لواحي ن يوحنا 22:14 - ثريفيث 2020

¹⁴ سَّعْذ ن يِنِّي يتْصبَّانن يتْشَامِّيرن نْسن، حمَا اَغَارْسن يِيڒِي ڒْحَقّ ذِي ثْشجَّارْث ن ثُوْذَارْث اَذ اَذْفن ثَنْدِينْت زِي ثوُّوْرَا نّس.

لواحي ن يوحنا 22:14 ပူးပေါင်းရင်းမြစ်များ

يوحنا 10:7

ينَّا-ٱسن عِيْسَى عَاوذ: "أَقَا تسْڒَام ڒْحَقّ: نش ذ ثَوَّارث ن ڒْكُوْرِي.

يوحنا 10:9

نش ذ ثَوَّارث، ونِّي زَّايي غَا يَاذْفن اَذ ينْجم. أَذ يِيڒِي اَمشْنَاو يجّن ن وحُوْڒِي يتَاذف يتفّغ يتَاف مِين غَا يشّ.

يوحنا 14:15

مڒَا تْحِبِّيم-اَيِي كنِّيو، ݣّث زِي ڒُوْصِيَاث ينُو.

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

يوحنا 4:12

جدِّيثْنغ يَعْقُوْب يُوْشَا-ٱنغ اَنُو-يَا، ئِسْوَا زَّايس نتَّا س يِيخف نّس ذ ثَارْوَا نّس ذ ڒبْهَايم نّس. مَا ثْحسّْبذ يخف نّش كْتَار زَّايس؟"

1 أيث-كورينث 7:19

مڒَا يتْطهَّار نِغ وَار يتْطهِّير شَا، مَانَاينِّي يتْوَاحْسَاب ذ وَالُو. مڒَا يتݣّ س ڒُوْصِيَاث ن أَربِّـي ذ مَانَاينِّي إِݣ يتْوَاحْسَابن.

1 أيث-كورينث 8:9

وَلَكِن حْضَام يخف نْوم ذِي لْحُرِّيَا-يَا نْوم ثَانِيتَا بَاش وَار ثْغطّْڒم شَا يِنِّي يضعْفن ذِي لْإِيمَان نْسن اَذ وْضَان.

1 أيث-كورينث 9:5

نشِّين مَا وَار غَارْنغ بُو ڒْحَقّ أَ نَاوِي اَكِذْنغ ثِمْغَارِين ڒْمُوْمِنَاث مَامّش ݣِّين اَرُّسُل نّغْنِي ذ اَيثْمَاس ن سِيذِيثْنغ ذ بُطْرُس؟

أيث-ݣلاطيا 5:6

لِأَنَّا ذِي عِيْسَى لْمَسِيح يعْنِي بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع س وَالُو. مِين ينفّْعن؟ ئِنفّع لْإِيمَان إِݣ يخدّْمن شّْغڒ نّس س ڒمْحِبّث.

1 يوحنا 3:3

أُو مَارَّا ونِّي غَار يدْجَا لْأَمَال-أَ اَذ يسِّيصْفَا يخف نّس اَم مَامّش يدْجَا نتَّا يصْفَا.

1 يوحنا 5:3

لِأَنَّا ذ ثَا ذ ڒمْحِبّث ن أَربِّـي يعْنِي نتْطَاعَا إِ ڒُوْصِيَاث نّس. أُو ڒُوْصِيَاث-أَ نّس وَار خَانغ تذْقِيڒنْت شَا.

لواحي ن يوحنا 2:7

صنّط مْلِيح آ ونِّي يتْسْڒَان مِين يقَّار أَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن اَذَاس ؤُشغ اَذ يشّ زِي ثْشجَّارْث ن ثُوْذَارث إِي يدْجَان ذِي جّنّث ن أَربِّـي.

لواحي ن يوحنا 21:12

غَارس يجّن ن ڒْحِيض ذ اَمقّْرَان يُوْعْڒَا غَارس ثنْعَاش ن ثوُّوْرَا، ثنْعَاش ن ثوُّوْرَا نِّي خَاسنْت ثنْعَاش ن لْمَلَائِكَاث. يُوْرَا خ ثوُّوْرَا نِّي يسمَاون ن ثنْعَاش ن ثْقبَّاڒ ن أَيث-إِسْرَائِيل.

لواحي ن يوحنا 21:27

وَار ذِنِّي تَاذف ؤُڒَا ذ يجّن ن ثْمسْڒَايْث ثْوسّخ نِغ ذ يكْرُوْشَارن نِغ ذ يِنِّي يقَّارن يخرِّيقن. أَذ اَذْفن ذِنِّي غِير يِنِّي غَار دْجَان يسمَاون نْسن زمّْمن ذِي لْكِتَاب ن ثُوْذَارْث ن يِزْمَار.

لواحي ن يوحنا 22:2

يتَازّڒ ذِي ڒْوسْط ن شَّارِع ن ثنْدِينْت. خ ثْنَاين ن يغزْذِيسن ن يِغْزَار-أَ ذِنِّي ثْشجَّارْث ن ثُوْذَارْث. تَارو ثنْعَاش ن ثْوَاڒَاثِين كُڒ شْهَار يجّن ن ثْوَاڒَا، أَفَر نّس ئِسْݣنْفَا ڒݣْنُوْس.

لواحي ن يوحنا 22:7

"نش اَقَا ؤُسِيْغ-د وَار تْعطَّاڒغ شَا! سَّعْذ ن يِنِّي يتݣّن اَرَّاي إِ وَاوَاڒن ن لْوَاحِي يدْجَان ذِي لْكِتَاب-أَ."

لواحي ن يوحنا 7:14

جَاوْبغ-ث نِّيغ-اَس: "ذ شك إِي يسّْنن آ سِيذِي." ينَّا-ٱيِي: "يِيْنَا ذ يِنِّي ينجْمن زِي ڒْمِحْنث ثَمقّْرَانْت، صبّْنن يتْشَامِّيرن نْسن س يذَامّن ن يِزْمَار اَرِّين-ثن ذ يشمْڒَاڒن.