لواحي ن يوحنا 6:8 - ثريفيث 2020

⁸ وَامِي خْزَرغ، تْوَاڒِيغ يجّن ن ؤُيِيْس ذ اَوْرَاغ، ونِّي خَاس ينْيِين سمَّان-ث ڒْموْث، ثذْفَار-يث لْأَخِرَا. ثمُّوْش-اَسن سُّلْطَا اَذ نْغن اَرْبَع ن يمزْذَاغ ن ثْمُوْرْث س سِّيف ذ جُّوْع ذ طَّاعُوْن ذ ڒُحُوُش ن ثْمُوْرْث.

لواحي ن يوحنا 6:8 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:23

ئِي شك آي اَبِيلَاج ن كَفرْنَاحُوْم! مَا تْغِير-اَش اَذ تݣَعّْذذ غَار وجنَّا؟ لَّا، قَا شك اَذ تهْوِيذ غَار لْجَحِيم. ڒَاحقَّاش لْمُعْجِزَاث نِّي إِي ذَايش يوقْعن، مْڒِي وقْعنْت ذِي ثنْدِينْت ثَعفَّانْت نِّي ن سَادُوْم، إِڒِي عَاذ اَقَات ذ ثَنْدِينْت اَڒ نْهَارَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:7

دُّوْلَا اَذ تهْجم خ دُّوْلَا، لْممْلَكَا اَذ تهْجم خ لْممْلَكَا. أَذ يِيڒِي جُّوْع اَذ يوْقع زِّنْزَال ذݣ وَاطَّاس ن يمُوْشَان.

1 أيث-كورينث 15:55

<هِيوَا شم آ ڒْموْث، أَرْبَاح نّمْ مَانِي يدْجَا؟ هِيوَا شم آ ڒْموْث، ثِيقّسْت نّمْ مَانِي ثدْجَا؟>

لواحي ن يوحنا 1:18

نش ذ ونِّي يدَّرن. تُوْغَا مُّوْثغ، ڒخُّو نش دَّرغ إِ ڒبْدَا ن ڒبْدَاث. غَارِي ڒمْفَاتَاح ن ڒْموْث ذ لْأَخِرَا.

لواحي ن يوحنا 12:4

ئِجَرّ س وعنَّاب نّس تُلُث ن يِيثْرَان وجنَّا، ئِنْضَر-يثن غَار ثْمُوْرْث. ئِبدّ بُو-سبْعَا-يَا-يزدْجِيفن زَّاث إِ ثمْغَارْث نِّي أُو نتَّاث تَارو حمَا خْمِي ث غَا ثَارو اَذَاس يشّ مِّيس.

لواحي ن يوحنا 9:15

أُوْشَا تْوَاضڒْقنْت-يد اَرْبعَا-يَا ن لْمَلَائِكَاث إِي تُوْغَا تْوَاسّوْجْذنْت إِ ثْسَعَّات-أَ ذ نْهَار-أَ ذ شْهَار-أَ ذ وسݣّْوَاس-أَ حمَا اَذ نْغنْت تُلُث ن يِوْذَان.

لواحي ن يوحنا 9:18

مُّوْثن تُلُث ن يِوْذَان س ثْڒَاثَا ن لْمُصِيبَاث-أَ يعْنِي س ثْمسِّي ذ دّخَّان ذ ڒكْبْرِيْيث إِي د يتفّْغن زݣ وقمُّوْم نْسن.