لواحي ن يوحنا 7:11 - ثريفيث 2020

¹¹ مَارَّا لْمَلَائِكَاث بدّنْت نّْضنْت-يد إِ لْعَرْش ذ يمْغَارن ذ اَرْبعَا ن لْمخْلُوْقَاث نِّي. هْوَانْت خ وغمْبُوْب نْسنْت زَّاث إِ لْعَرْش سجْذنْت إِ أَربِّـي.

لواحي ن يوحنا 7:11 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 4:10

ئِنْدق-د عِيْسَى ينَّا-ٱس: "رُوْح، بعّذ-اَيِي آ شِّيطَان. أَقَا لْكِتَاب يقَّار: <سجّذ إِ سِيذِي أَربِّـي نّش، عْبذ-يث نتَّا وَاحْذس.>"

يوحنا 5:23

حمَا مَارَّا اَذ كَرْمن مِّيس اَمش تْكَرَّامن بَابَاس. ونِّي وَار يتْكَرِّيمن شَا مِّيس وَار يتْكَرِّيم شَا ؤُڒَا ذ بَابَاس إِي ثِيذ يسّكّن.

يعيبرانيين 1:6

أُو عَاوذ أَربِّـي وَامِي د يتَاوِي مِّيس اَمنْزُو غَار دُّنشْت-أَ يقَّار: أَذَاس سجّْذنْت مَارَّا لْمَلَائِكَاث.

لواحي ن يوحنا 11:16

كَّرن اَرْبعَا أُو عِشْرِين نِّي يمْغَارن إِي قِّيمن خ لْعَرْشَاث نْسن زَّاث إِ أَربِّـي، هْوَان خ وغمْبُوْب نْسن سجّْذن-اَس إِ أَربِّـي،

لواحي ن يوحنا 15:4

آ سِيذِي، مِين عْنَان يِنِّي وَار ش يتݣّْوْذن؟ مِين عْنَان يِنِّي يسم نّش وَار ث يسمْغَارن؟ أَقَا شك وَاحْذش إِݣ يصْفَان. مَارَّا ڒݣْنُوْس اَذ د اَسن اَذاش سجّْذن، مِنْزِي ڒخْذَايم نّش بَاننْت-يد نِيشَان."

لواحي ن يوحنا 22:9

ينَّا-ٱيِي: "لَّا! قَا نش ذ ڒْعَبْذ، أَم نش اَم شك اَم أَيثْمَاش لْأَنْبِيَا ذ مَارَّا يِنِّي يتݣّن اَرَّاي إِ وَاوَاڒن ن لْكِتَاب-أَ. سجّذ-اَس إِ أَربِّـي."

لواحي ن يوحنا 4:10

سّنِّي عَاوذ اَرْبعَا أُو عِشْرِين نِّي ن يمْغَارن تْركَّاعن-اَس إِ ونِّي يقِّيمن خ لْعَرْش، تْسجَّاذن-اَس إِ ونِّي يدَّرن إِ ڒبْدَا ن ڒبْدَاث. كُڒ يجّن زَّايْسن ينطَّر تَّاج نّس زَّاث إِ لْعَرْش يقَّار:

لواحي ن يوحنا 4:4

نّْضن-اَس-د إِ لْعَرْش-أَ اَرْبعَا و عِشْرِين ن لْعَرْشَاث، خَاسن اَرْبعَا و عِشْرِين ن يمْغَارن ݣِّين اَرُّوْض ذ اَشمْڒَاڒ، كُڒ يجّن زَّايْسن غَارس تَّاج ن دّْهب خ وزدْجِيف نّس.

لواحي ن يوحنا 4:6

زَّاث إِ لْعَرْش ذِنِّي اَم ڒبْحَر ن جَّاج يصْفَا اَطَّاس. ذِنِّي اَربْعَا ن لْمخْلُوقَاث يدَّرن ذِي ڒْوسْط، نّْضن-اَس-د إِ لْعَرْش غَارْسن ثِيطَّاوِين غَار زَّاث ذ ذفَّار.

لواحي ن يوحنا 4:8

كُڒ يجّن زِي لْمخْلُوقَاث-أَ غَارس ستَّا ن وَافْرِيون، كُڒ اَفْرِيو يشُّوْر س ثِيطَّاوِين خ جِّهتَاين. قَّارن دْجِيڒث ذ نْهَار بْڒَا مَا ٱذ بدّن: "مشْحَاڒ عَظِيم، عَظِيم، عَظِيم، سِيذِي أَربِّـي يزمَّرن إِ كُڒْشِي. نتَّا ذ ونِّي إِي تُوْغَا يدْجَان، ذ ونِّي إِي يدْجَان، ذ ونِّي عَاذ إِي د غَا يَاسن."