لواحي ن يوحنا 21:10 - ثريفيث 2020

¹⁰ ئِيْسِي-اَيِي اَرُّوْح غَار يِجّن ن وذْرَار ذ اَمقّْرَان يُوْعْڒَا، ئِسْمظْهَار-اَيِي-د ثَنْدِينْت يقدّْسن يعْنِي لْقُدْس، ثهْوَا-د زݣ وجنَّا زِي أَربِّـي.

لواحي ن يوحنا 21:10 ပူးပေါင်းရင်းမြစ်များ

ڒخذايم 8:39

وَامِي د ݣَعّْذن زݣ وَامَان نِّي، أَرُّوْح ن سِيذِيثْنغ يرْفع فِيلِيپَّـاس سّنِّي. وَار يقِّيم شَا وحَبَاشِي نِّي يتْوَاڒَا فِيلِيپَّـاس كْتَار عَاذ، يُوْيُوْر خ وبْرِيذ نّس س ڒفْرَاحث.

أيث-ݣلاطيا 4:26

وَلَكِن ثَنْدِينْت ن لْقُدْس إِي يدْجَان ذݣ وجنَّا اَقَات حُرّ، نتَّاث ذ يمَّاثْنغ.

لواحي ن يوحنا 1:10

ذِي نْهَار ن سِيذِيثْنغ تُوْغَا يهْوَا-د خَافِي أَرُّوح ن أَربِّـي، سْڒِيغ غَار ذفَّار ينُو يجّن ن ثْمِيجَّا ثمْغَار صُّوْت نّس يݣَّا اَم زَّمَّار.

لواحي ن يوحنا 11:2

وَلَكِن ڒمْرَاح يدْجَان غَار بَرَّا إِ ثمْزِيذَا اجّ-يث وَاحْذس، وَار ث تعْبَار شَا ڒَاحقَّاش يمُّوْش-اَسن إِ ڒݣْنُوْس. أَذ عفّْسن ثَنْدِينْت يقدّْسن ذِي ثْنَاين أُو اَرْبعِين ن شْهُوْرَاث.

لواحي ن يوحنا 17:3

لْمَلَاك نِّي ييْسِي-اَيِي اَرُّوْح غَار ڒخْڒَا، ࢲْرِيغ يجّن ن ثمْغَارْث ثنْيَا خ يِجّن ن ڒْوَحْش ذ اَزݣّْوَاغ يحذْقن يعمَّر س يِيسمَاون وَار يحْڒِين خ أَربِّـي. غَارس سبْعَا ن يقيُّوْعن ذ عشْرَا ن وَاشَّاون.

لواحي ن يوحنا 21:2

ࢲْرِيغ ثَنْدِينْت يقدّْسن نتَّاث ذ لْقُدْس ذ جْذِيذ. ثهْوَا-د زݣ وجنَّا زِي أَربِّـي ثݣَّا اَم ثسْڒِيث ثعْذڒ يخف نّس بَاش اَذ تڒْقَا مُوْڒَاي.

لواحي ن يوحنا 3:12

قَا ونِّي غَا يربْحن اَث سْبدّغ اَم يِجّن ن وپِــيلَار ذِي ثمْزِيذَا ثَمقّْرَانْت ن أَربِّـي ينُو اَذ يقِّيم ذِنِّي إِ ڒبْدَا. أَخَاس اَرِيغ يسم ن أَربِّـي ينُو ذ يِيسم ن ثنْدِينْت ن أَربِّـي ينُو، يعْنِي لْقُدْس ن جْذِيذ إِي د غَا يهْوَان زݣ وجنَّا زِي أَربِّـي ينُو. أَخَاس اَرِيغ يسم ينُو ذ جْذِيذ.

لواحي ن يوحنا 4:2

ڒخْدّنِّي يهْوَا-د خَافِي أَرُّوْح ن أَربِّـي، ئِمظْهَار-د ذِنِّي يجّن ن لْعَرْش ذݣ وجنَّا يقِّيم خَاس يجّن.