لواحي ن يوحنا 9:1 - ثريفيث 2020

¹ ثكَّر لْمَلَائِكَا وِيس خمْسَا ثْصُوْض ذِي زَّمَّار نّس أُوْشَا ࢲْرِيغ يجّن ن يِيثْرِي تُوْغَا يوْضَا-د زݣ وجنَّا خ ثْمُوْرْث. ئِمُّوْش-اَس إِ يِيثْرِي نِّي ڒْمفْتَاح ن وَانُو نِّي يتَاوِين غار ڒَادْجغ بْڒَا ڒَاحدّ.

لواحي ن يوحنا 9:1 ပူးပေါင်းရင်းမြစ်များ

لوقا 10:18

ينَّا-ٱسن عِيْسَى: "تُوْغَا تْوَاڒِيغ شِيطَان يوْضَا-د زݣ وجنَّا مَامش د يوطَّا ڒْبَرْق.

لوقا 8:31

حشّْمن-ث اَطَّاس جْنُوْن نِّي حمَا وَار ثن يتْسكِّي شَا غَار وَانُو بْڒَا ڒَحدّ.

أيث-روما 10:7

نِغ: مِين يعْنَا وِي غَا يهْوَان غَار ڒَادْجغ بْڒَا ڒَاحدّ (يعْنِي بَاش اَذ د يَارّ لْمَسِيح زݣ يِنِّي يمُّوْثن)؟

لواحي ن يوحنا 1:18

نش ذ ونِّي يدَّرن. تُوْغَا مُّوْثغ، ڒخُّو نش دَّرغ إِ ڒبْدَا ن ڒبْدَاث. غَارِي ڒمْفَاتَاح ن ڒْموْث ذ لْأَخِرَا.

لواحي ن يوحنا 1:20

مِين يعْنَا ڒْمَعْنَا ينُوْفّرن ن سبْعَا ن يِيثْرَان نِّي إِي ثࢲْرِيذ ذݣ وفُوْس ينُو اَفُوْسِي ذ سبْعَا نِّي ن ڒقْنَاذڒ؟ سبْعَا نِّي ن يِيثْرَان، يعْنِي نِثْنِي ذ سبْعَا ن لْمَلَائِكَاث ن ثْجُمَاع ن ڒْمُوْمِنِين. سبْعَا نِّي ن ڒقْنَاذڒ، يعْنِي نِثْنِي ذ سبْعَا ن ثْجُمَاع ن ڒْمُوْمِنِين."

لواحي ن يوحنا 11:7

خْمِي غَا كمّْڒن ڒخْبَار نْسن إِي زِي غَا شهْذن، أَذ د يݣَعّذ ڒْوَحْش زِي ڒَادْجغ بْڒَا ڒَاحدّ اَثن يحَارب، أَثن يغْڒب، أَذ ينغ ڒشْهُوْذ نِّي.

لواحي ن يوحنا 17:8

ڒْوَحْش نِّي إِي ثࢲْرِيذ تُوْغَا يدْجَا، ڒخُّو وَار يدْجِي شَا، عْڒَاين اَذ د يݣَعّذ زِي ڒَادْجغ بْڒَا ڒَاحدّ اَذ يتْوَاهْذم. ئِمزْذَاغ ن ثْمُوْرْث خْمِي غَا ࢲرن ڒْوَحْش نِّي أَتَاف اَذ دهْشن يعْنِي كُڒ يجّن يسم نّس وَار يزمّم شَا زݣ وَامِي ثدْجَا دُّنشْت ذِي لْكِتَاب ن ثُوْذَارْث. ڒَاحقَّاش ڒْوَحْش نِّي تُوْغَا يدْجَا، ڒخُّو وَار يدْجِي شَا، عَاذ اَذ د يَاس.

لواحي ن يوحنا 20:1

ࢲْرِيغ يجّن ن لْمَلَاك يهْوَا-د زݣ وجنَّا غَارس ذݣ وفُوْس نّس ڒْمفْتَاح ن ڒَادْجغ بْڒَا ڒَاحدّ ذ يِجّن ن سّنْسْڒث ذ ثَمقّْرَانْت.

لواحي ن يوحنا 20:10

إِبْڒِيس نِّي إِي ثن يخذْعن ئِمنْضَار-د ذِي ڒبْحَر نِّي ن ثْمسِّي ذ ڒكْبْرِيْيث مَانِي يدْجَا ڒْوَحْش نِّي ذ ونِّي يتَارَّان يخف نّس ذ نَّبِي. أَذ تْوَاعدّْبن ذِنِّي نْهَار ذ دْجِيڒث إِ ڒبْدَا ن ڒبْدَاث.

لواحي ن يوحنا 6:13

ئِثْرَان ن وجنَّا وطَّان-د غَار ثْمُوْرْث اَمشْنَاو ثَازَارْث خْمِي ثْوطَّا زِي ثْشجَّارْث خْمِي ت يسنْهزَّا اَرِّيح يجهْذن.

لواحي ن يوحنا 8:10

ثكَّر لْمَلَائِكَا وِيس تْڒَاثَا ثْصُوْض ذِي زَّمَّار نّس أُوْشَا يوْضَا-د يجّن ن يِيثْرِي ذ اَمقّْرَان زݣ وجنَّا يتْشعَّاڒ اَمشْنَاو اَسْفض. ئِوْضَا-د خ تُلُث ن يِغزْرَان ذ ڒَعْنَاصر ن وَامَان.

لواحي ن يوحنا 8:12

ثكَّر لْمَلَائِكَا وِيس اَرْبعَا ثْصُوْض ذِي زَّمَّار نّس أُوْشَا تُلُث ن ثْفُوْشْت ذ ثْزِيرِي ذ يِيثْرَان تْوَاسنْهزّن حمَا تُلُث نِّي اَذ تِيڒِي ذ ثَادْجسْت، أَذ تنْقس يجّن ن تُلُث ن ثْفَاوْث ذِي نْهَار ؤُڒَا ذ دْجِيڒث.

لواحي ن يوحنا 8:2

ࢲْرِيغ سبْعَا ن لْمَلَائِكَاث إِي يتْبدَّان زَّاث إِ أَربِّـي، يمُّوْش-اَسنْت سبْعَا ن زّْوَامَّار.

لواحي ن يوحنا 9:2

يرْزم اَنُو نِّي يتَاوِين غَار ڒَادْجغ بْڒَا ڒَاحدّ، يُوْڒِي-د زَّايس دّخَّان اَمشْنَاو دّخَّان ن يِجّن ن ڒْكُوْشث ذ ثَمقّْرَانْت. دّخَّان ن ڒَادْجغ نِّي يغطَّا ثْفُوْشْت ذ لْجُو.