لواحي ن يوحنا 3:12 - ثريفيث 2020

¹² قَا ونِّي غَا يربْحن اَث سْبدّغ اَم يِجّن ن وپِــيلَار ذِي ثمْزِيذَا ثَمقّْرَانْت ن أَربِّـي ينُو اَذ يقِّيم ذِنِّي إِ ڒبْدَا. أَخَاس اَرِيغ يسم ن أَربِّـي ينُو ذ يِيسم ن ثنْدِينْت ن أَربِّـي ينُو، يعْنِي لْقُدْس ن جْذِيذ إِي د غَا يهْوَان زݣ وجنَّا زِي أَربِّـي ينُو. أَخَاس اَرِيغ يسم ينُو ذ جْذِيذ.

لواحي ن يوحنا 3:12 ပူးပေါင်းရင်းမြစ်များ

مرقس 12:16

ؤُشِين-اَس-ث-يذ. ينَّا-ٱسن: "وِي يِڒَان تصْوِيرْث-أَ ذ يِيسم-أَ إِي ذَايس؟" نَّان-اَس: "ن قَيْصَر."

أيث-ݣلاطيا 2:9

يَعْقُوْب ذ بُطْرُس ذ يُوْحَنَّا يتْوَاحْسَابن ذ يمقّْرَانن ذِي جْمَاعث نِّي، فهْمن اَرْضَا إِي ذَايِي يُوْشَا أَربِّـي سدْجْمن خَانغ نش ذ بَرْنَابَا س وفُوْس اَفُوْسِي نْسن اَمْعَاشَر. قبْڒن-اَنغ نشِّين أَ نْرَاح أَ نْبشَّر إِ يِنِّي يدْجَان ذ ييُوْنَانِيْين، نِثْنِي اَذ بشَّرن إِ يِنِّي يدْجَان زِي أَيث-إِسْرَائِيل.

أيث-ؤفسوس 3:15

زَّايس نتَّا إِي د تكّن يسمَاون ن لْأَصل ن مَارَّا ڒحْبَاب ن وجنَّا ذ ثْمُوْرْث.

يعيبرانيين 12:22

وَلَكِن كنِّيو ثْقَارّْبم-د غَار وذْرَار ن صِيَان يعْنِي ثَنْدِينْت ن أَربِّـي يدَّرن ذ لْقُدْس ن وجنَّا، ذَايس اَڒَاف ن ؤُرُوْفَاث ن لْمَلَائِكَاث.

يعيبرانيين 13:14

مِينْزِي ذَانِيتَا وَار غَارْنغ بُو ثنْدِينْت يتْدُوْمَان؛ لَّا، نْرزُّو خ ثنْدِينْت نِّي إِي د غَا يَاسن.

1 يوحنا 4:4

كنِّيو آ يحنْجِيرن، زِي أَربِّـي إِي ثدْجَام. ئِثَرَّاسن-أَ ثْغڒْبم-ثن ڒَاحقَّاش ونِّي يدْجَان ذَايْوم يمْغَر خ ونِّي يدْجَان ذِي دُّنشْت-أَ.

لواحي ن يوحنا 14:1

وَامِي خْزَرغ، تْوَاڒِيغ يزْمَار يبدّ خ وذْرَار ن لْقُدْس اَكِذس مِيَّا أُو اَرْبعَا أُو اَرْبعِين اَڒَاف. يُوْرَا خ ثنْيَارْث نْسن يسم ن يِزْمَار ذ يِيسم ن بَابَاس.

لواحي ن يوحنا 17:14

نِثْنِي اَذ حَارْبن يزْمَار وَلَكِن نتَّا اَثن يغْڒب؛ قَا نتَّا ذ مَوْلَانَا ن مَوْلَانَاث ذ أَزدْجِيذ ن يزدْجِيذن، يِنِّي إِي كِذس يدْجَان يڒَاغَا-يَاسن-د أَربِّـي يخْضَر-يثن، ذَايْسن يدْجَا ڒَامَان."

لواحي ن يوحنا 2:11

صنّط مْلِيح آ ونِّي يتْسْڒَان مِين يقَّار اَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن، وَار ث تْضَرِّي شَا ڒْموْث نِّي وِيس ثْنَاين.

لواحي ن يوحنا 2:17

صنّط مْلِيح آ ونِّي يتْسْڒَان مِين يقَّار أَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن، أَذَاس ؤُشغ اَذ يشّ اَغْرُوْم ن لْمَنَّا ونِّي يتْوَاسْنُوْفّرن. أَذَاس ؤُشغ اَزْرُو ذ اَشمْڒَاڒ يُوْرَا ذَايس يجّن ن يِيسم ذ جْذِيذ وَار ث يسِّين حَدّ إِلَّا ونِّي إِي ث غَا يقبْڒن.

لواحي ن يوحنا 2:7

صنّط مْلِيح آ ونِّي يتْسْڒَان مِين يقَّار أَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن اَذَاس ؤُشغ اَذ يشّ زِي ثْشجَّارْث ن ثُوْذَارث إِي يدْجَان ذِي جّنّث ن أَربِّـي.

لواحي ن يوحنا 21:2

ࢲْرِيغ ثَنْدِينْت يقدّْسن نتَّاث ذ لْقُدْس ذ جْذِيذ. ثهْوَا-د زݣ وجنَّا زِي أَربِّـي ثݣَّا اَم ثسْڒِيث ثعْذڒ يخف نّس بَاش اَذ تڒْقَا مُوْڒَاي.

لواحي ن يوحنا 22:4

أَذْ ࢲرن اَغمْبُوْب نّس، ئِسم نّس اَقَاث خ ثنْيَارْث نْسن.

لواحي ن يوحنا 3:5

ونِّي غَا يربْحن اَذَاس ݣّن اَرُّوْض ذ اَشمْڒَاڒ. نش عمَّارْص اَذ مسْحغ يسم نّس زِي لْكِتَاب ن ثُوْذَارْث، أَخَاس شهْذغ زَّاث إِ بَابَا ذ لْمَلَائِكَاث نّس.