لواحي ن يوحنا 6:11 - ثريفيث 2020

¹¹ ثُمَّا يمُّوْش-اَسن مَارَّا ئِج-يج، تْشَامِّير ذ اَشمْڒَاڒ يتْوَانَّا-يَاسن عَاذ اَذ تصْبَرم شْوَايْت اَڒ غَا يتْوَاكمّڒ لْعَدَد نِيشَان ن اَيثْمَاثْوم إِي غَا يتْوَانْغن اَمشْنَاو كنِّيو، يعْنِي يِنِّي إِي يعبّْذن اَم كنِّيو.

لواحي ن يوحنا 6:11 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:21

ؤُمَاس اَذ يسلّم ؤُمَاس إِ ڒْموْث. بَابَاس اَذ يسلّم مِّيس. ثَارْوَا اَذ رَاحن ضد لْوَالِيدِين نْسن، أَثن سلّْمن إِ يِنِّي إِي ثن غَا نْغن.

لوقا 15:22

ينَّا-ٱسن بَابَاس إِ يخدَّامن نّس: رُوْحم ذغْيَا اَوِيم-د تْشَامِّير ذ اَصبْحَان اَرْضم-اَس-ث. ݣّم-اَس ثْخَاذنْت ذݣ وفُوْس نّس، ݣّم-اَس ثِسِيڒَا ذݣ يضَارن نّس.

يوحنا 16:2

أَكنِّيو طرْدن زِي ثمْزِيذَاوِين. عَاذ اَذ د تَاس ڒْوقْث اَذَاس يتْغِير إِ ونِّي إِي كنِّيو غَا ينْغن بلِّي يتݣّ لْأَجَار إِ أَربِّـي.

ڒخذايم 20:24

وَلَكِن وَار تِيشّغ بُو لْهِمَّا إِ ثُوْذَارْث ينُو. نش اَذ كمّْڒغ مِينْخف د ؤُسِيغ ذ ڒْخذْمث إِي زِّي ذَايِي يكلّف سِيذِيثْنغ عِيْسَى، يعْنِي اَذ شهْذغ خ لْإِنْجِيل ن اَرْضَا ن أَربِّـي.

2 أيث-سلونيك 1:7

أَذَاوم يُوْش اَرَّاحث اَكِذْنغ كنِّيو يتْوَامحَّانن. مَانَايَا اَذ يِيڒِي خْمِي د غَا يمظْهَار سِيذِيثْنغ عِيْسَى زݣ وجنَّا ذݣ يِجّن ن ثْمسِّي ثْحدّق، أَكِذس د مظْهَارنْت لْمَلَائِكَاث نّس يجهْذن.

2 تيموتاوس 4:7

أَمنْغِي-يَا اَصبْحَان منْغغ-ث، ثَازّْڒَا-يَا كمّْڒغ-ت، لْإِيمَان حْضِيغ-ث.

يعيبرانيين 11:40

تُوْغَا أَربِّـي يذبَّر-اَنغ-د إِ نشِّين زِي قْبڒ يجّن ن ڒْحَاجث حْسن بَاش نِثْنِي وَار تِيوِيضن شَا غَار ونݣَّارُو يعْنِي اَذ يڒِين كمْڒن بْڒَا نشِّين.

يعيبرانيين 12:23

ثْقَارّْبم-د غَار يِنِّي يتْمُوْنن ذِي ڒفْرَاحث يعْنِي غَار جْمَاعث ن يِنِّي يخْضَر أَربِّـي إِي د يخڒْقن ذ يمزْوُوْرَا يسمَاون نْسن تْوَازمّن ذݣ وجنَّا. ثْقَارّْبم-د غَار أَربِّـي ونِّي يدْجَان ذ ڒْقَاضِي خ مَارَّا يوْذَان. ثْقَارّْبم-د غَار اَرُّوْحَاث ن صَّالِحِين يَارِّي-ثن أَربِّـي بْڒَا ڒْعِيب.

يعيبرانيين 4:10

لِأَنَّا ونِّي يُوْذْفن ذِي اَرَّاحث ن أَربِّـي اَقَا يتْريَّاح زِي ڒْخذْمث نّس مَامّش يريّح أَربِّـي زِي ڒْخذْمث نِّي نّس.

لواحي ن يوحنا 10:6

ئِجُّوْدْج س ونِّي يدَّرن إِ ڒبْدَا ن ڒبْدَاث يعْنِي ونِّي إِي د يخڒْقن اَجنَّا ذ مِين ذَايس ذ ڒْبَرّ ذ ڒبْحَر ذ مِين ذَايْسن. أُوْشَا ينَّا: "صَافِي، وَار ثقِّيم بُو ڒْوقْث عَاذ كْتَار.

لواحي ن يوحنا 13:15

ئِتْوَاسْمح-اَس اَذ يݣّ بُوْحْبڒ ذِي لْأَصْنَام-أَ يتْوَاصنْعن خ صِّفث ن ڒْوَحْش اَمزْوَارُو حمَا اَذ يسِّيوڒ اَذ ينغ مَارَّا يِنِّي وَار يسجّْذن شَا إِ لْأَصْنَام-أَ اَم ڒْوَحْش نِّي.

لواحي ن يوحنا 14:13

سْڒِيغ إِ يِجّن ن ثْمِيجَّا زݣ وجنَّا ثقَّار: "أَرِي مَانَايَا: سَّعْذ ن يمتِّينن إِي غَا يمّْثن سَّا اَڒ ثْسَاونْت ؤُمْنن زِي سِيذِيثْنغ." أَرُّوْح ن أَربِّـي يقَّار: "وَاه، حمَا اَذ ريّْحن زِي تَمَارَا نْسن ڒَاحقَّاش ذفَّارنْت-ثن لْحَسَانَات نْسن."

لواحي ن يوحنا 17:6

ࢲْرِيغ ثَمْغَارْث نِّي ثْسكَّر س يذَامّن ن ڒْمُوْمِنِين صَّالِحِين ذ يذَامّن ن يِنِّي يشهّْذن خ عِيْسَى. وَامِي ت ࢲْرِيغ ذهْشغ اَطَّاس.

لواحي ن يوحنا 7:14

جَاوْبغ-ث نِّيغ-اَس: "ذ شك إِي يسّْنن آ سِيذِي." ينَّا-ٱيِي: "يِيْنَا ذ يِنِّي ينجْمن زِي ڒْمِحْنث ثَمقّْرَانْت، صبّْنن يتْشَامِّيرن نْسن س يذَامّن ن يِزْمَار اَرِّين-ثن ذ يشمْڒَاڒن.

لواحي ن يوحنا 7:9

منْبَعْد إِ مَانَايَا خْزَرغ، تْوَاڒِيغ اَطَّاس ن ڒْغَاشِي مبْڒَا ڒحْسَاب زِي مْكُڒ ڒْݣنْس ذ ڒْقُوْم ذ شَّعْب ذ لُّغَا، بدّن زَّاث إِ لْعَرْش ذ زَّاث إِ يِزْمَار ݣِّين تْشَامِّير ذ اَشمْڒَاڒ، ذݣ يفَاسّن نْسن ثَسطَّا ن تْمَر.