لواحي ن يوحنا 8:3 - ثريفيث 2020

³ يُوْسَا-د يجّن ن لْمَلَاك نّغْنِي يبدّ غَار ڒْمذْبَح، ئِيْسِي-د ثِمجْمَارْث نِّي يتْوَاصنْعن س دّْهب. ئِمُّوْش-اَس اَطَّاس ن تْبَخُوْر حمَا اَذ يقدّم تْبَخُوْر نِّي اَك ثْࢲَادْجِيث ن ڒْمُوْمِنِين صَّالِحِين خ ڒْمذْبَح ن دّْهب يدْجَان زَّاث إِ لْعَرْش.

لواحي ن يوحنا 8:3 ပူးပေါင်းရင်းမြစ်များ

لوقا 1:10

وَامِي يتْشعَّاڒ تْبَخُوْر، مَارَّا شَّعْب نِّي إِي ذِنِّي يمُوْنن قِّيمن غَار بَارَّا إِ ثمْزِيذَا تْࢲَدْجَان.

أيث-روما 8:34

وِي يزمَّرن اَخَاسن يحْكم؟ ؤُڒَا ذ يجّن! لِأَنَّا نتَّا عِيْسَى لْمَسِيح إِݣ يمُّوْثن. أُو كْتَار، يكَّر-د زِي ڒْموْث أُو ذ نتَّا إِي يدْجَان خ وفُوْسِي ن أَربِّـي، ئِتْشَافَاعن ذَايْنغ.

يعيبرانيين 7:25

خ مَانَايَا يِنِّي زَّايس يتْقَارَّابن غَار أَربِّـي يزمَّر عِيْسَى اَثن يسنْجم إِ ڒبْدَا. مَايمِّي؟ لِأَنَّا نتَّا يدَّر إِ ڒبْدَا اَذَايْسن يتْشَفَاع.

يعيبرانيين 9:4

ذَايس ڒْمجْمَار ن تْبَخُوْر يشلّل س دّْهب، أُو ذ تَابُوْت ن ڒْعَهذ مَارَّا يغزْذِيسن نّس أُو ذ ثِيسِي نّس شلّْلن س دّْهب. ذِي تَابُوْت-أَ ذَايس اَقْنُوْش يتْوَاصنّع س دّْهب، أَقْنُوْش نِّي ذَايس اَغْرُوْم ؤُمِي قَّارن لْمَنَّا. تَابُوْت-أَ عَاوذ ذَايس ثَغْرِيث ن هَارُوْن ثْنوَّار، ذ ثڒْوِيحِين ن عشْرَا ن ڒُوْصِيَاث.

لواحي ن يوحنا 10:1

ࢲْرِيغ يجّن ن لْمَلَاك نّغْنِي يجهْذ يهْوَا-د زݣ وجنَّا، ئِنّض-اَس-د وسيْنُو. خ وزدْجِيف نّس يجّن ن ثسْڒِيث ن ونْࢲَار، أَغمْبُوْب نّس يݣَّا اَم ثْفُوْشْت، ئِضَارن نّس ݣِّين اَم يـپِــيلَارن ن ثْمسِّي.

لواحي ن يوحنا 14:18

ئِكَّر يفّغ-د يجّن ن لْمَلَاك نّغْنِي زِي ڒْمذْبَح ن ثمْزِيذَا ثَمقّْرَانْت غَارس سُّلْطَا خ ثْمسِّي، ئِڒَاغَا س جّْهذ ينَّا-ٱس إِ لْمَلَاك نِّي غَار يدْجَا ؤُمْجَار يقْضع: "يْسِي اَمْجَار نّش، جْمع-د زَّايس يزكُّوْنن ن ثْزَايَارْث ن ثْمُوْرْث ڒَاحقَّاش اَضيڒ ثُوْوض-د ڒْوقْث نّس."

لواحي ن يوحنا 5:8

وَامِي ييْسِي لْكِتَاب-أَ، لْمخْلُوقَاث نِّي س اَرْبعَا ذ اَرْبعَا أُو عِشْرِين ن يمْغَارن نِّي سجّْذن-اَس إِ يِزْمَار. مْكُڒ يجّن زَّايْسن غَارس ثْݣَامْبْرِيت غَارس ثِمجْمَارِين ݣِّين-ثنْت س دّْهب عمَّارنْت س تْبَخُوْر، يعْنِي ذ ثْࢲَادْجِيث ن ڒْمُوْمِنِين صَّالِحِين.

لواحي ن يوحنا 6:9

ئِزْمَار نِّي وَامِي يرْزم اَشمَّاع وِيس خمْسَا، ࢲْرِيغ سْوَادَّاي إِ ڒْمذْبَح بُوْحْبڒ ن يِنِّي يتْوَانْغن عْلَاحْسَاب اَوَاڒ ن أَربِّـي ذ شْهَاذث إِي شهْذن.

لواحي ن يوحنا 7:2

ࢲْرِيغ يجّن ن لْمَلَاك نّغْنِي يتْݣَعَّاذ-د زِي شَّرْق ييْسِي-د طَّابَع ن أَربِّـي يدَّرن، ئِڒَاغَا س يِجّن ن ثْمِيجَّا ثجْهذ إِ اَرْبعَا ن لْمَلَائِكَاث نِّي ثِنِّي ؤُمِي يمُّوْش جّْهذ حمَا اَذ ضيّْعنْت ڒْبَرّ ذ ڒبْحَر.

لواحي ن يوحنا 8:4

دّخَان ن تْبَاخُوُر-أَ اَك ثࢲَادْجِيث ن ڒْمُوْمِنِين صَّالِحِين يݣَعّذ زݣ وفُوْس ن لْمَلَاك-أَ وَانِيتَا غَار وجنَّا زَّاث إِ أَربِّـي.

لواحي ن يوحنا 8:5

ئِيْسِي لْمَلَاك-أَ ثِمجْمَارْث نِّي ن تْبَخُوْر، يعمَّر-يت س ثْمسِّي ن ڒْمذْبَح، ئِزدْجع-يت غَار ثْمُوْرْث. يوْقع وَاجَّاج ذ يغُوْيَان ذ وَاسَّام ذ زِّنْزَال.

لواحي ن يوحنا 9:13

ثكَّر لْمَلَائِكَا وِيس ستَّا ثْصُوْض ذِي زَّمَّار نّس أُوْشَا سْڒِيغ إِ يِجّن ن ثْمِيجَّا ثنْدق-د زِي اَرْبعَا نِّي ن وَاشَّاون ن ڒْمذْبَح ن دّْهب إِي يدْجَان زَّاث إِ أَربِّـي.