤُزِيَّار ذ تَمَارَا خ كُڒ بْنَاذم يتݣَّن سَّيِّئَاث، خ يِنِّي زِي أَيث-إِسْرَائِيل ذ يمزْوُوْرَا عَاذ ذ يِنِّي وَار يدْجِين شَا زِي أَيث-إِسْرَائِيل.

أيث-روما 4:11

ثُمَّا طَّهَارث-أَ ثُوْسَا-ٱس-د ذ يجّن ن لْعَلَامَا ذ يجّن ن دَّلِيل بلِّي أَربِّـي يسمْصْڒَاح-يث اَكِذس س لإِيمَان نِّي إِي تُوْغَا ذَايس قْبڒ مَا ٱذ يطهَّار. مَايمِّي مَانَايَا؟ بَاش اَذ يِيڒِي بْرَاهِيم ذ جدِّيثْسن ن يِنِّي مَارَّا يتَامْنن وَاخَّا وَار ݣِّين شَا طَّهَارث، بَاش ؤُڒَا ذ يِنِّي اَثن يسمْصْڒَاح أَربِّـي اَكِذس.

1 أيث-كورينث 15:2

أَقَا ثْنجّْمم زَّايس وَامِي ذَايس تطّْفم مْلِيح ذݣ وَاوَاڒ ن تّبْشِير نِّي ونِّي إِي زِي كنِّيو بشَّرغ. مڒَا لَّا، زَعْمَا لْإِيمَان نْوم ثسْبطّْڒم-ث.

1 أيث-كورينث 2:2

وَامِي تُوْغَا دْجِيغ اَكِذْوم، ݣِّيغ اَذ سْشنْعغ غِير عِيْسَى لْمَسِيح أُو ذ نتَّا يتْوَاصلّْبن ذِي صَّلِيب.

1 أيث-كورينث 2:4

مِين قَّارغ ذ مِين تْحدَّاثغ وَار يدْجِي شَا س وَاوَاڒن ن ڒفْهَامث بَاش اَكنِّيو سْقنْعن ذغْيَا؛ لَّا، سْخدَّامغ جّْهذ ن اَرُّوْح ن أَربِّـي

1 أيث-كورينث 9:12

مڒَا يوْذَان نّغْنِي غَارْسن ڒْحَقّ نِّي ن شَّارْض اَذَاسن ثُوْشم، يَاك نشِّين غَارْنغ ڒْحَقّ-أَ كْتَار نِغ لَّا؟ وَلَكِن نشِّين نُوْݣِي أَ نْكسِّي ڒْحَقّ-أَ وَانِيتَا. نْصبَّر اَطَّاس إِ ثْمسْڒَايِين بَاش وَار نتْبلَّاع شَا ثَوَّارْث إِ لِإِنْجِيل.

1 أيث-كورينث 9:18

إِذن، مِين يعْنَا شَّارْض ينُو؟ شَّارْض ينُو ذ وَا: خْمِي تْبشَّارغ س لْإِنْجِيل تْقدَّامغ-ث بَاطڒ يعْنِي مَاشِي عْلَاحْسَاب ڒْحَقّ ن شَّارْض-أَ إِي غَارِي ذِي لْإِنْجِيل.

22 أيث-كورينث 2:12

فَا وَامِي د ؤُوْضغ غَار ثنْدِينْت ن تْرَاوْس بَاش اَذ بشَّرغ س لْإِنْجِيل ن لْمَسِيح، ؤُفِيغ ثْنُوْرْزم-اَيِي-د يجّن ن ثوَّارْث ن سِيذِيثْنغ.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

22 أيث-كورينث 9:13

صَّذَاقَا-يَا ثُوْشَا دَّلِيل خَاوم، زَّايس إِي غَا حمْذن صَّالِحِين أَربِّـي. ثُوْمْنم س لْإِنْجِيل ن لْمَسِيح، ثْطَاعم-اَس خْمِي تْصدَّاقم اَطَّاس خَاسن أُو خ مَارَّا يوْذَان.

أيث-ݣلاطيا 1:7

وَلَكِن وَار ذِنِّي بُو شَان ن لإِنْجِيل نّغْنِي. غِير ذِنِّي شَان يِوْذَان إِي كنِّيو يسْخرْوَاضن رزُّوْن اَذ سْعوّْجن لإِنْجِيل ن لْمَسِيح.

1 أيث-سلونيك 2:13

نشِّين نتْشكَّر أَربِّـي خَاوم بْڒَا مَا ٱ نْبدّ وَامِي ثْقبْڒم اَوَاڒ نّس إِي ذَاوم د نْسِيْوض. ثْقبْڒم-ث مَاشِي اَم وَاوَاڒ ن يِوْذَان، ثْقبْڒم-ث اَم وَاوَاڒ ن أَربِّـي نِيشَان. ئِخدّم وَاوَاڒ-أَ عَاوذ ذَايْوم كنِّيو إِي يُوْمْنن.

1 تيموتاوس 1:11

تَّعْلِيم-أَ يدْجَان نِيشَان اَث نَاف ذِي لْإِنْجِيل ن أَربِّـي لْعَظِيم إِݣ يتْوَابَرْكن. لْإِنْجِيل-أَ يكلّف-اَيِي-د خَاس نش اَم يِجّن ن لْأَمَنَا.

2 تيموتاوس 1:12

خ سَّبَاب-أَ نش قَا تْعدَّابغ خ مَارَّا ثِمسْڒَايِين-أَ ثِيْنَا وَلَكِن وَار تْسذْحِيغ شَا، نش سّْنغ ونِّي إِي زِي ؤُمْنغ. تيّْقغ نتَّا يزمَّر اَذ يحْضَا لْأَمَانَا نِّي إِي كِذس جِّيغ حتَّا ٱڒ نْهَار نِّي اَنݣَّارُو.

2 تيموتاوس 1:16

أَذ يبَرك سِيذِي أَربِّـي ڒحْبَاب ن ؤُمَاثْنغ وَانِيْسْفُوْر، أَطَّاس ن ثْوَاڒَاثِين يسرْتَاح-اَيِي وَار يسذْحِي شَا خ سْنَاسڒ ينُو.

2 تيموتاوس 1:8

إِذن وَار تْسذْحَا شَا اَذ تْشهْذذ خ سِيذِيثْنغ نِغ خَافِي نش إِي يدْجَان ذ اَمحْبُوْس عْلَاحْسَاب نتَّا؛ لَّا، قبّڒ اَعدَّاب نِّي يدْجَان عْلَاحْسَاب لْإِنْجِيل، س جّْهذ ن أَربِّـي.

يعيبرانيين 4:12

أَقَا اَوَاڒ ن أَربِّـي يدَّر نتَّا يفْسُوْس، ئِقْضع اَطَّاس كْتَار زِي سِّيف ن ثْنَاين ن جِّهَاث. ئِتَاذف اَڒ ذَاخڒ يفرّق بُوْحْبڒ ذ اَرُّوْح ذ مَانِي تْمُوْنن ڒمْفَاسڒ، ئِتَاذف غَار وَاذُوْف. ئِتْميَّاز جَار لْأَفْكَار ذ لْأَغْرَاض ن وُوْڒ.

1 بطرس 4:16

إِنَّمَا، مڒَا شَان يجّن يتْوَاعدَّاب ڒَاحقَّاش نتَّا ذ اَمَسِيحِي يتْخصَّا-ٱس وَار يتْسذْحِي شَا، أُو لَابُد اَذ يسمْغَار أَربِّـي ڒَاحقَّاش ييْسِي-د يسم نّس.