لواحي ن يوحنا 3:10 - ثريفيث 2020

¹⁰ ثصْبَرذ خ مِين ش وصِّيغ، س مَانَايَا اَتَاف نش اَش حْمِيغ زِي ثْسَاعَّات نِّي ن ڒمْحَاين إِي د غَا يهْوَان خ مَارَّا دُّنشْت-أَ حمَا يمزْذَاغ ن تْمُوْرْث اَزَّايس تْوَاجَرّْبن.

لواحي ن يوحنا 3:10 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:14

لْإِنْجِيل ن ڒْمُلْك ن أَربِّـي اَخَاس حدّْثن يِوْذَان ذِي مَارَّا ثِمُوْرَا ن دُّنشْت حمَا اَغَارْسن ثِيڒِي شْهَاذث خَافِي. ڒخْدّنِّي إِي د غَا يَاس ڒفْنَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:41

إِڒِيم عْلَابَال ࢲَّادْجم حمَا وَار تِيذْفم شَا ذِي ڒمْحَاين. ؤُڒ ن بْنَاذم يوْجذ وَلَكِن دَّات نّس ثضْعف."

أَسڒْمذ ن سِيذِيثْنغ عِيْسَى لْكِتَاب ن مَتَّى 6:13

وَار ذَانغ تݣّ شَا ذِي ڒمْحَاين، سنْجم-اَنغ زِي شَّرّْ. {ڒَاحقَّاش ڒْمُلْك يدْجَان نّش، ذ ثِزمَّار، ذ لْعَظَمَا إِ شك إِ ڒبْدَا. آمِين.}

مرقس 14:9

أَقَا تسْڒَام ڒْحَقّ: مَانِي مَا يُوْوض لْإِنْجِيل ذِي دُّنشْت-أَ اَمن-ثكْمَاڒ، أَتَاف اَذ عَاوْذن خ ثمْغَارْث-أَ ذ مِين ذَايِي ثݣَّا اَم يِجّن ن ذِكْرَا خَاس."

لوقا 2:1

ذِي ڒِيَّام نِّي اَزدْجِيذ قَيْصَر أَݣُسْطُس يُوْشَا لْأَمَار اَذ حسْبن مَارَّا يمزْذَاغ ن ثْمُوْرَا إِي ذِي يحْكم.

يوحنا 17:6

سْبيّْنغ-د يسم نّش إِ يمحْضَارن-أَ إِي ذَايِي ثُوْشِيذ زِي دُّنشْت-أَ. شك ثدْجِيذ ذ بَاب نْسن قْبڒ، ثُوْشِيذ-اَيِي-ثن، قَا طَاعن إِ وَاوَاڒ نّش.

أيث-روما 1:8

ذ اَمزْوَارُو، تْشكَّرغ أَربِّـي خَاوم مَارَّا إِذْوم س يِيسم ن عِيْسَى لْمَسِيح ڒَاحقَّاش لإِيمَان نْوم اَرِّين-اَس-د ڒخْبَار ذِي دُّنشْت-أَ ثكْمَاڒ.

1 أيث-كورينث 10:13

ثِمسْڒَايِين نِّي ثِنِّي إِݣ يتِيڒِين ڒبْدَا اَك بْنَاذم ذ ثِنِّي إِي كنِّيو يتْغَارَّان. أُو أَربِّـي نتَّا ذَايس تِّقث، وَار كنِّيو يتجِّي شَا اَذ تْوَاغَارَّام س مِين وَار ثْزمَّرم اَذ تصْبَرم؛ لَّا، أَذَاوم يذبَّر يجّن ن ثوَّارْث حمَا اَذ تصْبَرم إِ مَانَاينِّي.

أيث-ؤفسوس 6:13

س مَانَايَا يْسِيث غَارْوم مَارَّا ڒسْنَاح ن أَربِّـي بَاش وَار تْركّْوِيڒم شَا ذِي نْهَار ن شَّرّْ. أُو مڒَا ثݣِّيم مَانَايَا مَارَّا، أَتَاف اَذ تْبدّم.

2 تيموتاوس 2:12

مڒَا نصْبَر، أُوْشَا أَ نحْكم اَكِذس. مڒَا ننْكَر-يث، أَوْشَا عَاوذ نتَّا اَذَانغ ينْكَر.

ثبرات غار يعقوب 3:12

لَّا آي أَيثْمَا. مَا ثزمَّر ثْشجَّارْث ن ثَازَارْث اَذ تَارو زِّيتُون، نِغ ثْزَايَارْث وضِيڒ اَذ تَارو ثَازَارْث؟ لَّا. ؤُڒَا ذ ڒْعُنْصَر اَمدْجَاح وَار يزمَّر اَذ د يسُوْفغ اَمَان ذ يمِيزِيضن.

1 بطرس 4:12

آي يمْعِيزّن ينُو، وَار تْعجِّيبم شَا عْلَاحْسَاب ڒْمِحْنث-أَ إِي خَاوم د يوْضَان اَم ثْمسِّي بَاش اَكنِّيو ثْجَرّب. وَار تْفكَّرث شَا بلِّي مَانَايَا عَاجِب.

2 بطرس 2:9

أَمُّو عَاوذ يسّن أَربِّـي اَذ يسنْجم يِنِّي إِي ذَاس يتْطَاعَان زِي ڒمْحَاين إِي خَاسن د يتكّن. ئِسّن عَاوذ اَذ يقّن ينِّي يعصَّان سْوَادَّاي لْحُكم نّس حتَّا ٱڒ يُوْم لْحِسَاب ذ لْعِقَاب.

لواحي ن يوحنا 1:9

نش ذ يُوْحَنَّا ذ ؤُمَاثْوم، شرّْشغ اَكِذْوم ذِي ڒمْحَاين ذ ڒْمُلْك ن أَربِّـي ذْ صّْبَار إِݣ يدْجَان ذِي عِيْسَى. تُوْغَا دْجِيغ ذِي ثيْزِيْرْث ن بَطْمُس عْلَاحْسَاب اَوَاڒ ن أَربِّـي ذ مِين خف يشْهذ عِيْسَى.

لواحي ن يوحنا 11:10

يمزْذَاغ ن ثْمُوْرْث اَذ فَرْحن اَذ زْهُوْن س ڒْموْث نْسن. أَذ ؤُشن يكَادُوْثن إِ وَايَاوْيَا ڒَاحقَّاش لْأَنْبِيَا نِّي س ثْنَاين، يعْنِي ڒشْهُوْذ نِّي، عدّْبن اَطَّاس يمزْذَاغ ن ثْمُوْرْث.

لواحي ن يوحنا 13:10

ونِّي مِيْنْخف يُوْرَا اَذ يتْوَاحبّس، أَتَاف اَذ يتْوَاحبّس. ونِّي مِيْنْخف يُوْرَا اَذ يتْوَانغ س سِّيف، أَتَاف اَذ يتْوَانغ س سِّيف. ذِي لْحَالَا نِّي يتْخصَّا ڒْمُوْمِنِين صَّالِحِين اَذ صْبَارن اَذ اَمْنن.

لواحي ن يوحنا 13:14

ئِخدّع يمزْذَاغ ن ثْمُورْث س لْمُعْجِزَاث نِّي إِي ذَاس يتْوَاسمْحن اَثنْت يݣّ زَّاث إِ ڒْوَحْش اَمزْوَارُو. يُوْمَر يمزْذَاغ ن ثْمُوْرْث اَذ صنْعن يجّن ن لْأَصْنَام اَم ڒْوَحْش نِّي إِي ذِي يدْجَا وجَرِّيح ن سِّيف وَلَكِن نتَّا يدَّر.

لواحي ن يوحنا 13:8

مَارَّا يمزْذَاغ ن ثْمُوْرْث اَذَاس سجّْذن إِ ڒْوَحْش-أَ، يعْنِي كُڒ يجّن زَّايْسن يسم نّس وَار يزمّم شَا ذِي لْكِتَاب ن ثُوْذَارْث زݣ وَامِي ثدْجَا دُّنشْت-أَ، يعْنِي ذِي لْكِتَاب ن يِزْمَار يتْوَانْغن.

لواحي ن يوحنا 14:12

ذِي لْحَالَا نِّي يتْخصَّا-يَاسن إِ ڒْمُوْمِنِين صَّالِحِين اَذ صْبَرن اَذ ݣّن اَرَّاي س ڒُوْصِيَاث ن أَربِّـي اَذ اَمْنن زِي عِيْسَى.

لواحي ن يوحنا 14:6

ࢲْرِيغ يجّن ن لْمَلَائِكَا نّغْنِي ثطَّاو ذِي ڒْوسْط ن وجنَّا. غَارس لْإِنْجِيل وَار يفنِّين اَذ تْبشَّر زَّايس يمزْذَاغ ن ثْمُوْرْث زِي مْكُڒ ڒْݣنْس ذ ڒْقُوْم ذ لُّغَا ذ شَّعْب.

لواحي ن يوحنا 16:14

يِيْنَا ذ اَرُّوْحَاث ن شَّيَاطِين تݣّن لْمُعْجِزَاث زَعْمَا. تْرَاحن غَار يزدْجِيذن ن ثْمُوْرْث مَارَّا حمَا اَثن سْمُوْنن إِ ڒْحَرْب ذِي نْهَار نِّي اَمقّْرَان ن أَربِّـي إِݣ يزمَّرن إِ كُڒْشِي.

لواحي ن يوحنا 17:2

فسْذن اَكِذس يزدْجِيذن ن ثْمُوْرْث أُو عَاوذ يمزْذَاغ ن ثْمُوْرْث سْكَارن س وَامَان وضِيڒ يعْنِي لْفَسَاد نّس."

لواحي ن يوحنا 17:8

ڒْوَحْش نِّي إِي ثࢲْرِيذ تُوْغَا يدْجَا، ڒخُّو وَار يدْجِي شَا، عْڒَاين اَذ د يݣَعّذ زِي ڒَادْجغ بْڒَا ڒَاحدّ اَذ يتْوَاهْذم. ئِمزْذَاغ ن ثْمُوْرْث خْمِي غَا ࢲرن ڒْوَحْش نِّي أَتَاف اَذ دهْشن يعْنِي كُڒ يجّن يسم نّس وَار يزمّم شَا زݣ وَامِي ثدْجَا دُّنشْت ذِي لْكِتَاب ن ثُوْذَارْث. ڒَاحقَّاش ڒْوَحْش نِّي تُوْغَا يدْجَا، ڒخُّو وَار يدْجِي شَا، عَاذ اَذ د يَاس.

لواحي ن يوحنا 2:10

وَار تݣّْوذ شَا زِي مَامّش إِي غَا تْوَاعدّْبذ. أَقَا إِبْڒِيس اَذ يسِيذف ڒبْعَاض زَّايْوم غَار ڒحْبس حمَا اَذ تْوَاجَرّْبم. أَذ تْسعْذُوْم ڒمْحَاين ذي عشْرَايَّام. اَرْنِي ذِي لْإيْمَان نّش وَاخَّا اَش نْغن، نش اَذَاش ؤُشغ تَّاج ن ثُوْذَارْث.

لواحي ن يوحنا 3:8

نش سّْنغ ڒخْذَايم نّش. أَقَا ݣِّيغ زَّاثش يجّن ن ثوَّارْث ثْنُوْرْزم وَار يزمَّر حَدّ اَت يبلّع. وَاخَّا جّْهذ نّش ذ ؤُقْلِيل، ثݣِّيذ اَرَّاي إِ وَاوَاڒ ينُو وَار ثنْكَرذ شَا يسم ينُو.

لواحي ن يوحنا 6:10

سْنكَّرن ثْغُويِّيث س جّْهذ نَّان: "يَا مَوْلَانَا يَا ونِّي عَظِيم يدْجَان ذ ڒْحَقّ، مشْحَاڒ غَا ثكّذ وَار تْحِيْسِيْبذ يمزْذَاغ ن دُّنشْت-أَ، أَثن ثْعَاقْبذ خ يذَامّن نّغ؟"

لواحي ن يوحنا 8:13

خْزَرغ، سْڒِيغ إِ يِجّن ن نْسر يطَّاو ذِي ڒْوسْط ن وجنَّا يڒَاغَا س جّْهذ ينَّا: "يَا تَمَارَا، يَا تَمَارَا، يَا تَمَارَا خ يمزْذَاغ ن ثْمُوْرْث عْلَاحْسَاب ثْڒَاثَا ن لْمَلَائِكَاث نِّي إِݣ يقِّيمن عَاذ وَار صُوْضنْت شَا ذِي زّْوَامَّار نْسنْت".