لواحي ن يوحنا 7:3 - ثريفيث 2020

³ ينَّا-ٱسنْت: "وَار تْضيَّاعنْت نِي ڒْبَرّ نِي ذ ڒبْحَر نِي ذ ڒْشجُّوْر حتَّا غَا نضْبع ثَنْيَارْث ن يِنِّي يعبّْدن أَربِّـي."

لواحي ن يوحنا 7:3 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:22

مَعْلِيك سِيذِي أَربِّـي وَار يسنْقِيس شَا ذِي ڒِيَّام نِّي ن تَمَارَا-يَا إِي د غَا يَاسن، أَتَاف وَار ينجّم ؤُڒَا ذ يجّن. خ سَّبَاب ن يِنِّي يخْضَر أَربِّـي، أَتَاف اَذ يسنْقس ڒِيَّام نِّي إِي د غَا يَاسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:31

أَذ يصُوْض يجّن ن زَّمَّار ذ اَمقّْرَان، أَذ د يسّكّ لْمَلَائِكَاث نّس غَار اَرْبعَا ن يمُوْشَان ن ثْمُوْرْث مَانِيس د يتكّ اَرِّيح: زِي شَّرْق ذ لْغَرْب ذ لْجَنُوْب ذ شَّمَال. أَذ يسْمُوْن يِنِّي يخْضَر زِي ڒَاحدّ ن وجنَّا اَڒ ڒَاحدّ نّس نّغْنِي.

يوحنا 12:26

ونِّي يخْسن اَذَايِي يخْذم، ئِتْخصَّا اَذَايِي يذْفَار. مَانِي غَا يڒِيغ نش، أَذ يِيڒِي عَاوذ ذ اَخدَّام ينُو. ونِّي ذَايِي غَا يخذْمن، أَث يكَرّم بَابَا.

يوحنا 3:33

ونِّي يقبّْڒن شْهَاذث نّس، أَتَاف يتْحَقّق بلِّي أَربِّـي ذ لْحَقِيقَا إِݣ يدْجَا.

أيث-روما 6:22

ڒخُّو ثْهْنَام زِي ڒْمُعْصِيّث، ثْطَاعَام إِ أَربِّـي. مَان نّْفَع إِي زَّايس غَا ثَاوِيم؟ يعْنِي اَذ تِيڒِيم ثصْفَام أُو مَانَاينِّي يتَاوِي غَار ثُوْذَارْث ن ڒبْدَا.

لواحي ن يوحنا 13:16

يݣَّا بزّز خ مَارَّا يوْذَان س يمقّْرَانن ذ يمزْيَانن، ذ تْوَاجَر ذ يمسْعَان، ذ يِنِّي غَارْسن بَاب نْسن ذ يِنِّي غَارْسن لْحُرِّيَا نْسن اَذ ݣّن يجّن ن طَّبَع خ وفُوْس اَفُوْسِي نْسن نِغ خ ثنْيَارْث نْسن.

لواحي ن يوحنا 13:17

ؤُڒَا ذ يجّن وَار يزمَّر اَذ يسغ نِغ اَذ يزّنْز إِلَّا ونِّي غَار يدْجَا طَّبَع نِّي، يعْنِي يسم ن ڒْوَحْش نِّي نِغ ذ رَّقم ن يِيسم نّس.

لواحي ن يوحنا 14:1

وَامِي خْزَرغ، تْوَاڒِيغ يزْمَار يبدّ خ وذْرَار ن لْقُدْس اَكِذس مِيَّا أُو اَرْبعَا أُو اَرْبعِين اَڒَاف. يُوْرَا خ ثنْيَارْث نْسن يسم ن يِزْمَار ذ يِيسم ن بَابَاس.

لواحي ن يوحنا 14:9

ثكَّر ثذْفَار-يثنْت يجّن ن لْمَلَائِكَا نّغْنِي وِيس ثْڒَاثَا ثقَّار س جّْهذ: "ونِّي غَا يسجّْذن إِ ڒْوَحْش ذ لْأَصْنَام نّس، ئِقْبڒ عَاوذ طَّابَع خ ثنْيَارْث نّس نِغ خ وفُوْس نّس،

لواحي ن يوحنا 19:2

ڒحْكَام نّس ذ ڒْحَقّ يدْجَا نِيشَان. ئِحَاسب لْفَسْدَا ثَمقّْرَانْت إِݣ يسفْسَاذن ثَمُوْرْث س لْفَسَاد نّس، ئِنْتَاقم زَّايس عْلَاحْسَاب يذَامّن ن يِنِّي يعبّْذن أَربِّـي."

لواحي ن يوحنا 20:4

ࢲْرِيغ لْعَرْشَاث ذ يِنِّي خَاسن يقِّيمن ثمُّوْش-اَسن سُّلْطَا اَذ حكْمن. ࢲْرِيغ بُوْحْبڒ ن يِنِّي ؤُمِي يتْوَاقسّن يزدْجِيفن لِأَنَّا ذفَّارن مِينْخف يشْهذ عِيْسَى ذ وَاوَاڒ ن أَربِّـي. نِثْنِي تُوْغَاثن وَار سجّْذن شَا إِ ڒْوَحْش نِغ إِ لْأَصْنَام نّس، تُوْغَا وَار قْبِيڒن شَا طَّبَع نّس خ ثنْيَارث نْسن نِغ خ وفُوْس نْسن. كَّرن-د زِي ڒْموْث حكْمن اَك عِيْسَى اَڒَاف ن يسݣّْوُوْسَا.

لواحي ن يوحنا 22:4

أَذْ ࢲرن اَغمْبُوْب نّس، ئِسم نّس اَقَاث خ ثنْيَارْث نْسن.

لواحي ن يوحنا 6:6

ثُمَّا سْڒِيغ اَمشْنَاو يجّن ن ثْمِيجَّا ثُوْسَا-د زِي جِّهث ن اَرْبعَا ن لْمخْلُوْقَاث نِّي ثقَّار: "كِيلُو ن يِرْذَان يسݣّْوَا نْهَار وفدْجَاح. عَاوذ ثْڒَاثَا كِيلُو ن يمنْدِي يسݣّْوَا نْهَار وفدْجَاح. وَلَكِن زّشْت ذ وَامَان وضِيڒ وَار ثن تْضيَّاع شَا."

لواحي ن يوحنا 7:1

منْبَعْد إِ مَانَايَا ࢲْرِيغ اَرْبعَا ن لْمَلَائِكَاث بدّنْت خ اَرْبعَا ن ثْغمُّوْرَا ن ثْمُوْرْث، طّْفنْت اَرِّيح خ اَرْبعَا ن جِّهَاث ن ثْمُوْرْث حمَا وَار يتْصُوْض شَا خ ڒْبَرّ ؤُڒَا خ ڒبْحَر ؤُڒَا خ ڒْشجُّوْر.

لواحي ن يوحنا 7:2

ࢲْرِيغ يجّن ن لْمَلَاك نّغْنِي يتْݣَعَّاذ-د زِي شَّرْق ييْسِي-د طَّابَع ن أَربِّـي يدَّرن، ئِڒَاغَا س يِجّن ن ثْمِيجَّا ثجْهذ إِ اَرْبعَا ن لْمَلَائِكَاث نِّي ثِنِّي ؤُمِي يمُّوْش جّْهذ حمَا اَذ ضيّْعنْت ڒْبَرّ ذ ڒبْحَر.

لواحي ن يوحنا 9:4

نَّان-اَسنْت وَار تْضيَّاعنْت اَربِيع ن ثْمُوْرْث ؤُڒَا ذ مِين يدْجَان ذ اَزيْزَا ؤُڒَا ذ ڒْشجُّوْر، غِير يوْذَان نِّي إِي وَار غَار يدْجِي شَا طَّابَع ن أَربِّـي خ ثنْيَارْث نْسن.