أيث-روما 1:13 - ثريفيث 2020

¹³ آي اَيْثْمَا، خْسغ اَذ تسّْنم بلِّي اَطَّاس ن ثْوَاڒَاثِين تݣّغ اَغَارْوم د اَسغ، وَلَكِن ڒخُّو عَاذ وَار غَارْوم د ؤُوِيضغ. نش خْسغ ڒْخذْمث ينُو اَذ تنْجح ذَايْوم مَامّش ثنْجح جَار ڒݣْنُوْس نّغْنِي.

أيث-روما 1:13 ပူးပေါင်းရင်းမြစ်များ

يوحنا 12:24

أَقَا تسْڒَام ڒْحَقّ: ثَحبُّوْشْت ن يِرْذَان مڒَا وَار تْوَاࢲُّو شَا ذِي ثْمُوْرْث يعْنِي مڒَا وَار تْوَانْضڒ شَا، اَتَاف اَذ ثقِّيم ذ ثَحبُّوْشْت وَاهَا. مڒَا تْوَانْضڒ اَذ تُوْش اَطَّاس ن ڒْحَبّ.

يوحنا 15:16

مَاشِي ذ كنِّيو إِي ذَايي يخْضَرن؛ لَّا، ذ نش إِي كنِّيو يخْضَرن. كلّْفغ-كنِّيو حمَا اَذ تْرَاحم اَذ تَارْوم يزكُّوْنن، حمَا يزكُّوْنن نْوم اَذ قِّيمن إِ ڒبْدَا. أَمُّو، أَذَاوم يُوْش بَابَا مَارَّا مِين ذَاس غَا ثتَّارم عْلَاحْسَاب يسم ينُو.

يوحنا 4:36

ونِّي يمجَّارن اَذ ييْسِي تخْڒِيسث نّس يجمّع ثَفدْجَاحْث إِ ثُوذَارْث ن ڒبْدَا، حمَا اَذ مُوْنن ذِي ڒفْرَاحث نْسن يِنِّي يزَرّْعن ذ يِنِّي يمجَّارن.

ڒخذايم 1:15

ذݣ وُوْسَّان نِّي يكَّر بُطْرُس يبدّ ذِي ڒْوسْط ن ڒْمُوْمِنِين (ذِنِّي شَان مِيَّا أُو عِشْرِين إِذْسن) ينَّا-ٱسن:

ڒخذايم 14:27

وَامِي ؤُوْضن ذِنِّي، سْمُوْنن جْمَاعث ن ڒْمُوْمِنِين عَاوْذن-اَسن مَارَّا مِين يݣَّا أَربِّـي خ وفُوْس نْسن ذ مَامّش يرْزم-اَسن ثَوَّارْث ن لْإِيمَان إِ يِنِّي وَار يدْجِين شَا زِي أَيث-إِسْرَائِيل.

ڒخذايم 15:12

مَارَّا جْمَاعث نِّي ذِنِّي إِي قِّيمن وَار نِّين وَالُو، تسْڒَان إِ بَرْنَابَا ذ بُوْلُس سَّاوَاڒن خ لْمُعْجِيزَاث ذ لْبُرْهَانَاث يݣَّا أَربِّـي خ وفُوْس نْسن جَار يِنِّي وَار يدْجِين شَا زِي أَيث-إِسْرَائِيل.

ڒخذايم 19:21

منْبَعْد إِ مَانَايَا، يعوّڒ بُوْلُس اَذ يسَفَر غَار لْقُدْس، أَذ يكّ خ لْإِقْلِيم ن مَاسِدُوْنْيَا ذ لْإِقْلِيم ن ؤُخَايَا. ينَّا: خْمِي غَا اَوْضغ ذِنِّي، ئِتْخصَّا-ٱيِي عَاوذ اَذ رَاحغ غَار ثنْدِينْت ن رُوْمَا!

ڒخذايم 21:19

ئِسدْجم خَاسن بُوُلُس، ئِعَاوْذ-اَسن ثَا س ثَا ينَّا-ٱسن مِين يݣَّا أَربِّـي خ وفُوْس نّس جَار يِنِّي وَار يدْجِين شَا زِي أَيث-إِسْرَائِيل.

ڒخذايم 28:14

نُوْفَا ذِنِّي ڒبْعَاض ن اَيثْمَاثْنغ، عَرْضن-اَنغ أَ نقِّيم اَكِذْسن سبْع-يَّام. أَمنِّي إِي نُوْوض غَار ثنْدِينْت ن رُوْمَا.

أيث-روما 1:12

يعْنِي أَ نْشجّع اَيَاوْيَا س لإِيمَان إِي ذَايْنغ يشَرّْشن.

أيث-روما 11:25

آي اَيثْمَا، حمَا وَار ذَاوم يتِيڒِي شَا تَّكبُّر رزُّوْغ اَذ تْفهْمم ثَمسْڒَايْث-أَ ثَانِيتَا ينُوْفَّرن، يعْنِي أَيث-إِسْرَائِيل ذَايْسن يجّن ن ثْغنَّانْت وَار تْغِيمِي شَا إِ ڒبْدَا. أَذ تقِّيم اَڒ غَا يكمّڒ لْعَدَد نِّي ن ڒْمُوْمِنِين إِي غَا ينجْمن زݣ يِنِّي وَار يدْجِين شَا زِي أَيث-إِسْرَائِيل.

أيث-روما 7:1

آي اَيثْمَا، سَّاوَاڒغ اَكِذْوم ثسّْنم شَّرِيعَا. مَا وَار ثسِّينم إِلَّا شَّرِيعَا ثْحكّم خ بْنَاذم إِي يدَّرن وَاهَا؟

1 أيث-كورينث 1:10

فَا تتَّارغ زَّايْوم آي اَيثْمَا س يِيسم ن سِيذِيثْنغ عِيْسَى لْمَسِيح، مْسفْهَامث اَك وَايَاوْيَا حمَا وَار يتِيڒِي بُو لْخِلَاف جَارَاوم. ئِتْخصَّا كنِّيو اَذ تِيڒِيم كِيف-كِيف ذِي ڒَعْقُوْڒَاث نْوم ذ اَرَّاي نْوم.

1 أيث-كورينث 10:1

شُوْف آي اَيثْمَا، وَار خْسغ شَا اَذ تتُّوْم بلِّي ڒجْذُوْذ نّغ تُوْغَاثن قَاعِين سْوَادَّاي إِ وسيْنُو نِّي يحطَّا-ثن. مَارَّا نِثْنِي ࢲْوَان غَار ؤُجمَّاض-ين ن ڒبْحَر اَزݣّْوَاغ.

1 أيث-كورينث 12:1

فَا اَمَّا لْقُدْرَاث رُوْحِيَاث. آي اَيثْمَا، وَار خْسغ شَا اَخَاسنْت تْقفَاڒم يخف نْوم.

1 أيث-كورينث 14:20

لَّا آي اَيثْمَا، وَار تْفكَّرث شَا اَم يحنْجِيرن يمزْيَانن. إِڒِيث اَم يسيْمَان ذِي شَّرّْ؛ إِڒِيث اَم يمقّْرَانن عْلَاحْسَاب ڒَعْقڒ.

1 أيث-كورينث 14:26

إِذن فَا آي اَيثْمَا، خْمِي غَا ثْمُوْنم يجّن اَغَارس يِيڒِي يجّن ن وغنِّيج، ئِجّن اَغَارس يِيڒِي يجّن ن وَاوَاڒ ن وسڒْمذ، ئِجّن اَغَارس يِيڒِي لْوَاحِي، ئِجّن اَغَارس ثِيڒِي لُّغَا رُوْحِيَا، ئِجّن اَغَارس ثِيڒِي تَّرْجَمَا. مَارَّا ثِمسْڒَايِين-أَ اَذ يڒِينْت حمَا اَذ تْجهْذم.

1 أيث-كورينث 9:2

مڒَا وَار دْجِيغ ذ اَرَّسُوْل إِ شَان يِوْذَان نّغْنِي، أَتَاف إِ كنِّيو إِي غَا دْجِيغ ذ اَرَّسُوْل. لِأَنَّا كنِّيو ذ دَّلِيل يݣَّا-ٱيِي نش سِيذِيثْنغ ذ اَرَّسُوْل.

22 أيث-كورينث 1:8

آي أَيثْمَا، نخْس اَذ تسّْنم تَمَارَا إِي خَانغ يكِّين ذِي لْإِقْلِيم ن آسْيَا. تُوْغَا نتْوَازيَّار اَطَّاس نشِّين، أَزيَّار نِّي تُوْغَاث كْتَار زِي جّهذ نّغ وَار نْزمَّر اَزَّايس نصْبَر حتَّا وَامِي نفْقذ لْأَمَال بَاش أَ ندَّر.

22 أيث-كورينث 2:14

وَلَكِن أَ نحْمذ أَربِّـي. نتَّا ڒبْدَا يسُوْݣُّوْر-اَنغ ذݣ وبْرِيذ ن اَرْبَاح س لْمَسِيح أُو زَّايْنغ نشِّين يتنْتَاشَار ڒفْوَاح ن ثُوْسْنَا خ لْمَسِيح.

أيث-ݣلاطيا 3:15

آي أَيثْمَا، أَذَاوم ؤُشغ يجّن لْمِثَال زِي لْعَادَاث نّغ. لْوَصِيَا، نتَّاث مڒَا ثُوْرَا ثضْبع، وَار يزمَّر حَدّ اَت يسْبطّڒ نِغ اَذَايس يَرْنِي شَان ن ڒْحَاجث.

أيث-ݣلاطيا 6:18

آي أَيثْمَا، أَذ يِيڒِي اَك اَرُّوْح نْوم اَرْضَا ن سِيذِيثْنغ عِيْسَى لْمَسِيح. آمِين.

أيث-فيليـپـي 1:22

مڒَا قِّيمغ دَّرغ س دَّات-أَ ينُو، أَتَاف اَذ اَرْنِيغ مْلِيح ذِي ڒْخذْمث ينُو. وَلَكِن نش وَار سِّينغ شَا مِين غَا يخْضَرغ.

أيث-فيليـپـي 4:17

وَلَكِن نش وَار رزُّوْغ شَا اَذَايِي ثُوْشم شَا ن ڒْحَاجث، نش رزُّوْغ مِين غَا يَرْنِين ذِي لْأَجَار نْوم اَك أَربِّـي.

أيث-كولوس 1:10

حمَا اَذ تُوْيُوْرم خ يِجّن ن وبْرِيذ إِي ذَاس يتِيشّن إِ سِيذِيثْنغ لْقِيمَا إِي ذَاس يتعْجِيبن مَارَّا. خ وبْرِيذ-أَ اَذ تَارْوم مَارَّا ڒخْذَايم ثِصبْحَانِين اَذ تْمَارْنِيم ذِي ثُوْسْنَا نْوم خ أَربِّـي.

1 أيث-سلونيك 2:18

مشْحَاڒ ن ثْوَاڒَاثِين نخْس اَغَارْوم د نَاس، نش س يِيخف ينُو عَاوذ، وَلَكِن يتْقَاطع-اَنغ-د شِّيطَان ذݣ وبْرِيذ.

1 أيث-سلونيك 4:13

فَا آي أَيثْمَا، وَار نخْس شَا اَذ تْقفْڒم إِ يِيخف نْوم عْلَاحْسَاب يِنِّي يطّْصن ذݣ يمضْڒَان بَاش وَار تْخيِّيقم شَا اَم يِنِّي نّغْنِي وَار ذِي يدْجِي بُو لْأَمَال.

2 أيث-سلونيك 2:7

شُوْف، ئِجّن ن جّْهذ ينُوْفَّرن ن سَّيِّئَاث يخدّم ڒخُّو، وَلَكِن ذِنِّي يجّن نّغْنِي عَاذ يتطّف-يث حتَّا وَانِيتَا نّغْنِي اَذ يتْوَاكّس زِي ڒْوسْط.

2 تيموتاوس 4:17

ذ سِيذِيثْنغ إِي كِذِي يبدّن غَار وغزْذِيس ينُو يُوْشَا-ٱيِي جّْهذ حمَا زَّايِي نش اَذ يتْوَابشَّر لْإِنْجِيل يكْمَاڒ اَث سْڒن مَارَّا يِنِّي وَار يدْجِين شَا زِي أَيث-إِسْرَائِيل، سّنِّي نش فڒْثغ زݣ ؤُقمُّوْم ن سّْبَاع.