لواحي ن يوحنا 6:10 - ثريفيث 2020

¹⁰ سْنكَّرن ثْغُويِّيث س جّْهذ نَّان: "يَا مَوْلَانَا يَا ونِّي عَظِيم يدْجَان ذ ڒْحَقّ، مشْحَاڒ غَا ثكّذ وَار تْحِيْسِيْبذ يمزْذَاغ ن دُّنشْت-أَ، أَثن ثْعَاقْبذ خ يذَامّن نّغ؟"

لواحي ن يوحنا 6:10 ပူးပေါင်းရင်းမြစ်များ

لوقا 2:29

"يَا مُوْلَانَا، اجّ-اَيِي ڒْعَبْذ نّش اَذ رَاحغ ڒخُّو غَار ثدَّارْث ن ڒهْنَا، أَمشْنَاو مَامْش ثنِّيذ شك س وَاوَاڒ نّش.

لوقا 21:22

أَقَا ڒِيَّام نِّي ذ ڒِيَّام ن وعْمُوْذ، أَذَايْسن يكمّڒ مَارَّا مِين يُوْرِين ذِي لْكُتُب ن لْأَنْبِيَا.

أيث-روما 12:19

آي يمْعِيزّن ينُو، وَار تنْتَاقَامم زِي حَدّ، لْعِقَاب جّم-ث إ أَربِّـي. أَقَا لْكِتَاب يقَّار: <ذ نش إِݣ يتنْتَاقَامن، ذ نش إِݣ يتْخدْجَاسن، ئِقَّار-يت سِيذِي أَربِّـي.>

يعيبرانيين 12:24

ثْقَارّْبم-د غَار عِيْسَى ونِّي يتْشَفَاعن ذَايْنغ س يِجّن ن ڒْعَهذ ذ جْذِيذ. ثْقَارّْبم-د كنِّيو غَار يذَامّن نّس يتْوَارُوْشّن إِي قَّارن يجّن ن وَاوَاڒ حْسن زݣ ونِّي ن نَّبِي هَابِيل.

2 بطرس 2:1

إِيوَا زِي زِيش كَّرن شَا ن لْأَنْبِيَا جَار شَّعْب سْنعْمِيڒن وَاهَا. أَمنِّي عَاوذ إِي د غَا كَّرن شَان يمْسڒْمَاذن جَارَاوم زَعْمَا. س ثْنُوْفْرَا يثَرَّاسن-أَ اَذ سِيذْفن تَّعْلِيم ن لْبِدَاع جَارَاوم إِݣ يسْفنَّان وَاهَا. أَذ نْكَرن وَاخَّا ذ سِيذِيثْسن إِي خَاسن يخدْجْسن لْفِدْيَا. يِيْنَا ذغْيَا تَاوِين-د ڒفْنَا خ يِيخف نْسن.

لواحي ن يوحنا 11:18

ڒݣْنُوْس غضْبن، يُوْوض-د وغْضَب نّش. يُوْوض-د نْهَار ن لْحِسَاب ذ لْعِقَاب ن يِنِّي يمُّوْثن. اَذ تْجَازِيذ يِنِّي ذَاش يخدّْمن يعْنِي لأَنْبِيَا ذ ڒْمُوْمِنِين نّش صَّالِحِين، ذ ينِّي يتْوقَّارن يسم نّش س يمزْيَانن ذ يمقّْرَانن. أَذ تقْضِيذ خ يِنِّي يسفْسَاذن ثَمُوْرْث."

لواحي ن يوحنا 18:20

آي اَجنَّا، فَرح خ وهْذَام نّس، فَرْحم آ ڒْمُوْمِنِين صَّالِحِين ذ اَرُّسُل ذ لْأَنْبِيَا! أَقَا يحَاسب-يت أَربِّـي خ مِين ذَاوم ثݣَّا."

لواحي ن يوحنا 18:24

إِيوَا ذِي ثنْدِينْت-أَ إِݣ ؤُفِين يذَامّن ن لْأَنْبِيَا ذ ڒْمُوْمِنِين صَّالِحِين ذ مَارَّا يِنِّي يتْوَانْغن ذِي ثْمُوْرْث."

لواحي ن يوحنا 19:2

ڒحْكَام نّس ذ ڒْحَقّ يدْجَا نِيشَان. ئِحَاسب لْفَسْدَا ثَمقّْرَانْت إِݣ يسفْسَاذن ثَمُوْرْث س لْفَسَاد نّس، ئِنْتَاقم زَّايس عْلَاحْسَاب يذَامّن ن يِنِّي يعبّْذن أَربِّـي."

لواحي ن يوحنا 3:10

ثصْبَرذ خ مِين ش وصِّيغ، س مَانَايَا اَتَاف نش اَش حْمِيغ زِي ثْسَاعَّات نِّي ن ڒمْحَاين إِي د غَا يهْوَان خ مَارَّا دُّنشْت-أَ حمَا يمزْذَاغ ن تْمُوْرْث اَزَّايس تْوَاجَرّْبن.

لواحي ن يوحنا 3:7

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن فِيلَادَلْفْيَا، إِنِي-يَاس قَا ونِّي يمْقدّْسن ذ ڒْحَقّ، غَارس ڒْمفْتَاح ن دَاود؛ مڒَا يرْزم اَتَاف وَار ث يتْبلِّيع حَدّ؛ مڒَا يبلّع اَتَاف وَار ث يرزّم حَدّ، ئِقَّار-اَش: