لواحي ن يوحنا 21:23 - ثريفيث 2020

²³ ثَنْدِينْت-أَ وَار تحْذِيجِي شَا ثْفَاوْث ن ثْفُوْشْت نِغ ن ثْزِيرِي ڒَاحقَّاش لْعَظَمَا ن أَربِّـي نتَّاث إِي يتݣّن ذِنِّي ثْفَاوْث، ئِزْمَار ذ نتَّا ذ ڒفْنَار نّس.

لواحي ن يوحنا 21:23 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:27

أَقَا مِّيس ن بْنَاذم اَذ د يَاس س لْعَظَمَا ن بَابَاس اَك لْمَلَائِكَاث نّس، أُوشَا اَذ يجَازَا مْكُڒ يجّن عْلَاحْسَاب ڒْخذْمث نّس.

مرقس 8:38

ونِّي خَافِي غَا يعفَّرن نش نِغ اَذ يعفَّر خ وَاوَاڒ ينُو ذِي زْمَان-أَ اَعفَّان يخدّْعن أَربِّـي، أَتَاف اَخَاس يعفَّر مِّيس ن بْنَاذم خْمِي د غَا يَاس س لْعَظَمَا ن بَابَاس اَك لْمَلَائِكَاث يقدّْسن.

لوقا 2:32

نتَّا ذ يجّن ن نُّوْر إِي ثسْمظْهَارذ إِ ڒݣْنُوْس، نتَّا ذ يجّن ن لْعَظَمَا ن شَّعْب نّش ن أَيْث-إِسْرَائِيل."

يوحنا 1:14

أَوَاڒ-أَ يذْوڒ ذ بْنَاذم، ئِزْذغ جَارَانغ. نشِّين نࢲْرَا لْعَظَمَا غَارس يدْجَان، لْعَظَمَا-يَا ثدْجَا غَار مِّيس وَاحْذس ن بَابَاس. نتَّا يشُّوْر س اَرْضَا ذ لْحَقِيقَا.

يوحنا 1:18

ؤُڒَا ذ يجّن وَار يࢲْرِي أَربِّـي عَمَّارْص. مِّيس وَاحْذس إِݣ يدْجَان ذݣ وُوْڒ ن بَابَاس ذ نتَّا إِي ذَانغ د يسْمظْهَارن سِيذِي أَربِّـي.

يوحنا 1:4

ذَايس إِي ثدْجَا ثُوْذَارْث، أُو ثُوْذَارْث نِّي نتَّاث ذ نُّوْر إِ يِوْذَان.

يوحنا 1:9

يعْنِي نُّوْر نِّي نِيشَان تُوْغَا د يتَاسن غَار دُّنشْت-أَ اَذ يشعْشع خ كُڒ بْنَاذم.

يوحنا 17:24

آ بَابَا، يِيْنَا ذَايِي ثُوْشِيذ خْسغ اَذ يڒِين اَكِذِي مَانِي مَا دْجِيغ نش حمَا اَذ ࢲرن لْعَظَمَا ينُو إِي ذَايِي ثُوْشِيذ مِينْزِي شك ثْحِبّذ-اَيِي قْبَڒ مَا ٱذ تِيڒِي دُّنشْت.

يوحنا 5:23

حمَا مَارَّا اَذ كَرْمن مِّيس اَمش تْكَرَّامن بَابَاس. ونِّي وَار يتْكَرِّيمن شَا مِّيس وَار يتْكَرِّيم شَا ؤُڒَا ذ بَابَاس إِي ثِيذ يسّكّن.

ڒخذايم 22:11

نُّوْر نِّي تُوْغَا يتْسقْسِيق يجْهذ خَافِي، ذوْڒغ وَار تْوِيڒِيغ وَالُو. طّْفن-اَيِي زݣ وفُوْس ينُو يِنِّي كِذِي يدْجَان، سِّيوْضن-اَيِي غَار دِمَشق.

لواحي ن يوحنا 14:4

يِـيْنَا ذ يِنِّي وَار يࢲْرِين عمَّارْص ثِمْغَارِين قِّيمن ذ يعْزْرِيْين. يِـيْنَا ذ يِنِّي يذفَّارن يزْمَار مَانِي مَا يرُوْح. تْوَاسْنجْمن نِثْنِي زِي ڒْوسْط ن يِوْذَان حمَا اَذ تْوَاقدّْمن ذ يمزْوُوْرَا إِ أَربِّـي ذ يِزْمَار.

لواحي ن يوحنا 18:1

منْبَعْد إِ مَانَايَا ࢲْرِيغ يجّن ن لْمَلَاك نّغْنِي يهْوَا-د زݣ وجنَّا غَارس سُّلْطَا ذ ثَمقّْرَانْت. ثْشعْشع ثْمُوْرْث س نُّوْر ن لْعَظَمَا ن لْمَلَاك نِّي.

لواحي ن يوحنا 21:11

ذَايس لْعَظَمَا ن أَربِّـي، نُّوْر نّس اَمشْنَاو ثَزْرُوْت ثَصبْحَانْت، أَمشْنَاو ثَزْرُوْت ن لْيَشب ثصْفَا اَطَّاس.

لواحي ن يوحنا 21:25

ثِوُّوْرَا نّس وَار تْبلِّيعنْت شَا نْهَار يكْمَاڒ قَاع ڒَاحقَّاش وَار ذِنِّي بُو دْجِيڒث.

لواحي ن يوحنا 22:5

زِي سّنِّي اَڒ ثْسَاونْت وَار ذِنِّي تِيڒِي بُو دْجِيڒث، وَار تحْذِيجِين شَا ثْفَاوْث ن ڒفْنَار نِغ ذ ثْفَاوْث ن ثْفُوْشْت ڒَاحقَّاش سِيذِي أَربِّـي نتَّا اَخَاسن يݣّ ثْفَاوْث نّس. أَذ حكْمن إِ ڒبْدَا ن ڒبْدَاث.

لواحي ن يوحنا 5:6

ثُمَّا طَّارْف إِ لْعَرْش-أَ، ذِي ڒْوسْط ن اَرْبعَا ن لْمخْلُوْقَاث نِّي ذ يمْغَارن نِّي، ࢲْرِيغ ذِنِّي يجّن ن يزْمَار يبدّ وَلَكِن يتْبَان-د اَخْمِي ث نْغِين. غَارس سبْعَا ن وَاشَّاون ذ سبْعَا ن ثِيطَّاوِين. نِثْنِي ذ سبْعَا ن اَرُّوْحَاث ن أَربِّـي إِݣ يسّكّ غَار مَارَّا دُّنشْت-أَ.

لواحي ن يوحنا 7:17

ڒَاحقَّاش يزْمَار إِي يدْجَان ذِي ڒْوسْط ن لْعَرْش اَثن يَرْوس، اَثن يَاوِي اَكِذس غَار مَانِي دْجَان ڒَعْنَاصر ن وَامَان ن ثُوْذَارْث. أَربِّـي اَذ يمْسح كُڒ اَمطَّاو زِي ثِيطَّاوِين نْسن."