لواحي ن يوحنا 21:22 - ثريفيث 2020

²² وَار ࢲْرِيغ شَا ثَمْزِيذَا ثَمقّْرَانْت ذِي ثنْدِينْت نِّي، مَايمِّي؟ لِأَنَّا سِيذِي أَربِّـي إݣ يزمَّرن إِ كُڒْشِي اَك يِزْمَار نِثْنِي إِݣ يدْجَان ذ ثَمْزِيذَا-يَا ثَمقّْرَانْت.

لواحي ن يوحنا 21:22 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:2

ئِنْدق-د عِيْسَى ينَّا-ٱسن: "مَا تْوَاڒَام قَاع مَانَايَا؟ أَقَا تسْڒَام ڒْحَقّ: وَار ذَا يتْغِيمِي يجّن ن وزْرُو خ ونّغْنِي، مَارَّا مَانَايَا اَذ ينهْذم."

يوحنا 10:30

نش ذ بَابَا ذ يجّن."

يوحنا 13:32

مڒَا أَربِّـي يتْوَاسمْغَار س مِّيس، أَتَاف اَث يسمْغَار عَاوذ أَربِّـي ذݣ يِيخف نّس، أُو ذغْيَا اَث يسمْغَار.

يوحنا 4:21

ينَّا-ٱس عِيْسَى: "تِيقَّا-ٱيِي آ ثَمْغَارْث، أَذ د تَاس يجّن ن ڒْوقْث اَتَاف كنِّيو وَار ثْعبّْذم شَا بَابَا ؤُڒَا ذݣ وذْرَار-أَ ؤُڒَا ذِي لْقُدْس.

يوحنا 4:23

وَلَكِن اَذ د تَاس ڒْوقْث اَقَا ڒخُّو ثُوْسَا-د، مَعْلِيك يِنِّي يعبّْذن نِيشَان اَتَاف اَذ عبّْذن بَابَا س لْحَقِيقَا ذ اَرُّوْح. ذ يِيْنَا إِي خف يرزُّو بَابَا.

أيث-كولوس 1:19

لِأَنَّا يعْجب-اَس إِ أَربِّـي اَذَايس يسزْذغ ذِي مِّيس قَاع مِين غَارس.

أيث-كولوس 2:9

لِأَنَّا لْمَسِيح مَارَّا مِين يدْجَان ن أَربِّـي يزْذغ ذِي دَّات نّس.

لواحي ن يوحنا 1:8

ئِقَّار سِيذِي أَربِّـي: "نش ذ لْأَلِف نش ذ لْيَاء. نش ذ ونِّي إِݣ يدْجَان، تُوْغَا دْجِيغ، عَاذ اَذ د اَسغ، زمَّرغ إِ كُڒْشِي."

لواحي ن يوحنا 11:17

قَّارن: "نتْشكَّر-يشك آ سِيذِي أَربِّـي إِݣ يزمَّرن إِ كُڒْشِي، شك إِݣ يدْجَان، شك إِي تُوْغَا يدْجَان، ڒَاحقَّاش ثسْخذْمذ جّْهذ نّش، ثبْذِيذ تْحكّْمذ.

لواحي ن يوحنا 14:4

يِـيْنَا ذ يِنِّي وَار يࢲْرِين عمَّارْص ثِمْغَارِين قِّيمن ذ يعْزْرِيْين. يِـيْنَا ذ يِنِّي يذفَّارن يزْمَار مَانِي مَا يرُوْح. تْوَاسْنجْمن نِثْنِي زِي ڒْوسْط ن يِوْذَان حمَا اَذ تْوَاقدّْمن ذ يمزْوُوْرَا إِ أَربِّـي ذ يِزْمَار.

لواحي ن يوحنا 15:3

تْغنَّاجن س يِيْزْڒِي ن مُوْسَى ڒْعَبْذ ن أَربِّـي ذ يِزْڒِي ن يِزْمَار قَّارن: "ڒخْذَايم نّش ذ ثِمقّْرَانِين يسْذهَّاشن، آ سِيذِي أَربِّـي نّغ إِ كُڒْشِي إِي يزمَّرن. ئِبْرِيذن نّش ذ ڒْحَقّ ذ نِيشَان إِݣ يدْجَان، آي اَزدْجِيذ ن ڒݣْنُوْس ن يِوْذَان.

لواحي ن يوحنا 16:14

يِيْنَا ذ اَرُّوْحَاث ن شَّيَاطِين تݣّن لْمُعْجِزَاث زَعْمَا. تْرَاحن غَار يزدْجِيذن ن ثْمُوْرْث مَارَّا حمَا اَثن سْمُوْنن إِ ڒْحَرْب ذِي نْهَار نِّي اَمقّْرَان ن أَربِّـي إِݣ يزمَّرن إِ كُڒْشِي.

لواحي ن يوحنا 16:7

سْڒِيغ إِ يِجّن ن صُّوْت يقَّار-د زِي ڒْمذْبَح: "وَاه آ سِيذِي أَربِّـي نّغ إِݣ يزمَّرن إِ كُڒْشِي، ڒحْكَامَاث نّش ذ ڒْحَقّ، أَقَاثنْت نِيشَان."

لواحي ن يوحنا 19:15

ئِتفّغ-د زݣ وقمُّوْم نّس يجّن ن سِّيف يقْضع، اَزَّايس يُوْوث ڒݣْنُوْس. نتَّا اَثن يَرْوس س وعكَّاز نْ ڒحْذِيذ، اَخَاسن يعفّس ذِي ثْسِيرْث ن وَامَان ن وضِيڒ يعْنِي ذ لْعِقَاب اَمقّْرَان ن أَربِّـي إِݣ يزمَّرن إِ كُڒْشِي.

لواحي ن يوحنا 4:8

كُڒ يجّن زِي لْمخْلُوقَاث-أَ غَارس ستَّا ن وَافْرِيون، كُڒ اَفْرِيو يشُّوْر س ثِيطَّاوِين خ جِّهتَاين. قَّارن دْجِيڒث ذ نْهَار بْڒَا مَا ٱذ بدّن: "مشْحَاڒ عَظِيم، عَظِيم، عَظِيم، سِيذِي أَربِّـي يزمَّرن إِ كُڒْشِي. نتَّا ذ ونِّي إِي تُوْغَا يدْجَان، ذ ونِّي إِي يدْجَان، ذ ونِّي عَاذ إِي د غَا يَاسن."

لواحي ن يوحنا 5:6

ثُمَّا طَّارْف إِ لْعَرْش-أَ، ذِي ڒْوسْط ن اَرْبعَا ن لْمخْلُوْقَاث نِّي ذ يمْغَارن نِّي، ࢲْرِيغ ذِنِّي يجّن ن يزْمَار يبدّ وَلَكِن يتْبَان-د اَخْمِي ث نْغِين. غَارس سبْعَا ن وَاشَّاون ذ سبْعَا ن ثِيطَّاوِين. نِثْنِي ذ سبْعَا ن اَرُّوْحَاث ن أَربِّـي إِݣ يسّكّ غَار مَارَّا دُّنشْت-أَ.

لواحي ن يوحنا 7:15

س مَانَايَا اَقَاثن زَّاث إِ لْعَرْش ن أَربِّـي، عبّْذن-ث دْجِيرث ذ نْهَار ذِي ثمْزِيذَا ثَمقّْرَانْت نّس. ونِّي يقِّيمن خ لْعَرْش اَثن يحْضَا.

لواحي ن يوحنا 7:17

ڒَاحقَّاش يزْمَار إِي يدْجَان ذِي ڒْوسْط ن لْعَرْش اَثن يَرْوس، اَثن يَاوِي اَكِذس غَار مَانِي دْجَان ڒَعْنَاصر ن وَامَان ن ثُوْذَارْث. أَربِّـي اَذ يمْسح كُڒ اَمطَّاو زِي ثِيطَّاوِين نْسن."