لواحي ن يوحنا 8:10 - ثريفيث 2020

¹⁰ ثكَّر لْمَلَائِكَا وِيس تْڒَاثَا ثْصُوْض ذِي زَّمَّار نّس أُوْشَا يوْضَا-د يجّن ن يِيثْرِي ذ اَمقّْرَان زݣ وجنَّا يتْشعَّاڒ اَمشْنَاو اَسْفض. ئِوْضَا-د خ تُلُث ن يِغزْرَان ذ ڒَعْنَاصر ن وَامَان.

لواحي ن يوحنا 8:10 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:1

ڒْمُلْك وجنَّا اَمشْنَاو شَان عشْرَا ن ثعْزْرِيِين إِݣ ييْسِين ڒقْنَاذڒ، فّْغنْت اَذ ڒقَّانْت مُوْڒَاي.

لوقا 10:18

ينَّا-ٱسن عِيْسَى: "تُوْغَا تْوَاڒِيغ شِيطَان يوْضَا-د زݣ وجنَّا مَامش د يوطَّا ڒْبَرْق.

ثبرات زي يهوذا 1:13

نِثْنِي ݣِّين اَم ڒمْوَاج ن ڒبْحَر شَّاثنْت س ڒفْضِيحث ن ؤُكُوْفُّو نْسنْت. نِثْنِي ݣِّين اَم شَان يثْرَان يفّْغن زݣ ؤُمْشَان نْسن ݣُّوْرن غَار يِجّن ن ثَادْجسْت ذ ثَبرْشَانْت إِݣ يتْوَاسْوجْذن إِ ڒبْدَا ن ڒبْدَاث.

لواحي ن يوحنا 1:20

مِين يعْنَا ڒْمَعْنَا ينُوْفّرن ن سبْعَا ن يِيثْرَان نِّي إِي ثࢲْرِيذ ذݣ وفُوْس ينُو اَفُوْسِي ذ سبْعَا نِّي ن ڒقْنَاذڒ؟ سبْعَا نِّي ن يِيثْرَان، يعْنِي نِثْنِي ذ سبْعَا ن لْمَلَائِكَاث ن ثْجُمَاع ن ڒْمُوْمِنِين. سبْعَا نِّي ن ڒقْنَاذڒ، يعْنِي نِثْنِي ذ سبْعَا ن ثْجُمَاع ن ڒْمُوْمِنِين."

لواحي ن يوحنا 12:4

ئِجَرّ س وعنَّاب نّس تُلُث ن يِيثْرَان وجنَّا، ئِنْضَر-يثن غَار ثْمُوْرْث. ئِبدّ بُو-سبْعَا-يَا-يزدْجِيفن زَّاث إِ ثمْغَارْث نِّي أُو نتَّاث تَارو حمَا خْمِي ث غَا ثَارو اَذَاس يشّ مِّيس.

لواحي ن يوحنا 14:7

ثقَّار س جّْهذ: "ݣّْوْذم أَربِّـي سمْغَارم-ث، أَقَا ثُوْوض-د ثْسَعَّات نّس اَذ يݣّ لْحِسَاب ذ لْعِقَاب. سجّْذث إِ ونِّي إِي د يخڒْقن اَجنَّا ذ ثْمُوْرْث ذ ڒبْحَر ذ ڒَعْنَاصر."

لواحي ن يوحنا 16:4

ثكَّر لْمَلَائِكَا وِيس ثْڒَاثَا ثْزدْجع ثِمجْمَارْث نّس خ يغزْرَان ذ ڒَعْنَاصر ن وَامَان ذوْڒن ذ يذَامّن.

لواحي ن يوحنا 6:13

ئِثْرَان ن وجنَّا وطَّان-د غَار ثْمُوْرْث اَمشْنَاو ثَازَارْث خْمِي ثْوطَّا زِي ثْشجَّارْث خْمِي ت يسنْهزَّا اَرِّيح يجهْذن.

لواحي ن يوحنا 8:7

ثكَّر لْمَلَائِكَا ثَمزْوَارُوْت ثْصُوْض ذِي زَّمَّار نّس أُوْشَا يُوْسَا-د يشَرَّا ذ ثْمسِّي مْخلّْطن اَك يذَامّن منْضَارن غَار ثْمُوْرْث. ثشْمض تُلُث ن ثْمُوْرْث ذ تُلُث ن ڒْشجُّوْر ذ مَارَّا اَربِيع اَزيْزَا.

لواحي ن يوحنا 9:1

ثكَّر لْمَلَائِكَا وِيس خمْسَا ثْصُوْض ذِي زَّمَّار نّس أُوْشَا ࢲْرِيغ يجّن ن يِيثْرِي تُوْغَا يوْضَا-د زݣ وجنَّا خ ثْمُوْرْث. ئِمُّوْش-اَس إِ يِيثْرِي نِّي ڒْمفْتَاح ن وَانُو نِّي يتَاوِين غار ڒَادْجغ بْڒَا ڒَاحدّ.

لواحي ن يوحنا 9:15

أُوْشَا تْوَاضڒْقنْت-يد اَرْبعَا-يَا ن لْمَلَائِكَاث إِي تُوْغَا تْوَاسّوْجْذنْت إِ ثْسَعَّات-أَ ذ نْهَار-أَ ذ شْهَار-أَ ذ وسݣّْوَاس-أَ حمَا اَذ نْغنْت تُلُث ن يِوْذَان.

لواحي ن يوحنا 9:18

مُّوْثن تُلُث ن يِوْذَان س ثْڒَاثَا ن لْمُصِيبَاث-أَ يعْنِي س ثْمسِّي ذ دّخَّان ذ ڒكْبْرِيْيث إِي د يتفّْغن زݣ وقمُّوْم نْسن.