لواحي ن يوحنا 5:5 - ثريفيث 2020

⁵ ڒخْدّنِّي ينْدق-د يجّن زݣ يمْغَارن نِّي ينَّا-ٱيِي: "وَار تْرُو شَا! أَقَا يرْبح سّْبَع نِّي إِݣ يدْجَان زِي أَيث-يَهُوْذَا لْأَصْل نّس زِي دَاود، ئِزمَّر اَذ يرْزم لْكِتَاب-أَ اَذ يكّس يشمَّاعن نِّي س سبْعَا."

لواحي ن يوحنا 5:5 ပူးပေါင်းရင်းမြစ်များ

لوقا 23:28

ئِنقْڒب-د غَارْسنْت عِيْسَى ينَّا-ٱسنْت: "آي يسِّيس ن لْقُدْس وَار خَافِي تْرُونْت شَا، رُوْنْت خ يِيخف نْكنْت ذ ثَارْوَا نْكنْت.

لوقا 7:13

وَامِي ت يࢲْرَا سِيذِيثْنغ ثقّس-اَس ينَّا-ٱس: "وَار تْرُو شَا!"

لوقا 8:52

مَارَّا تْرُوْن خَاس تْعزَّان. ينَّا-ٱسن عِيْسَى: "وَار خَاس تْرُوْم شَا. أَقَا ثْحنْجِيرْث-أَ وَار ثمُّوْث شَا، ثطّص وَاهَا!"

يوحنا 20:13

نَّانْت-اَس: "آ ثَمْغَارْث مِين شم يُوْغِين ثتْرُوذ؟" ثنَّا-ٱسنْت: "يْسِين سِيذِي، وَار سِّينغ مَانِي ث سرْسن."

أيث-روما 1:3

أُو مَانَايَا خ مِّيس سِيذِيثْنغ عِيْسَى لْمَسِيح. عْلَاحْسَاب دَّات نّس ذ بْنَاذم نتَّا زِي دُّوْرِّيث ن سِيذْنَا دَاود. وَلَكِن عْلَاحْسَاب أَرُّوح نّس يصْفَان يمظْهَار-د ذ مِّيس ن أَربِّـي س يِجّن ن جّْهذ يمْغَر وَامِي إِي د يكَّر زِي ڒْموْث.

أيث-روما 15:12

ئِقَّار عَاوذ نَّبِي إِشَعْيَا: <أَذ يغْمِي وࢲْور ن يَسَّى، نتَّا إِي غَا يكَّرن اَذ يحْكم خ ڒݣْـنُوْس، ذَايس إِي غَا ݣّن ڒݣْـنُوْس لْأَمَال.>

يعيبرانيين 7:14

لِأَنَّا نسّن سِيذِيثْنغ يُوْسَا-د زِي ثقْبِيڒْث ن أَيث-يَهُوْذَا. عمَّارْص مَا ينَّا مُوْسَى اَذ د فّْغن ڒْفُقَهَا زِي ثقْبِيڒْث نِّي.

لواحي ن يوحنا 1:1

وَانِيتَا ذ لْوَحِي ن عِيْسَى لْمَسِيح. يُوْشَا-اَس-ث أَربِّـي حمَا اَث يسْمظْهَار إِ يِنِّي ث يعَبّْذن. مَانَايَا يتْخصَّا أُو لَابُد اَذ يوْقع ذغْيَا. لْمَسِيح يسّكّ لْمَلَاك نّس اَذ يخبَّر مَانَايَا إِ ڒْعَبْذ نّس قَّارن-اَس يُوْحَنَّا.

لواحي ن يوحنا 22:16

ذ نش عِيْسَى سّكّغ-د لْمَلَاك ينُو حمَا اَذَاوم يشْهذ خ ثْمسْڒَايِين-أَ ذِي ثْجُمَاع ن ڒْمُوْمِنِين. نش ذ لْأَصْل ن دَاود أُو زِي دُّوْرِّيث نّس. نش ذ يثْرِي ن ڒفْجَر يتْشعْشِيعن."

لواحي ن يوحنا 3:21

ونِّي غَا يربْحن اَث جّغ اَكِذِي يقِّيم خ لْعَرْش ينُو، أَم ربْحغ ؤُڒَا ذ نش قِّيمغ اَك بَابَا خ لْعَرْش نّس.

لواحي ن يوحنا 4:10

سّنِّي عَاوذ اَرْبعَا أُو عِشْرِين نِّي ن يمْغَارن تْركَّاعن-اَس إِ ونِّي يقِّيمن خ لْعَرْش، تْسجَّاذن-اَس إِ ونِّي يدَّرن إِ ڒبْدَا ن ڒبْدَاث. كُڒ يجّن زَّايْسن ينطَّر تَّاج نّس زَّاث إِ لْعَرْش يقَّار:

لواحي ن يوحنا 4:4

نّْضن-اَس-د إِ لْعَرْش-أَ اَرْبعَا و عِشْرِين ن لْعَرْشَاث، خَاسن اَرْبعَا و عِشْرِين ن يمْغَارن ݣِّين اَرُّوْض ذ اَشمْڒَاڒ، كُڒ يجّن زَّايْسن غَارس تَّاج ن دّْهب خ وزدْجِيف نّس.

لواحي ن يوحنا 5:4

تْرُوْغ اَطَّاس ڒَاحقَّاش وَار ؤُفِين حَدّ اَذ يسْذَاهدْج اَذ يرْزم لْكِتَاب-أَ اَذَايس يخْزَر.

لواحي ن يوحنا 6:1

ثُمَّا ࢲْرِيغ يزْمَار نِّي وَامِي يرْزم يجّن زِي سبْعَا ن يشمَّاعن نِّي، سْڒِيغ إِ يِجّن زِي اَرْبعَا نِّي ن لْمخْلُوْقَاث يقَّار س جّْهذ اَم وَاجَّاج: "أَرَاح-د!"

لواحي ن يوحنا 7:13

ينَّا-ٱيِي يِجّن زݣ يمْغَارن-أَ: "مَا ثسّْنذ يِوْذَان-أَ إِي ݣِّين تْشَامِّير ذ اَشمْڒَاڒ مِين عْنَان ذ مَانِس د ؤُسِين؟"