لواحي ن يوحنا 22:1 - ثريفيث 2020

¹ ئِسْمظْهَار-اَيي-د لْمَلَاك نِّي يغْزَار ن وَامَان ن ثُوْذَارْث صْفَان اَم جَّاج، ئِتفّغ-د زِي لْعَرْش ن أَربِّـي ذ يِزْمَار

لواحي ن يوحنا 22:1 ပူးပေါင်းရင်းမြစ်များ

يوحنا 13:32

مڒَا أَربِّـي يتْوَاسمْغَار س مِّيس، أَتَاف اَث يسمْغَار عَاوذ أَربِّـي ذݣ يِيخف نّس، أُو ذغْيَا اَث يسمْغَار.

يوحنا 15:26

أَذ د يَاس لْمُعَاوِن يعْنِي أَرُّوْح ن لْحَقِيقَا. أَذَاوم ثِيذ سّكّغ نش زِي بَابَا أُو نتَّا يفّغ-د زِي بَابَا. خْمِي د غَا يَاس، أَخَافِي يشْهذ.

يوحنا 4:14

وَلَكِن ونِّي غَا يسْون اَمَان إِي ذَاس غَا ؤُشغ نش اَتَاف وَار يتْفِيذِي شَا عمَّارْص. أَمَان إِي ذَاس غَا ؤُشغ نش اَذ ذوْڒن ذَايس اَمشْنَاو يجّن ن ڒْعُنْصَر اَزَّايس ثسْفِي ثُوْذَارْث ن ڒبْدَا."

ڒخذايم 2:33

وَامِي يتْوَارْفع غَار وفُوْسِي ن أَربِّـي، ئِيْسِي زِي بَابَاس أَرُّوْح يقدّْسن إِي زِي ث يوْعذ، ئِسْفَرغ-د عِيسَى مَانَايَا إي تْوَاڒَام ڒخُّو ذ مَانَايَا إي ثسْڒَام.

لواحي ن يوحنا 1:1

وَانِيتَا ذ لْوَحِي ن عِيْسَى لْمَسِيح. يُوْشَا-اَس-ث أَربِّـي حمَا اَث يسْمظْهَار إِ يِنِّي ث يعَبّْذن. مَانَايَا يتْخصَّا أُو لَابُد اَذ يوْقع ذغْيَا. لْمَسِيح يسّكّ لْمَلَاك نّس اَذ يخبَّر مَانَايَا إِ ڒْعَبْذ نّس قَّارن-اَس يُوْحَنَّا.

لواحي ن يوحنا 21:11

ذَايس لْعَظَمَا ن أَربِّـي، نُّوْر نّس اَمشْنَاو ثَزْرُوْت ثَصبْحَانْت، أَمشْنَاو ثَزْرُوْت ن لْيَشب ثصْفَا اَطَّاس.

لواحي ن يوحنا 21:6

ينَّا-ٱيِي: "صَافِي، ئِتْوَاكمّڒ. نش ذ لْأَلِف نش ذ لْيَاء. نش كُڒْشِي زَّايِي إِݣ يبْذَا، نش كُڒْشِي زَّايِي إِي غَا يكمّڒ. أَذ ؤُشغ إِ ونِّي يفُوْذن زِي ڒْعُنْصَر ن وَامَان ن ثُوْذَارْث بَاطڒ.

لواحي ن يوحنا 21:9

يُوْسَا-د غَارِي يجّن زِي سبْعَا ن لْمَلَائِكَاث نِّي إِي غَار دْجَانْت سبْعَا ن ثْمجْمَارِين إِݣ يعمَّرن س سبْعَا ن لْمُصِيبَاث نِّي ثِنْݣُّوْرَا، ينَّا-ٱيِي: "أَرَاح-د، أَذَاش د سْمظْهَارغ ثَسْڒِيث، يعْنِي ثنِّي غَا يَاوِين يزْمَار."

لواحي ن يوحنا 22:17

أَرُّوْح ذ ثْسْڒِيث قَّارن: "أَرَاح-د!" ونِّي يتْسْڒَان اَذ يِينِي: "أَرَاح-د!" ونِّي يفُوْذن اَذ د يَاس، ونِّي يرزُّون اَمَان ن ثُوْذَارْث اَذ يسو بَاطڒ!

لواحي ن يوحنا 22:6

ينَّا-ٱيِي لْمَلَاك ونِّي: "أَوَاڒن-أَ ذَايْسن ڒَامَان ذَايْسن ڒْحَقّ. أَربِّـي نتَّا ذ مَوْلَانَا إِي د يسهْوَان لْوَاحِي خ لْأَنْبِيَا، ئِسّكّ-د لْمَلَاك نّس حمَا اَذ د يسْمظْهَار إِ يِنِّي ث يعبّْذن مِين لَابُد غَا يوقْعن عْڒَاين."

لواحي ن يوحنا 3:21

ونِّي غَا يربْحن اَث جّغ اَكِذِي يقِّيم خ لْعَرْش ينُو، أَم ربْحغ ؤُڒَا ذ نش قِّيمغ اَك بَابَا خ لْعَرْش نّس.

لواحي ن يوحنا 5:13

ثُمَّا سْڒِيغ إِ كُڒ لْمخْلُوْق يدْجَان ذݣ وجنَّا ذ ثْمُوْرْث ذ سْوَادَّاي إِ ثْمُوْرْث ذ ڒبْحَر ذ مَارَّا مِين ذَايْسن قَّارن-اَسن إِ ونِّي يقِّيمن خ لْعَرْش ؤُڒَا ذ يِزْمَار: أَغَارْوم يِيڒِي لْحَمد ذ ؤُوقَّار ذ لْعَظَمَا ذ ڒحْكَام إِ ڒبْدَا ن ڒبْدَاث!"

لواحي ن يوحنا 5:6

ثُمَّا طَّارْف إِ لْعَرْش-أَ، ذِي ڒْوسْط ن اَرْبعَا ن لْمخْلُوْقَاث نِّي ذ يمْغَارن نِّي، ࢲْرِيغ ذِنِّي يجّن ن يزْمَار يبدّ وَلَكِن يتْبَان-د اَخْمِي ث نْغِين. غَارس سبْعَا ن وَاشَّاون ذ سبْعَا ن ثِيطَّاوِين. نِثْنِي ذ سبْعَا ن اَرُّوْحَاث ن أَربِّـي إِݣ يسّكّ غَار مَارَّا دُّنشْت-أَ.

لواحي ن يوحنا 7:17

ڒَاحقَّاش يزْمَار إِي يدْجَان ذِي ڒْوسْط ن لْعَرْش اَثن يَرْوس، اَثن يَاوِي اَكِذس غَار مَانِي دْجَان ڒَعْنَاصر ن وَامَان ن ثُوْذَارْث. أَربِّـي اَذ يمْسح كُڒ اَمطَّاو زِي ثِيطَّاوِين نْسن."