لواحي ن يوحنا 5:12 - ثريفيث 2020

¹² قَّارنْت س جّْهذ: "ئِزْمَار يتْوَانْغن يسْذَاهدْج ثِزمَّار ذ وَاݣْڒَا ذ لْحِكْمَا ذ جّْهذ ذ ؤُوقَّار ذ لْعَظَمَا ذ لْحَمد."

لواحي ن يوحنا 5:12 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 28:18

ئِقَارّب-د غَارْسن عِيْسَى يسِّيوڒ اَكِذْسن ينَّا-ٱسن: "ثمُّوْش-اَيِي مَارَّا سُّلْطَا ذݣ وجنَّا ذ ثْمُوْرْث.

يوحنا 1:29

ثِيوشَّا نّس يَحْيَى يتْوَاڒَا عِيْسَى يݣُّوْر-د غَارس، ينَّا: "خْزَرث، ذ وِين ذ يزْمَار ن أَربِّـي إي غَا يكّْسن ڒْمُعْصِيّث خ يِوْذَان مَارَّا.

يوحنا 17:2

مِينْزِي ثُوْشِيذ-اَس جّْهذ خ كُڒ بْنَاذم حمَا اَذ يُوْش ثُوْذَارْث ن ڒبْدَا إِ مَارَّا يِنِّي إِي ذَاس ثُوْشِيذ.

22 أيث-كورينث 8:9

أَقَا ثسْنم اَرْضَا ن سِيذِيثْنغ عِيْسَى لْمَسِيح. تُوْغَا نتَّا غَارس كُڒْشِي، وَلَكِن عْلَاحْسَاب نشِّين يسْمح ذِي كُڒْشِي مَانَاينِّي بَاش اَغَارْنغ يِيڒِي كُڒْشِي س مَانَاينِّي إِي ذِي يسْمح.

1 تيموتاوس 1:17

اَزدْجِيذ نّغ اَغَارس ثِيڒِي لْعَظَمَا إِ ڒبْدَا ن ڒبْدَاث، ونِّي عمَّارْص اَذ يفْنَا عمَّارْص اَذ يمّث ونِّي وَار ث يتْوِيڒِي حَدّ ونِّي يدْجَان ذ أَربِّـي وَاحْذس. آمِين.

لواحي ن يوحنا 1:6

يݣَّا زَّايْنغ يجّن ن لْممْلَكَا ذ ڒْفُقَهَا إِ أَربِّـي بَابَاس. أَغَارس ثِيڒِي لْعَظَمَا ذ ڒحْكَام إِ نتَّا إِ ڒبْدَا، آمِين.

لواحي ن يوحنا 13:8

مَارَّا يمزْذَاغ ن ثْمُوْرْث اَذَاس سجّْذن إِ ڒْوَحْش-أَ، يعْنِي كُڒ يجّن زَّايْسن يسم نّس وَار يزمّم شَا ذِي لْكِتَاب ن ثُوْذَارْث زݣ وَامِي ثدْجَا دُّنشْت-أَ، يعْنِي ذِي لْكِتَاب ن يِزْمَار يتْوَانْغن.

لواحي ن يوحنا 15:3

تْغنَّاجن س يِيْزْڒِي ن مُوْسَى ڒْعَبْذ ن أَربِّـي ذ يِزْڒِي ن يِزْمَار قَّارن: "ڒخْذَايم نّش ذ ثِمقّْرَانِين يسْذهَّاشن، آ سِيذِي أَربِّـي نّغ إِ كُڒْشِي إِي يزمَّرن. ئِبْرِيذن نّش ذ ڒْحَقّ ذ نِيشَان إِݣ يدْجَان، آي اَزدْجِيذ ن ڒݣْنُوْس ن يِوْذَان.

لواحي ن يوحنا 19:1

منْبَعْد إِ مَانَايَا سْڒِيغ إِ يِجّن ن ثْمِيجَّا اَمشْنَاو صُّوْت ن وَاطَّاس ن يِوْذَان يدْجَان ذݣ وجنَّا، ثقَّار س جّْهذ: "حمْذث أَربِّـي! أَسنْجم ذ لْعَظَمَا ذ جّْهذ إِ أَربِّـي نّغ.

لواحي ن يوحنا 4:11

"آ مَوْلَانَا آ سِيذِي أَربِّـي نّغ، ذ شك إِي يسْذَاهدْجن لْعَظَمَا ذ ؤُوقَّار ذ جّْهذ، ڒَاحقَّاش شك ثْخڒْقذ كُڒْشِي، س ڒْخَاضَر نّش تْوَاخڒْقنْ-د اَقَاثن دْجَان."

لواحي ن يوحنا 5:13

ثُمَّا سْڒِيغ إِ كُڒ لْمخْلُوْق يدْجَان ذݣ وجنَّا ذ ثْمُوْرْث ذ سْوَادَّاي إِ ثْمُوْرْث ذ ڒبْحَر ذ مَارَّا مِين ذَايْسن قَّارن-اَسن إِ ونِّي يقِّيمن خ لْعَرْش ؤُڒَا ذ يِزْمَار: أَغَارْوم يِيڒِي لْحَمد ذ ؤُوقَّار ذ لْعَظَمَا ذ ڒحْكَام إِ ڒبْدَا ن ڒبْدَاث!"

لواحي ن يوحنا 5:6

ثُمَّا طَّارْف إِ لْعَرْش-أَ، ذِي ڒْوسْط ن اَرْبعَا ن لْمخْلُوْقَاث نِّي ذ يمْغَارن نِّي، ࢲْرِيغ ذِنِّي يجّن ن يزْمَار يبدّ وَلَكِن يتْبَان-د اَخْمِي ث نْغِين. غَارس سبْعَا ن وَاشَّاون ذ سبْعَا ن ثِيطَّاوِين. نِثْنِي ذ سبْعَا ن اَرُّوْحَاث ن أَربِّـي إِݣ يسّكّ غَار مَارَّا دُّنشْت-أَ.

لواحي ن يوحنا 5:8

وَامِي ييْسِي لْكِتَاب-أَ، لْمخْلُوقَاث نِّي س اَرْبعَا ذ اَرْبعَا أُو عِشْرِين ن يمْغَارن نِّي سجّْذن-اَس إِ يِزْمَار. مْكُڒ يجّن زَّايْسن غَارس ثْݣَامْبْرِيت غَارس ثِمجْمَارِين ݣِّين-ثنْت س دّْهب عمَّارنْت س تْبَخُوْر، يعْنِي ذ ثْࢲَادْجِيث ن ڒْمُوْمِنِين صَّالِحِين.

لواحي ن يوحنا 5:9

تْغنَّاجن س يِجّن ن يِزْڒْي ذ جْذِيذ قَّارن: "ذ شك إِي يسْذَاهدْجن اَذ تيْسِيذ لْكِتَاب أَذ ترْزْمذ يشمَّاعن نّس، ڒَاحقَّاش تْوَاغَرْصذ، ثسْنجْمذ يوْذَان إِ أَربِّـي س يذَامّن نّش زِي مْكُڒ ڒْقُوْم ذ لُّغَا ذ شَّعْب ذ ڒْݣنْس.

لواحي ن يوحنا 6:1

ثُمَّا ࢲْرِيغ يزْمَار نِّي وَامِي يرْزم يجّن زِي سبْعَا ن يشمَّاعن نِّي، سْڒِيغ إِ يِجّن زِي اَرْبعَا نِّي ن لْمخْلُوْقَاث يقَّار س جّْهذ اَم وَاجَّاج: "أَرَاح-د!"

لواحي ن يوحنا 7:12

قَّارنْت: "آمِين! لْحَمد ذ لْعَظَمَا ذ لْحِكْمَا ذ شُّكر ذ ؤُوقَّار ذ ثْزمَّار ذ جّْهذ إِ أَربِّـي نّغ إ ڒبْدَا ن ڒبْدَاث. آمِين!"