لواحي ن يوحنا 8:8 - ثريفيث 2020

⁸ ثكَّر لْمَلَائِكَا وِيس ثْنَاين ثْصُوْض ذِي زَّمَّار نّس أُوْشَا ثمنْضَار-د شَان ڒْحَاجث ذِي ڒبْحَر اَمشْنَاو شَان وذْرَار ذ اَمقّْرَان يتْشعَّاڒ س ثْمسِّي. تُلُث ن ڒبْحَر يذْوڒ ذ يذَامّن.

لواحي ن يوحنا 8:8 ပူးပေါင်းရင်းမြစ်များ

مرقس 11:23

أَقَا تسْڒَام ڒْحَقّ: مڒَا شَان يجّن ينَّا-ٱس إِ وذْرَار-أَ: نقْڒع-د شك سَّانِيتَا ثْمنْضَارذ ذِي ڒبْحَر أُو ذݣ وُوْڒ نّس وَار ذَايس بُو شّكّ يُوْمن اَذ يوْقع مَانَاينِّي، أَتَاف مَانَاينِّي اَذ يِيڒِي.

لواحي ن يوحنا 11:6

ذِي ڒِيَّامَاث نِّي إِي ذِي غَا خْبَرن ڒشْهُوْذ-أَ س مِين عڒْمن زِي أَربِّـي اَتَاف اَغَارْسن ثِيڒِي سُّلْطَا زِي غَا بلّْعن اَجنَّا وَار د يشِّيْث بُو ونْࢲَار قَاع. أَتَاف عَاوذ اَغَارْسن ثِيڒِي سُّلْطَا اَذ اَرّن اَمَان ذ يذَامّن اَذ ضڒْقن إِ مَارَّا لْمُصِيبَاث خ ثْمُوْرْث مڒْمِي مَا خْسن.

لواحي ن يوحنا 12:4

ئِجَرّ س وعنَّاب نّس تُلُث ن يِيثْرَان وجنَّا، ئِنْضَر-يثن غَار ثْمُوْرْث. ئِبدّ بُو-سبْعَا-يَا-يزدْجِيفن زَّاث إِ ثمْغَارْث نِّي أُو نتَّاث تَارو حمَا خْمِي ث غَا ثَارو اَذَاس يشّ مِّيس.

لواحي ن يوحنا 8:7

ثكَّر لْمَلَائِكَا ثَمزْوَارُوْت ثْصُوْض ذِي زَّمَّار نّس أُوْشَا يُوْسَا-د يشَرَّا ذ ثْمسِّي مْخلّْطن اَك يذَامّن منْضَارن غَار ثْمُوْرْث. ثشْمض تُلُث ن ثْمُوْرْث ذ تُلُث ن ڒْشجُّوْر ذ مَارَّا اَربِيع اَزيْزَا.

لواحي ن يوحنا 9:15

أُوْشَا تْوَاضڒْقنْت-يد اَرْبعَا-يَا ن لْمَلَائِكَاث إِي تُوْغَا تْوَاسّوْجْذنْت إِ ثْسَعَّات-أَ ذ نْهَار-أَ ذ شْهَار-أَ ذ وسݣّْوَاس-أَ حمَا اَذ نْغنْت تُلُث ن يِوْذَان.

لواحي ن يوحنا 9:18

مُّوْثن تُلُث ن يِوْذَان س ثْڒَاثَا ن لْمُصِيبَاث-أَ يعْنِي س ثْمسِّي ذ دّخَّان ذ ڒكْبْرِيْيث إِي د يتفّْغن زݣ وقمُّوْم نْسن.