لواحي ن يوحنا 22:6 - ثريفيث 2020

⁶ ينَّا-ٱيِي لْمَلَاك ونِّي: "أَوَاڒن-أَ ذَايْسن ڒَامَان ذَايْسن ڒْحَقّ. أَربِّـي نتَّا ذ مَوْلَانَا إِي د يسهْوَان لْوَاحِي خ لْأَنْبِيَا، ئِسّكّ-د لْمَلَاك نّس حمَا اَذ د يسْمظْهَار إِ يِنِّي ث يعبّْذن مِين لَابُد غَا يوقْعن عْڒَاين."

لواحي ن يوحنا 22:6 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:41

أَذ د يسّكّ مِّيس ن بْنَاذم لْمَلَائِكَاث نّس، أَذ كّْسنْت زِي ڒْمُلْك نّس مَارَّا مِين يتْسبَّابن ذِي ڒْمُعْصِيَاث ذ يِنِّي يتݣّن شَّرّْ.

لوقا 1:70

مَانَايَا يسِّيوڒ س يِيڒسَاون ن لْأَنْبِيَا صَّالِحِين اَطَّاس زݣ وَامِي،

لوقا 16:16

شَّرِيعَا ن مُوْسَى ذ وسڒْمذ ن لْأَنْبِيَا تُوْغَا دْجَان اَڒ وَامِي د يُوْسَا يَحْيَى. زِي ڒْوقْث ن يَحْيَى سّنِّي اَڒ ثْسَاونْت يبْذَا يتْوَابشَّار ڒْمُلْك ن أَربِّـي، كُڒ يجّن يتمْذحَّاس حمَا اَذَايس يَاذف.

ڒخذايم 12:11

ذِنِّي إِي د يَارَّا بُطْرُس ڒْبَاڒ نّس ينَّا: "ڒخُّو سّْنغ مَانَايَا ذ صَّح قَا يسّكّ-اَيِي-د سِيذِي أَربِّـي لْمَلَائِكَا نّس، ئِسنْجم-اَيي-د زݣ يفَاسّن ن هِيرُدُوْس ذ مَارَّا مِين خْسن اَذَايِي ݣّن أَيث-إِسْرَائِيل."

ڒخذايم 3:18

أَمُّو يكمّڒ وَاوَاڒ نّس إِي ينَّا أَربِّـي إِ مَارَّا لْأَنْبِيَا زِي قْبڒ، يعْنِي يتْخصَّا لْمَسِيح نّس اَذ يتْوَاعدّب.

أيث-روما 1:2

لْإِنْجِيل-أَ إِي زِي يوْعذ أَربِّـي ذِي زْمَان س يِيڒس ن لْأَنْبِيَا نّس ذِي لْكِتَاب لْمُقدّس.

1 أيث-كورينث 14:32

وَا لْقُدْرَاث رُوْحِيَاث ن لْأَنْبِيَا اَقَاثنْت خ يِيرِي نْسن س يِيخف نْسن.

1 أيث-كورينث 7:29

فَا آي اَيثْمَا، مِين رزُّوْغ اَذ ينِيغ؟ ڒْوقْث اَقَا ثْقَارّب-د. سَّا ٱڒ ثْسَاونْت يِنِّي يمڒْشن اَذ عِيشن اَخْمِي وَار مْڒِيشن شَا،

2 أيث-سلونيك 1:7

أَذَاوم يُوْش اَرَّاحث اَكِذْنغ كنِّيو يتْوَامحَّانن. مَانَايَا اَذ يِيڒِي خْمِي د غَا يمظْهَار سِيذِيثْنغ عِيْسَى زݣ وجنَّا ذݣ يِجّن ن ثْمسِّي ثْحدّق، أَكِذس د مظْهَارنْت لْمَلَائِكَاث نّس يجهْذن.

يعيبرانيين 12:9

أُو عَاوذ نشِّين مَارَّا تُوْغَا غَارْنغ لْوَالِدِين ذِي دُّنشْت-أَ إِي ذَانغ يتْربَّان نتْسذْحَا زَّايْسن. إِيوَا نشِّين مڒَا أَ ندَّر، أَتَاف أَ نْسذْحَا زِي بَابَاثْنغ ن وجنَّا كْتَار نِغ لَّا؟

2 بطرس 1:21

لِأَنَّا اَوَاڒن ن لْأَنْبِيَا تُوْغَا عمَّارْص وَار تفِّيغن شَا زِي لْأَفْكَار نْسن؛ لَّا، نِثْنِي سَّاوَاڒن زِي مِين ذَاسن د يتَاسن زِي أَربِّـي مَامش إِي خَاسن د يهوَّا أَرُّوْح يقدّْسن.

2 بطرس 3:2

خْسغ اَذ تْعقْڒم خ وَاوَاڒن نِّي تُوْغَا نَّان ذِي زْمَان لْأَنْبِيَا صَّالِحِين؛ خْسغ اَذ تْعقْڒم عَاوذ خ ڒُوْصِيّث نِّي ن ومْسنْجم نّغ ذ سِيذِيثْنغ يعْنِي ثنِّي إِي ذَاوم د يمُّوْشن س ؤُقمُّوْم ن اَرُّسُل نْوم.

لواحي ن يوحنا 1:1

وَانِيتَا ذ لْوَحِي ن عِيْسَى لْمَسِيح. يُوْشَا-اَس-ث أَربِّـي حمَا اَث يسْمظْهَار إِ يِنِّي ث يعَبّْذن. مَانَايَا يتْخصَّا أُو لَابُد اَذ يوْقع ذغْيَا. لْمَسِيح يسّكّ لْمَلَاك نّس اَذ يخبَّر مَانَايَا إِ ڒْعَبْذ نّس قَّارن-اَس يُوْحَنَّا.

لواحي ن يوحنا 18:20

آي اَجنَّا، فَرح خ وهْذَام نّس، فَرْحم آ ڒْمُوْمِنِين صَّالِحِين ذ اَرُّسُل ذ لْأَنْبِيَا! أَقَا يحَاسب-يت أَربِّـي خ مِين ذَاوم ثݣَّا."

لواحي ن يوحنا 19:9

ينَّا-ٱيِي لْمَلَاك ونِّي: "أَرِي مَانَايَا: سَّعْذ ن يِنِّي يتْوَاعَرْضن غَار ومنْسِي ن ڒْفَارْح ن يِزْمَار!" ينَّا-ٱيِي عَاوذ: "أَوَاڒن-أَ دْجَان ذ صَّح زِي أَربِّـي."

لواحي ن يوحنا 21:5

ينَّا-ٱيِي ونِّي يقِّيمن خ لْعَرْش: "أَذ ݣّغ كُڒْشِي ذ جْذِيذ!" أُوْشَا ينَّا: "أَرِي مَانَايَا قَا اَوَاڒن-أَ ذَايْسن ڒَامَان ذَايْسن ڒْحَقّ."

لواحي ن يوحنا 21:9

يُوْسَا-د غَارِي يجّن زِي سبْعَا ن لْمَلَائِكَاث نِّي إِي غَار دْجَانْت سبْعَا ن ثْمجْمَارِين إِݣ يعمَّرن س سبْعَا ن لْمُصِيبَاث نِّي ثِنْݣُّوْرَا، ينَّا-ٱيِي: "أَرَاح-د، أَذَاش د سْمظْهَارغ ثَسْڒِيث، يعْنِي ثنِّي غَا يَاوِين يزْمَار."

لواحي ن يوحنا 22:1

ئِسْمظْهَار-اَيي-د لْمَلَاك نِّي يغْزَار ن وَامَان ن ثُوْذَارْث صْفَان اَم جَّاج، ئِتفّغ-د زِي لْعَرْش ن أَربِّـي ذ يِزْمَار

لواحي ن يوحنا 22:16

ذ نش عِيْسَى سّكّغ-د لْمَلَاك ينُو حمَا اَذَاوم يشْهذ خ ثْمسْڒَايِين-أَ ذِي ثْجُمَاع ن ڒْمُوْمِنِين. نش ذ لْأَصْل ن دَاود أُو زِي دُّوْرِّيث نّس. نش ذ يثْرِي ن ڒفْجَر يتْشعْشِيعن."

لواحي ن يوحنا 22:7

"نش اَقَا ؤُسِيْغ-د وَار تْعطَّاڒغ شَا! سَّعْذ ن يِنِّي يتݣّن اَرَّاي إِ وَاوَاڒن ن لْوَاحِي يدْجَان ذِي لْكِتَاب-أَ."

لواحي ن يوحنا 4:1

منْبَعْد إِ مَانَايَا ࢲْرِيغ يجّن ن ثوَّارْث ثْنُوْرْزم ذݣ وجنَّا، سْڒِيغ إِ ثْمِيجَّا نِّي إِي غَارِي د يسِّيوْڒن زِي قْبڒ صُّوْت نّس يݣَّا اَم زَّمَّار، ثنَّا-ٱيِي-د: "ݣَعّذ-د ذَانِيتَا اَذَاش د سْمظْهَارغ مِين لَابُد غَا يوقْعن منْبَعْد إِ مَانَايَا."